留守到最後：3月31，0：40，估唔到GAMEONE最後都係令我失望

櫻之道

本人作為封測開始試玩嘅玩家，一直到而家，應該都有五年。

相信各位對彩虹島都有一份
唔能夠單單用文字表達嘅感情

好奇怪，好想喊，但又喊唔出。
好唔捨得彩虹島，其實心入面好唔踏實。

諗下諗下，我喊唔出嘅原因，
可能其實係我心入面，彩虹島一早執左，
跟本係好耐好耐之前，好多野已經唔同哂，
“港彩已死”呢啲帖，我都見過唔少，
好多人同事都已經唔存在，什至係呢個過程入面，
有人離開左呢個世界，
要喊嘅一早就喊左。

自問為左呢個游戲，付出左唔少
不論係精神上定係金錢上。
好彩嘅係，我冇後悔過

呢隻game應該為gameone賺過唔少錢，
但gameone你一次又一次令到玩家失望，
包括由某年開始，動漫節攤位已經冇左彩虹島嘅終影，
長期冇更新，客服hea copy and paste回答玩家問題等。

到到今日最後一日，我有期望過GM會出現，
可能係我FF得太勁啦，GM當然係冇上過線。
到0：40分，關閉伺服器之前我有諗過gameone至少會寫一小段野，有啲說話同玩家講咁，
但係，結果係冇。

我唔知大家點睇，不過果陣我心諗，
公告都冇gameone你有冇搞錯
你係遊戲出個小公告都好呀？
彈人之前寫一段仔野都好呀？
一齊同玩家倒數都好呀？

但最後，乜都冇，就無拿拿彈人走
898都冇句。
如果咁岩去左廁所或者轉個頭3秒就會唔知發生咩事。


GAMEONE，估唔到，到最後，你都係令我好撚失望。








希望作為版主，可以為隻Game出最後一分力
彩虹島於三月三十一號正式關閉，感謝玩家一直以來支持同愛戴。

好對唔住各位，我呢個無能嘅版主，乜都冇做到，
對唔住kit版，我冇令到個版“發揚光大”
有緣千里能相會（好似係），再見各位

k97g46

Isabel_Ling

其實我系應該要上水
終於系彩虹島樂古出現~可惜已經太遲
我真系無諗過佢會好似平時甘卡機斷線.
等我仲留住個電視未開lol.
不過至少我們最後一刻都系系彩島渡過;p

御坂10032號

唔捨得,,
我無係最後一日上線有點後悔..

累戀彥

我都冇估唔到佢會就咁斷線關服就算~仲諗住過多陣去影下相

櫻之道

其實我系應該要上水
終於系彩虹島樂古出現~可惜已經太遲
我真系無諗過佢會好似平時甘卡機斷線.
等我仲留 ...
Isabel_Ling 發表於 31-3-2014 02:13

   我同自己講唔會再玩GAMEONE嘅GAME