而家D父母個個都貪錢,狗眼看人低,唔怪得咁多女仔嫁唔出啦
我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??永遠唔能夠有愛情,有另一半,甚至唔能夠建立自己家庭呢??
廢話少講,事緣尋晚終於能夠同拍左拖3個月的女友雙親見面啦,事前梗係要做足準備啦.我已經在我能力範圍
之內細心挑選左一支我認為最好紅酒同埋一合燕窩給女友父母,但點都估唔到,呢一切只係惡夢GE開始...........
到左尋晚食飯時間,我地2個滿心歡喜咁拎住見面禮去見他們,仲笑笑口咁同佢地打招呼,點知...............
女友阿媽一見到我手上的紅酒,我已經感覺到佢當堂面色一沉,跟住開始用很不友善GE眼光望住我...當時我都不以為意,仲
笑騎騎咁同女友去廚房開飯,點知到開飯後,戲肉上演了...
首先係佢母親開始發炮,不過我都仲未為意..因為最初只係問下我地點樣識,我幾歲,住係邊度咁呢D好COMMON GE話題,
咁我咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...係呢個
過程裡面,我都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
"你揾幾錢個月呀???"
"8000左右啦.."
"8000??咁你有冇諗過同我個女結婚呀??"
"暫時未有計劃,因為我覺得我地拍左唔係好耐,仲未了解得夠.."
"冇計劃???咁你同佢拍黎仲咩??"
呢個時候我已經覺得好唔妥架啦....咪話:
"咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
"OK,咁你話同父母住公屋,係咪??"
"係呀."
"係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
可以養到我地呀???我唔該你,食完呢餐飯好走啦,唔好再揾我個女,知道未呀??"
嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???
塊野鑲金架???你地都痴膠花GE...你食x啦..仲有,呢 兩合野我當俾乞兒啦....x@@杏加橙.."
果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
尋晚成晚就係咁自己一個係咁隊到啤啤夫..真係.........天啊..點解呀??????
就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻
的感受.......呢個世界係咪已經變得咁樣..個個都狗眼看人低呢?? 其實父母都是為了自己的兒女著想
試回想下,若你是一名女生 ,你父母也不願意你跟一個每月得8千元的男生
現時8千元一個人用也不是多,現在還多了位女生
所以 你應該諒解那家人 現實係殘酷....不過樓主女朋友既父母又實在太勢利了
[我唔該你,食完呢餐飯好走啦,唔好再揾我個女,知道未呀?]←呢句說話真係...eq爆登既人都頂唔順啦
不過樓主又太衝動 爆左錦多粗 第一印象本生都差了 爆埋粗更加....也許果一刻真係太火 但畢竟對方都係你女友的父母.....
現在樓主能做的就是跟你女友一起面對這個問題... 天下無難事 只怕有心人
樓主加油吧:)
多口問句...你女友住公屋定第2d ?! 算啦...父母就係甘嫁啦...
窮唔緊要...最緊要勤力...邊個有錢佬唔洗捱?芭菲特 索羅斯呢d有錢佬都有經歷過窮人既階段...佢地一樣可以變成首屈一指既有錢人...
努力d搵錢...做個有錢人...要果d曾經睇唔起你既人後悔...加油=] I am so sorry about that
但係事實如是 的確要錢 你都要接受事實
但係我都支持你因為對方父母比較過火 太過不留餘地 唔好講粗口.......一講咩都死.......如果你還愛你d女友的話...夾係中間咁會令佢好難受...想辦法道歉la........你應該同佢講你會發奮努力搵多d$ .......佢地ge擔心唔係錯晒ge....加油la
頁:
[1]