關閉 X 樂古 Nakuz.com 全頁廣告 (將於 20 秒後自動關閉)
返回列表 發帖
    分享到Twitter  

卡莉配點參考及討論

本帖最後由 monsterbb100 於 10-8-2012 17:13 編輯

開左新職,小怪又去親驗左一輪,覺得卡莉的威力好正~~ 爪系既連技真係差唔過遊俠,咒系既遠攻同減傷都唔會弱過火雞,之後用模擬器整左幾個配點比大家參巧討論一下~~ (因為太耐冇入精華區lu~~ 手癢下,希望又可以入精華區~~ {:1_9:} )

(因為係大陸既模擬器,所以用返大陸個名,大家睇唔名就開Game入去睇圖對照啦~~)

先黎個全力強攻型(適合單體連技或小範圍攻擊用~~)既先~~ 爪系既卡莉,連技真係一流,CD快,起手快,真係可以做到無間斷攻擊~~ 只係怕MP唔夠佢咁玩.... {:1_10:}

卡莉.jpg
10-8-2012 12:42


卡莉技能方面︰

靈魂之風︰
滿,CD快,射程遠,起手快,用黎做起手技或追殺技一流~~ 兩段扇光,可以用MOUSE黎轉向射出~~ 中招後若果係小體型既怪,會有硬直效果~~

絕望針︰
1點前置,雖然呢招點滿威力可觀,但經小怪真實測試後,發現只用爪系都夠你忙,呢招只係用黎起手撓敵鎖人用~~ 或者打副本時,預計邊個位會出怪,就放定黎打怪~~ 同法師既毒霧有異曲同工之用~~

陰暗之魂︰
1點,用黎被群毆時甩身用~~ 雖然點滿有7秒喪失意志(即唔會發動攻擊),但怪仍會暴走~~ 仲要係暴走得好利害果隻(即周圍走),比著你或者隊友都唔想7秒滿場跑黎追返隻怪黎打掛?!所以點1比佢暴走3秒算~~ 暫時未知技能對巢穴Boss有冇效,留待巴打們提供~~

幽靈守衛︰
滿,相等於傭兵既群鐵(當然點都唔及傭兵既群鐵咁有效),點滿後以傷害既18%轉為扣MP~~ 持續25秒(點滿後),CD30秒,唔知有冇技紋可以加時間,若果有,真係有可能做到長期開動既效果(當然每30秒襟一次,你會襟到手軟或者唔記得襟,就當傭兵群鐵,有需要時用算~~ )

幽靈之魂︰
必點,15秒內全體隊員既力、敏、智、體都會加多一倍~~ 可惜得15秒,CD又要60秒,用黎等所有人開大技秒王之前先黎個幽靈之魂,大家輸出都會強多一倍~~

第二行除左浮空滿之外,其他點1,頭兩招出世就有,第三招物攻技︰精神打擊點出黎係用黎破柱或破霸體用,尤其係打綠龍時,要鎚頭時,用呢招好有用~~ 點滿字面數字好正,可惜卡莉暫時都係魔攻職,大家都會以魔攻為主,所以點滿反而攻擊不夠~~ 可惜出招慢~~ PVP打倒地敵人好正~~

其他瞬閃呀~~ 加HP呀~~ 起身反擊呀咁可以點滿就點滿,點都要點出黎,尤其係跳踢果招,即鬼魂踢必點,因為好多連技都要靠呢招,而且跳踢既距離暫時係全部職最遠既,跳既期間可以用準星黎調較角度黎較距離,暫時係全部職唯一可以空中調較距離既跳踢技~~

精神訓練,精神掌握︰
各1因為點數比較緊,所以各點1黎留點點其他技,靠朝氣紋、潛力、時裝效果及或字尾黎升自動MP啦~~

不點技能原因︰
回旋轉︰要暈左先用得~~ 基本上差唔多龍之谷既所有職都唔會點呢招(遊俠除外),卡莉都唔例外,雖然之後有招必暈技,但爪技都忙到你死死下,加多招會令你更手忙腳亂~~

傀儡之魂︰要被打先用到... 即係以血換攻擊,蛋散怪扣血少就話可以用黎迷下佢定佢身o者~~ 巢穴Boss果D,下下都重鎚既,你仲用血黎做攻擊?打完你都可能被打飛左啦~~ 仲出到技咩....


吶喊者.jpg
10-8-2012 12:42


吶喊者技能方面︰

爪系除左束縛之爪外,基本上全滿。爪系成套係可以做到好強既連技既,而且好多爪招滿左都好強,若果玩純輸出既,滿爪系黎打真係好正~~ 而束縛點1係因為所有爪系都係出好多招,但呢招束縛之爪只係將敵人浮空,而且得下,用黎配搭連技點1路過算,但呢招必點,因為一定要靠呢招黎接駁之後既招式~~

精神蔓草︰
點1,連技其中一招接駁招,點1算~~ 加強其他強招仲好~~

怨恨之象︰
滿,劃地為皇,打巢穴Boss時可以劃個圈圈比你響圈內盡情凌虐隻王,仲附帶攻擊力~~ 好正既一招技~~ 唔好處係隻怪走出左個圈圈就冇效,同奇蹟差唔多,只係奇蹟係全隊減傷,而你呢招係全隊加暗抗之餘仲減弱王既霸體,打綠龍要鎚頭時,先放呢招後配上卡莉技能既精神打擊黎破霸體特別有效,對團隊破王既霸體都好有效~~

唔點技能原因︰
全部符系唔點,因為玩純爪系卡莉,單體(小範圍)輸出好鬼強,符系既遲D再Post配點啦~~ 符系既卡莉係玩減傷後狂攻既遠距打法,爪系係好似遊俠咁玩快攻近身連擊既打法~~ 係唔同既~~

靈魂激增唔點,呢招真係痴鬼線,用血黎換攻擊,唔係用MP黎換,若果MP都話可以自動回復黎補返... 血喎,不嬲血多先夠揪,而家仲用血黎換攻擊... 傻架咩?除非將來出裝可以有自動回復血既效果,若果唔係,我真係唔會點佢出黎用~~ 咒術師... 唔係咒死自己既術師呀... 傻~~ {:1_10:}



黑暗薩滿.jpg
10-8-2012 12:42


黑暗薩滿技能方面︰

狂虐之樂︰
3點(因為唔夠點點滿),同聖徒既血盾差唔多,分別係聖徒血盾係被打加血,而卡莉係打人會加血,團隊buff,配合隊中聖徒一齊放正晒,即係除非隊友唔打又跑到老遠唔比怪打,若果唔係即係攻擊又加血,被打又加血,爽~~

幽靈之爪EX︰
其實唔係咁想點出呢招,因為EX左,會令到幽靈之爪第三下同第四下有彈飛效果,咁即係會有機會令到下一招連技︰束縛之爪無效,但若果主攻巢穴Boss,就點佢出黎啦~~ 話晒巢穴Boss無可能比你彈飛到,再者會令到幽靈爪更強~~ PVP主流既唔見意點~~

混沌陣︰
滿︰(鬼抓人無秩序亂爪版,拍鬼片一流),好強既一招,配合吶喊者技能既復仇之爪後用,再加上幾招劃圈圈既範圍爪一齊用,你真係可以坐響圈外,買埋花生慢慢睇比你拉入圈內既敵人點樣比你D爪凌虐至死~~ 打PVP時更會激死對手,因為可以令對手數十秒響你圈內慢慢比你玩死仲要佢冇得還手,你又唔洗點出手果隻~~ 呢招加埋復仇之爪、憎恨之境、狂暴之爪同怨恨之像合稱 "黑洞凌辱五爪"~~ {:1_12:}



技紋未齊,唔知提供邊類好D~~ 遲D補返比大家~~

強化紋同一般法師職既紋差唔多,唔想多講~~ 大家玩左咁耐,都應該知法職用邊D強化紋架啦~~



小怪模擬出黎既連技係咁(當然有出入,大家拎出黎討論下~~ 又係果句,不喜勿插~~)

其實卡莉呢個角色可以有好多連技變化,有好幾套連技可以變化,先用小怪最常用既連法啦~~ 遲D再post埋其他連技配組~~

靈魂之風起手-->瞬閃埋身-->閃電之爪(空中)-->幽靈之怒(四下)-->鬼魂踢(即跳踢)(落地)-->(若擊中,再瞬閃加左鍵出精神蔓草)-->(唔理跳踢冇擊中,或接精神蔓草之後) 幽靈之爪--->(四下後即按右鍵接)--->束縛之爪(敵人浮空)(大體型怪唔會浮空,但仍可接以下招式)-->復仇之爪(將敵人拉入圈中開始你之後既黑洞虐殺計劃)-->怨恨之像-->狂暴之爪-->靈魂尖叫-->憎恨之鏡.... 咁都唔死得就再由閃電之爪黎開始再Looping~~~

當然,小怪未到封頂,實際測試留待實測~~ 但構思係可行既,大家都黎討論下啦~~ 當然真係~~ 用心之作,不喜勿插~~ 謝謝~~

遲D再配埋符系卡莉,雙修卡莉既配點比大家~~~
1

評分人數

參考下@@
我仲未升到咁高 :D

TOP

哈哈,我琴日打到黑暗師招45技..
可以+20%持續時間和+ 0.09%血@@是否神技-_-

TOP

有冇配點條link

我想睇下有咩技= =

TOP

本帖最後由 monsterbb100 於 15-8-2012 00:53 編輯
有冇配點條link

我想睇下有咩技= =
Siu乂小聖 發表於 14-8-2012 15:35



呢度~~

http://dn.duowan.com/s/t4/darksummoner.html

自己配黎玩下啦~~ 如無意外我星期六朝早先配埋個純咒減傷比大家~~ 因為平時返工好忙,夜晚返到屋企又掛住玩龍谷~~   所以冇時間,今個星期六我要On Duty,一般星期六都唔忙既,老板又唔響度,最適合Post配點~~

哈哈,我琴日打到黑暗師招45技..
可以+20%持續時間和+ 0.09%血@@是否神技-_-
po159956 發表於 12-8-2012 12:09


唔算太神,只係同聖徒招血盾有異曲同功之效,打人時會加血,配合聖徒既血盾,即打或被打都加血,雖然加得唔多,但都好洗好用~~

TOP

返回列表