樂古Nakuz

標題: [已審] [六月素質帖]天山 PVP/PVE 詳盡分析 [打印本頁]

作者: ∼香Ｂ∼ 時間: 3-6-2012 12:18
標題: [已審] [六月素質帖]天山 PVP/PVE 詳盡分析
本帖最後由 kelvin4leung 於 8-6-2012 21:32 編輯

所在伺服器：樂古主版
遊戲名稱：∼香Ｂ∼
報導日期：8-6-2012
稿件內容：[六月素質帖]天山 PVP/PVE 詳盡分析

前言:
首先介紹下自己,,本人曾係逍ser一個5554天山而家已經放左ac,,我玩左天山4年有多,對打交都算有少少體會,,希望可以同其他高手交流一下呢個帖主要針對打交技巧,,至於加點,裝備選擇..有興趣的可以爬文

天山係戰場上既優劣

優勢:

靈活性高: 30秒一次加速,瞬移技.加上眾多長隱技,體現刺客來去無蹤既特色
爆發力強: 移花接木 20秒內雙倍普攻輸出; 鷹擊長空十大門派唯一屬攻群技

劣勢:

相對比較脆: 天山血量成長係外功門派包尾,,所以戰鬥中容易被秒
戰鬥持久性低: 天山攻擊技能冷卻時間長,,主要技能移花冷卻102秒同生冷卻5分鐘令天山無辦法可以好似逍遙,天龍等門派可以長時間戰鬥

校場PVP
校場天山大致可以分為2大類:

猥瑣流

隱形入,冰凝>移花>初隱>點穴>陽歌>平推一下>武魂>暗器投擲>同生>洪濤碧浪>平推一套雁南飛動作>暗器打穴>平推>泗水圍城. 打完隱到第2輪
好多人對呢種天山反感但亦有人鍾意連控既快感,,因為佢地只需要手指禁鍵盤快,,唔需要用腦
對於呢種天山你地可以學習既係時間既掌握至於點樣學,,講真好難教只有靠不斷練習先會有感覺

意識流

我主要想講既就係呢種打法..個人認為不同場合都要有不同打法..你唔可以將野外果套套落校場,,唔可以將校場果套套落比武
可能會有人唔認同意識流打法,,但我始終覺得校場求好玩,求切磋打法多變先至令對手摸不著頭腦,,而且耐玩

下面我將會逐個分析天山面對十大門派既打法
明教:
2個同樣高爆發力既門派,,鬥既就係控技命中率同血量  不過有少少技巧可以改變戰局
首先入左校場儘量遠離明教  呢個時候睇明教動作

第一種情況如果明教企定定唔郁,,十成九都會狂禁烽火呢個時候你就保持同明教最遠既視角時間一到就輕功飛遠  最好情況當然係輕功遇上烽火 3秒烽火被完全瓦解被拉返去之後即刻禁初隱明教搶唔到先手而且少一招控技對天山而言贏左一半

第二種情況如果明教緊貼天山天山就可以行行下急轉身務求令距離大於2米  無敵完,向遠方輕功
當遇上明教開始怒火連控天山可以做既就只係狂禁天地明滅,,當對方連控出現失誤時就可以馬上反控天地完之後初隱+冰凝  時間完到你移花連控

講到尾..天山打明教靠既就係雙方血量  如果天山連明教怒火10刀都頂唔住..根本無得打

丐幫:
天山剋丐幫其實唔需要多講係天龍2 同石天山打贏丐幫實在太簡單不過有少少技巧可以分享

開移花時機: 天山開移花最好時機就係丐幫橫掃果陣加速移花同佢對斬啦...15秒橫掃對抗移花..肯定丐幫壓力比天山大  記住睇移花時間..當感覺對方橫掃時間完果陣80強控,,搶先手
當然有人話,,丐幫開80技可以不停走 80技有5米,移花得2米  令天山打唔到自己咪得  但真實情況係當丐幫不斷係天山攻擊範圍外轉圈時,,天山只要企定定,咩都唔做..依然可以打到丐幫..只有橫掃打唔到天山時,,天山先同樣打唔到丐幫

留技: 打丐幫,加速同瞬移唔好濫用如果面對丐幫冰至無狗果陣  冇左瞬移同加速呢招..就會變成被丐幫白打  所以呢2招一定要留住..瞬移留來防冰至無狗..加速留來同橫掃對斬

鐵鎖橫江: 呢招技打丐幫的確係神技..有時同丐幫平推左一陣..鎖住丐幫然後輕功向後飛  如果咁岩撞中丐幫失明或者散功你就賺左..而且在定身狀態下狗頭..丐幫唔會飛到對方身邊..對方只會被"隔空點穴"  所以得閒可以用鐵鎖呃下丐幫

少林:
少林剋死所有近戰..呢句說話無講錯  超高血量,超高平推傷害再加大量減傷技  全部都係天山噩夢
打少林,,最緊要唔好同佢硬碰開住禮敬,慈航,金剛不壞體既少林  最好就冰凝住如果少林有百無,,就只好不斷繞場跑
當少林無上述狀態時,,就係開移花既時機打少林記得多用初隱,輕功  利用天山自身既靈活度將自己當逍遙咁玩,,打少林其實都唔算太難

天山:
同門相爭,,完全就係比較控與反控既意識  打天山唔需要搶先手..往往"後發制人,先發制於人"  後發制既天山往往可以令移花打得更多落對手身上
自然贏既機會都大增..

打天山記住鷹擊唔好亂用關鍵時用來破對方長隱例如,,你開移花連控..但miss左一招控技比對手踏雪逃跑左  呢個時候你就要開加速小範圍咁郁搵對手出來  當見到對手出現左半秒又消失..就即刻踏雪過去鷹擊繼續發揮移花

打天山同明教差距唔大,,都要係人地開大技連控時天地明滅+冰凝..瓦解對方怒火/移花

慕容:
一次都冇打過..不過我會將慕容定義為高爆發門派  打法類近天山同明教
儘量避其鋒芒

星宿:
星宿算係遠攻入面最容易打既門派..星宿既失明技有陽春解而且星宿靈活性不大..移花好多時候都可以打晒落去

識玩既星宿會預計天山既陽春冷卻令蛤蟆功無得解天山就要留意星宿既動作..蛤蟆功既集氣動作好明顯..當集氣到咁上下果陣..就初隱或者踏雪目的唔係隱形而係要令對手失去目標..雖然有詛咒狀態,但一旦失去目標..蛤蟆功既集氣自然會打斷

星宿比較麻煩既技能係含笑..當天山遇到含笑果陣..可以踏雪遠D再加速跑儘量避下含笑既時間..當然星宿係遠攻而且有詛咒狀態..天山根本隱唔到..呢個時候就唯有"拖" 踏雪加速,,跑向角落..星宿一出現就禁天地明滅再向對角跑  當星宿再次追上天山果陣就可以開始連控反攻,,

天龍:
天龍係我最鍾意既門派..中庸之道係最強的確..天山打天龍比較吃力..因為有非枯呢招技

天山一入校場可以作樣同天龍平推幾下..然後初隱點穴但唔好開移花  天龍好可能會非枯解,,然後八門中沖  見到非枯之後立即踏雪飛走  然後柳暗等大約10秒返去移花同生連控  呢個時候非枯係冷卻狀態下..封穴無解..天山就要爭取時間將血量差距拉大唔係比天龍連技拉開血量,,勝算就大減
忌同天龍打持久戰..靜影打氣我諗唔洗解釋

峨嵋:
同峨嵋打,,完全靠運氣..賭既就係命中率
雖然運氣佔左大部份..但總有野可以人為控制

首先入場之後唔洗急於控制..磨下峨嵋血先..記得用多D加速,,緊逼峨嵋..等峨嵋有壓力而且可以呃下峨嵋既控技
開移花時機: 斬情+西子果刻
當峨嵋急於進攻果時,,就係防守最弱既時候..斬情+西子峨嵋有3秒左右無辦法加血呢3秒時間天山可以打到佢唔少血,,然後峨嵋準備加血時,,天山就要立即移花同生接住連控或者穩D既打法就係踏雪冰凝再移花金蟬點穴連落去...我個人鍾意前者..因為唔需要浪費太多技  但風險較大..因為最後一個控制需要踏雪點穴..如果手慢就會被峨嵋木雞到浪費左4秒移花

武當:
天山打武當真係好困難..2個都同樣具備秒人既傷害,,2個都同樣血少(盾武當除外)
武當控制又多又長..一唔小心移花就好容易被瓦解  而且武當半怒解封穴對天山壓力好大

天山要學破武當封技,,例如天山可以同武當企遠D 無敵時間一完就初隱..然後即刻輕功向後飛...最好既情況就係攬雀miss左,,七星打中輕功中既天山..浪費武當連控時間...當然呢d感覺要靠打得多先會有並唔係咁易

仲有個重點..就係唔好係見到武當既情況下用長隱..否則你一隱左就會被武當用群技打出來

逍遙:
逍遙同天山,,兩個永遠既對手而且打逍遙真係好好玩
最難打既逍遙就係天山102環+洛神狀態  又減速又灼燒..天山靈活性大大減低

打逍遙最忌有固定套路,,天山要諗多d唔同打法..令對手捉唔住自己先可以打贏逍遙
至於點樣打..我真係唔講了情況太多變,,基本講唔晒所有情況
不過有少少建議就係記住天地,踏雪,加速..點都要留一招如果唔係  面對逍遙放大天山根本束手無策
我之前錄左一段片係天山打逍遙  大家有興趣可以睇下
http://www.youtube.com/watch?v=FFpRmqLt3o0片中既逍遙凌波用得十分出色..大家可以留意下逍遙消失係天山視線之後,,仍然打到天山而且放大,傷害,血量都係極品5石逍遙我打佢大約只係55波
ps. 我同呂亙已經打左超過2年.但每次同佢打都仲有新鮮感..呢個就係打逍遙真正好玩之處..亦都係猥瑣流天山永遠冇辦法擁有既樂趣
我成日都話..同石入面我只係得冰抗同呂亙打唔贏如果有興趣大家來逍ser搵佢打下一定唔會令你失望.@@
http://www.aipai.com/c3/PDk-KSQhIGgnaiAq.html 加多條國服天山VS逍遙

野外PVE
清人:
有人話,,野外既天山就係死神..只要被天山盯上既目標,都難逃一死的確..天山清人無疑係最強..隱身狀態下敵人唔知天山幾時會進攻,,隨時會令對手措手不及
移花既秒人威力亦可以係清人到體現 10幾秒內就可以將對手置之死地,,可能對手未反應得切,個MON已經灰左

天山要暗殺一個人,,所需要既技術當然會少d  只需要參考猥瑣流既天山連控方法
ps,多怪既場景就唔好用冰凝,,直接點穴移花

如果天山要暗殺2個人甚至一整隊人..邊d人我地應該打先? (前提係天山要開紅,食抗封穴藥)
我認為首選應該係,,高控制,少血易秒既對手  換句話講..即係武當或逍遙
大家都知逍遙既散功,武當既如封  都對天山移花有極大既影響  所以一定要揀佢地清先
點為之易秒? 移花狀態下,,用2個控制,8秒內就可以殺到既,,就叫易秒如果用得太多控制後面既人你就好難清晒
趁對方企得最密既時候移花鷹擊造成大面積既殺傷然後開始連控秒  記得開定陽春
天山而家唔怕封穴,唔怕失明  接近6成既控制對天山都無效
如果對方反應唔夠快基本上武當逍遙已經被秒..其次就要開始打峨嵋  將剩餘既控制打落峨嵋身上..
加埋之前移花既濺射  全組人既血量都唔會高得去邊..餘下既就任你魚肉了
如果天山連控失敗中途被反控記得唔好貪招一定要狂禁踏雪逃離務求全身而退

群戰:
天山清人就叻,,但打大交..始終都有近戰既局限炮灰一名

打大交首先會集火邊個? 唔係峨嵋,唔係武當  而係開緊移花既天山  若然唔立即解決開緊移花既天山,,對己方人員會造成極大既傷害
所以天山真係好無奈..一來移花冷卻時間長..冇左移花既天山敵人根本無懼..二來難得回好移花諗住去後方秒一個峨嵋  點知一出現有一串狀態出現係右上角再之後就係灰屏,地府,孟婆....

所以群戰始終都係天山既痛天山可以做既..就係換人點名集火
或者見到中左放大狀態既主力隊友,,天地幫佢解圍

其實仲有戰術令天山一展身手,,例如逍遙,天山可以組成一隊  專門去敵方後面騷擾一被攻擊就瞬移  目的係拉散敵方既陣形令前方主力部隊更易攻散
而且可以幾個天山一齊點名圍一個主力 3個移花既威力唔可以睇小
再者,,天山既冰凝霜華可以用來封住非人手補血,又硬,又無人打既峨嵋  令對方少一個輔助

記住..天山係群戰唔係主力(除非你係7石) 天山既工作就係適合作小規模既襲擊騷擾對方

PS. 玩天山最緊要低調,低調,再低調..你都唔想對手全部因為你而上雙孔冰抗..一見到你就唔理三七廿一封左你先...

寫住咁多先..如果有諗到新野再補上#2 歡迎大家交流,,分享一下天山心得

作者: 5567 時間: 3-6-2012 13:09

鐵鎖橫江: 呢招技打丐幫的確係神技..有時同丐幫平推左一陣..鎖住丐幫然後輕功向後飛如果咁岩撞中丐幫失明或者散功你就賺左..而且在定身狀態下狗頭..丐幫唔會飛到對方身邊..對方只會被"隔空點穴" 所以得閒可以用鐵鎖呃下丐幫

可以用狗頭破解嗎?因為大陸改左cd 17秒
勁左好多

作者: ∼香Ｂ∼ 時間: 3-6-2012 13:13

可以用狗頭破解嗎?因為大陸改左cd 17秒
勁左好多
5567 發表於 3-6-2012 01:09 PM

如果丐幫在定身狀態下用狗頭..丐幫唔會飛到人物身邊所以其實用來破狗頭係得既...去到17秒狗頭其實仲容易估對方幾時會出..輕功,初隱同樣可以避狗頭

作者: 5567 時間: 3-6-2012 13:13

如果丐幫在定身狀態下用狗頭..丐幫唔會飛到人物身邊所以其實用來破狗頭係得既...去到17秒狗頭其實仲容易 ...
∼香Ｂ∼ 發表於 3-6-2012 13:13

中毒狀態如何解決？

作者: 比翼×雙飛 時間: 3-6-2012 14:04
應如何應對逍遙同天龍?

作者: 莫菁兒 時間: 3-6-2012 14:18
窮天山可以點樣整勁D隻人

作者: ∼香Ｂ∼ 時間: 3-6-2012 14:57

中毒狀態如何解決？
5567 發表於 3-6-2012 01:13 PM

中左毒隱唔到就唔好隱邊個話天山一定要靠隱形
天山玩既係靈活並唔係次次都要隱

作者: 5567 時間: 3-6-2012 15:02

中左毒隱唔到就唔好隱邊個話天山一定要靠隱形
天山玩既係靈活並唔係次次都要隱 ...
∼香Ｂ∼ 發表於 3-6-2012 14:57

可以寫下遠攻？因為遠攻相比近攻難打

作者: 馬拉松好手 時間: 3-6-2012 15:20
求指點 80下冇80技點用天山唔識玩天山 - -

作者: tamtam96071 時間: 3-6-2012 16:01
咁天山1點身有幾命,閃同會心??

作者: 莫菁兒 時間: 3-6-2012 16:17
我都想學下點玩天山
可唔可以講下你認為天山全體定全身比較好?因為小弟無咩事 D裝廢廢地得3雕6星尾既裝
同埋點樣先可以玩到極限?
同埋平平地點樣可以追求到高傷害?呢家我既裝真係好垃圾 5屬打人先得5千幾6千

作者: ∼香Ｂ∼ 時間: 3-6-2012 16:41

咁天山1點身有幾命,閃同會心??
tamtam96071 發表於 3-6-2012 04:01 PM

天山1體55血,1身 8命,3.33閃.1/14會心

作者: ∼香Ｂ∼ 時間: 3-6-2012 16:49
本帖最後由 ∼香Ｂ∼ 於 3-6-2012 16:53 編輯

我都想學下點玩天山
可唔可以講下你認為天山全體定全身比較好?因為小弟無咩事 D裝廢廢地得3雕6星尾既裝
同 ...
莫菁兒發表於 3-6-2012 04:17 PM

我自己覺得..無論校場,副本,打大交..都係體力天山優勝
而身法天山無話唔好,,但實際用途太窄..只係用作觀賞同清人

我玩過極限身法天山同體天山  始終都係鍾意體天山
畢竟血量先係最實在,最直接決定勝負既元素而身法太虛  命中同閃避根本無一個明顯既體現

6萬命中打10000閃左右既逍遙打10場,有3場封技miss 2個以上  而且平推連續miss既情況亦成日發生
但3萬8命打2萬閃既天山一輪移花又可以全冇miss咁濟
命中閃避既關係根本說唔清

你鍾意賭嗎? 我唔鍾意#2

追求高傷害..得一個方法..提高副屬  但前提你要放棄其他數值..放棄數字上既"極限"
但係天山我覺得冇必要放棄其他數值玩到3屬,4屬  副屬揀一個專修就夠升到600都唔係難事
武魂到亦可以落少少力..將各屬攻既等級提高洗下武魂成長率
天羽隻人5石平推都係7000 - 8000  其實外功來講,,已經唔差

作者: 莫菁兒 時間: 3-6-2012 17:28

我自己覺得..無論校場,副本,打大交..都係體力天山優勝
而身法天山無話唔好,,但實際用途太窄..只係用作觀賞 ...
∼香Ｂ∼ 發表於 3-6-2012 16:49

咁介符應該點選擇?揀雙屬定多屬?
因為多屬要放棄其他野
平民裝.無體既仲收唔收好?
可以講下點先好收?唔該哂大神

因為你知啦..轉全體D數值唔同哂
怕D人又踩你咁低命閃..
睇睇PM我有野想請教你

作者: ∼香Ｂ∼ 時間: 3-6-2012 17:38

咁介符應該點選擇?揀雙屬定多屬?
因為多屬要放棄其他野
平民裝.無體既仲收唔收好?
可以講下點先好收 ...
莫菁兒發表於 3-6-2012 05:28 PM

我建議就係..最好既符戒係雙屬+命中+體+身法
如果有3屬有命中有身法但無體..都可以收但一定要7星,110屬攻以上
體點既唔好處就係身法既數值唔靚..體點實而不華,,身法點華而不實睇你希望做邊樣

作者: tamtam96071 時間: 3-6-2012 18:45

天山1體55血,1身 8命,3.33閃.1/14會心
∼香Ｂ∼ 發表於 3-6-2012 16:41

wa-.-命中成長僅次於天龍-.-

作者: 執迷不悔 時間: 3-6-2012 19:48
目擊56天山秒40m血既天龍

作者: ∼香Ｂ∼ 時間: 3-6-2012 19:52

目擊56天山秒40m血既天龍
執迷不悔發表於 3-6-2012 07:48 PM

有咩?? 我諗秒唔到40m血..fafa一輪技最多秒到大約35m而且逍ser有天龍40m血咩?? turnturn唔止咁少..唔通係吉穿??

作者: 5567 時間: 3-6-2012 20:42

目擊56天山秒40m血既天龍
執迷不悔發表於 3-6-2012 19:48

直秒？應該好難下wo

作者: 光云 時間: 3-6-2012 22:22
星宿唔係想像中咁易打架- -

作者: 痴9線 時間: 3-6-2012 22:51
講得幾好....可惜冇玩

作者: 情風 時間: 3-6-2012 23:02
猥瑣流...個名改得好.

作者: fongkapan 時間: 4-6-2012 00:04

前言:
首先介紹下自己,,本人曾係逍ser一個5554天山而家已經放左ac,,我玩左天山4年有多,對打交都算有少少體 ...
∼香Ｂ∼ 發表於 3-6-2012 12:18

猥瑣流天山控技1 Miss佢就會不知所操啦
星宿並唔係想像中咁易打。都唔明點解d 人成日都話避蛤蟆，係連控之下蛤蟆有得避架咩?
咁講法不如話人地見到天山想同生就避同生- -
再加上其實你講嘅初隱避蛤蟆係唔得，係星宿攻擊狀態之下中咀咒，初隱=廢，即隱即出番黎，而蛤蟆亦唔會斷。

作者: yuncash 時間: 4-6-2012 03:39
講到尾..天山打明教靠既就係雙方血量如果天山連明教怒火10刀都頂唔住..根本無得打
睇完呢句已經唔想睇落去
怒火30秒15刀=2秒要出1刀
踏雪再大隱等15秒開始掉封技咁樣已經廢左佢招怒火

作者: ∼香Ｂ∼ 時間: 4-6-2012 07:39
本帖最後由 ∼香Ｂ∼ 於 4-6-2012 07:50 編輯

猥瑣流天山控技1 Miss佢就會不知所操啦
星宿並唔係想像中咁易打。都唔明點解d 人成日都話避蛤蟆，係連控之 ...
fongkapan 發表於 4-6-2012 12:04 AM

避唔到? 咁咪直接用陽春解我地分析一下點樣既蛤蟆功先可以令天山無得避.無得解
星宿首先用一日,天山陽春  10秒倒數開始
天山開加速繼續同星宿平推 5秒之後,星宿暗器打穴,80控技  接蛤蟆功
星宿既暗器打穴只可以係封穴或者麻痺如果係失明或散功,,對天山而言更容易避
呢個時候屬於天山陽春冷卻既真空期  無得避,無得解

但以上既打法有冇得破解..絕對有
星宿識讀秒,,天山一樣識如果天山平推2,3秒既時候開始連控打星宿..結果會點??
5秒封穴,7秒散功,3秒泗水,  我當天山對自己手法無信心唔用中毒踏雪點穴  天山都有大約15秒既控制時間
15秒移花過後血量拉開左天山亦可以一個踏雪飛遠D  等到星宿追上來,,陽春一早完左冷卻
初隱破蛤蟆係絕對得...詛咒狀態下既攻擊頻率係每秒1次  所以天山最長既隱身時間係1秒..打得多交既人都知..天龍入面1秒既時間已經好長
已經足夠令對手"失去目標" 蛤蟆既集氣自然會中斷

作者: ∼香Ｂ∼ 時間: 4-6-2012 07:42

講到尾..天山打明教靠既就係雙方血量如果天山連明教怒火10刀都頂唔住..根本無得打
睇完呢句已經唔想睇落 ...
yuncash 發表於 4-6-2012 03:39 AM

你諗得未夠深入..無一個明教會無故開怒火而唔連封技被控制住既天山無得踏雪只好靠自身血量抗等明教連控完反擊

作者: fongkapan 時間: 4-6-2012 09:43

避唔到? 咁咪直接用陽春解我地分析一下點樣既蛤蟆功先可以令天山無得避.無得解
星宿首先用一日,天山陽春 ...
∼香Ｂ∼ 發表於 4-6-2012 07:39

正常星宿都係唔會先手，因為天山有隱身嘅優勢
亦因為咁樣，星宿冇可能一日起手跟住比人反控囉。因為如果天山唔係開緊移花，你解左一日果3秒失明都冇用。
再者你一日失明左，係你開解失明嘅時候都左1秒失明，距離一定會拉開左d
你解完之後行番去打嘅時候-->星宿已經應該要暗打穴/80控(此時移花被消耗中)
我建議星宿暗打穴都係散攻，時間長，補番星宿少控制缺點。如果散功後天山走開嘅，只會浪費緊自己移花，相信佢走完去避散功再行番去打個星宿都要時間架
仲有，你踏雪等星宿黎追你，星宿遠攻你近攻，佢追到黎打你都無需要用蛤蟆，星宿打到你，你打唔到佢，洗鬼失明你?

作者: ∼香Ｂ∼ 時間: 4-6-2012 13:15
本帖最後由 ∼香Ｂ∼ 於 4-6-2012 13:20 編輯

正常星宿都係唔會先手，因為天山有隱身嘅優勢
亦因為咁樣，星宿冇可能一日起手跟住比人反控囉。因為如果天 ...
fongkapan 發表於 4-6-2012 09:43 AM

我玩既天山唔會隱形入+一輪技  入到校場之後,,天山會跟隨星宿,,而且唔會太早進行連控天山身法,血量都高過星宿..雖然攻擊差d,但係總體來講平推唔會輸比星宿..對於中毒既門派..我既諗法就係.既然隱唔到就唔好隱..你越想隱越會製造到機會比星宿白打
天山靈活性高,呢樣正好係星宿既缺點雖然星宿係遠攻,,但實戰話比我聽,,被減速既星宿..係追唔上有瞬移,有加速既天山

另外,試問天山開移花既時候..點會唔補上控制? 如果天山miss左封技,,星宿開始反控星宿會用咩技反控? 一日?打穴?
用一日既話,天山即陽春解然後再接餘下既封技打完再踏雪加速等陽春冷卻
用打穴既話,具體既出技就會係..打穴>一日/80控>蛤蟆功/一日如果天山解左第一個失明技..陽春仲有10秒持續時間..單靠80強控係拖唔到10秒  所以蛤蟆功就已經無用
一個天山強手..反應時間一定唔會慢過0.2秒中左失明用陽春之後距離亦唔會被拉開我自問有咁既能力做到

你既打法只適合打果d無腦搶先手連控既天山..對於老手而言呢種打法仍然太單純  升高lv d,搵一d打交經驗深既天山玩..你會發現天山唔係咁簡單

作者: fongkapan 時間: 4-6-2012 14:01

我玩既天山唔會隱形入+一輪技入到校場之後,,天山會跟隨星宿,,而且唔會太早進行連控天山身法,血量都高過 ...
∼香Ｂ∼ 發表於 4-6-2012 13:15

你要講技術嘅- -
星宿高技術會咁連
你miss 控-->一日(即解)即接暗打穴(麻痺5秒)接80控3秒，8秒數間再加輕功你就已經消耗晒10秒陽春
仲有你所講嘅天山不比星宿平推低，同石同裝下天山點都會比星宿低。國服有測試。

作者: yuncash 時間: 4-6-2012 14:04

你諗得未夠深入..無一個明教會無故開怒火而唔連封技被控制住既天山無得踏雪只好靠自身血量抗等明教連 ...
∼香Ｂ∼ 發表於 4-6-2012 07:42

一個明教5石劈你最後果幾下最少30000 會心埋80000都有硬食必死明教點穴手5秒計埋暗技最多比佢劈頭果幾刀。。。

作者: yuncash 時間: 4-6-2012 14:57

我自己覺得..無論校場,副本,打大交..都係體力天山優勝
而身法天山無話唔好,,但實際用途太窄..只係用作觀賞 ...
∼香Ｂ∼ 發表於 3-6-2012 16:49

Agree 我提供多個例子本人全身5xxxx命2xxxx閃3xx會心未開技25xxxx血平推56石丐27m血18xxx閃 55波轉翻全體3xxxxx血3xxxx命14xxx閃 win8m血

作者: abc963 時間: 4-6-2012 15:31
我想問全4天山平推幾多度
全5 幾多度
全6幾多度

作者: ∼香Ｂ∼ 時間: 4-6-2012 16:12

你要講技術嘅- -
星宿高技術會咁連
你miss 控-->一日(即解)即接暗打穴(麻痺5秒)接80控3秒，8秒數間再加輕 ...
fongkapan 發表於 4-6-2012 02:01 PM

你誤解左..我意思係星宿平推傷害比天山高..但比較埋血量,命閃其他因素..天山同星宿既平推仍然不相伯仲唔會輸蝕太多

你所講既連控方法破綻唔少,,連控時間8秒,完左仲要輕功飛遠  咁樣反而會比天山帶來優勢
當星宿輕功落地一刻開始集氣蛤蟆功天山陽春持續時間到  但天山身上亦無控制,,睇到蛤蟆功既集氣動作天山好自然既反應就會反方向輕功飛走
由於星宿已經同天山拉開距離天山反方向輕功後既距離差距仲大..星宿要係減速狀態下搵返天山實在好難
而且天山踏雪仍然未用當星宿搵返天山之後用普攻打天山前後浪費既時間有近10秒陽春冷卻亦差唔多到
天山見到星宿之後,,一個踏雪返返對手身邊繼續追擊  星宿已經再無控技(由於已經無其他封技去接蛤蟆功,天山要避實在易如反掌)
星宿既血量已經被天山拉開唔少..勝負已分(復活之後就難講D)
講得再多都係紙上談兵#2  有機會我地可以切磋下#2

作者: ∼香Ｂ∼ 時間: 4-6-2012 16:13

我想問全4天山平推幾多度
全5 幾多度
全6幾多度
abc963 發表於 4-6-2012 03:31 PM

全4大約4000-5000全5大約7000-8000
全6大約9000-11000

作者: fongkapan 時間: 4-6-2012 23:47

你誤解左..我意思係星宿平推傷害比天山高..但比較埋血量,命閃其他因素..天山同星宿既平推仍然不相伯仲唔 ...
∼香Ｂ∼ 發表於 4-6-2012 16:12

8秒控制+2秒輕功+2秒運氣。陽春相信持續時間完左，而且未cd 完
再者我都講過如果星宿同天山拉開左距離就冇用控制嘅必要-.-"
至於切磋我都想，你比一個同你差唔多勁嘅ac 我一定同你玩，一係你黎南ser@@

作者: 天龍汁未 時間: 5-6-2012 02:26
本身我唔多覺天羽有幾勁睇完片更加之唔覺

作者: yuncash 時間: 5-6-2012 12:35

8秒控制+2秒輕功+2秒運氣。陽春相信持續時間完左，而且未cd 完
再者我都講過如果星宿同天山拉開左距離就冇 ...
fongkapan 發表於 4-6-2012 23:47

我都唔明白點解天山對星宿反而近攻要走- -"

作者: 莫菁兒 時間: 5-6-2012 16:32
54石天山玩到咁已算數一數二
唔勁只係你睇得多其他更高石姐

作者: 執迷不悔 時間: 5-6-2012 18:19

有咩?? 我諗秒唔到40m血..fafa一輪技最多秒到大約35m而且逍ser有天龍40m血咩?? turnturn唔止咁少..唔通係 ...
∼香Ｂ∼ 發表於 3-6-2012 19:52

你又知我講緊fafa@@?
雖然真係佢xd 草草地起碼秒到0之成先啦:loveliness:

作者: ∼香Ｂ∼ 時間: 5-6-2012 18:22
本帖最後由 ∼香Ｂ∼ 於 5-6-2012 19:04 編輯

你又知我講緊fafa@@?
雖然真係佢xd 草草地起碼秒到0之成先啦 ...
執迷不悔發表於 5-6-2012 06:19 PM

靈芝30萬za..兩隻ac我都有玩過..

作者: ∼香Ｂ∼ 時間: 5-6-2012 18:23

54石天山玩到咁已算數一數二
唔勁只係你睇得多其他更高石姐
莫菁兒發表於 5-6-2012 04:32 PM

慣左架啦..d人唔抵得咪惡意中傷反正我已經放左ac 咪由佢地講#2 可能咁樣佢地心理會平衡d

作者: 痴9線 時間: 5-6-2012 19:49
回復 36# 天龍汁未

冇技術的人睇唔明的了

作者: fongkapan 時間: 5-6-2012 20:44

我都唔明白點解天山對星宿反而近攻要走- -"
yuncash 發表於 5-6-2012 12:35

佢意思話避我蛤蟆-.-

作者: 呀暉 時間: 5-6-2012 20:47
請問閣下的影片用什麼軟件拍呢?
很清晰哦所以想請教一下

歡迎光臨樂古Nakuz (http://www.nakuz.com/)