samuel31 發表於 14-3-2008 21:08:31

如何踏上有品之路?(絕對轉帖)

如何踏上有品之路?(絕對轉帖)如何踏上有品之路?【在雪地裸體跪求：仲有良知既就入黎啦T^T】台灣係一個文明社會，香港亦都係一個文明社會，點解台灣人比人話佢地好有品，我地香港人就比人話冇品，甚至有香港人忍唔住其他人冇品人而去ggc玩，究竟點解香港人咁冇品?小弟愚見，以下係香港人冇品既原因分析:

1.粗口成風
註釋:父母影響----由細聽到大，學埋學埋就跟住一齊講，成為習慣
         朋友影響----為左埋堆，覺得咁樣威d
         外界影響----人講我講，同人罵戰唔講會好虧

2.將快樂建築在別人既痛苦身上有成功感
註釋:覺得害人仲爽過打機嬴左(有d變態!)害自己隊友而獲取成功感，所以就有用馬圍隊友呢d邪惡念頭出現
         入下新手場扮下新手，屈下d新手就覺得咁樣好爽

3.報復心態，跟風
註釋:人地成日走場，我都走場!人地中/高手入新手場蝦我，我做左/高手之後都入新手場蝦人。

4.比人殺就好唔鋸，遇到挫折選擇放棄
註釋:人地中/高手入新手場蝦我，我仲唔走咩?因為比人殺，抑或自己v中廢英，又或者對面有隱英，就唔想面對困難。
          初初做新手既時候比d中/高手蝦，到左自己變左中/高手既時候仲唔有樣學樣，入新手場蝦新手。
         其實kyo2同vlan既管理制度都要負上部分責任，事實上kyo1係好少人會走場

5.不接受批評，反叛心態
註釋:其實有品人要負上責任，雖然冇做冇品行為，只係抱打不平，批評佢地，但係咁樣做反而會激發冇品人既反叛心態，佢地就會變本加厲，其實我地咁樣洩憤黎傷害人，同冇品人有咩分別呢?

6.唔得閒
註釋:阿爸阿媽罵，又或者係出街..食飯...逼不得已冇品走場

解決方法

1.積極玩信長
註釋:就算輸左個勢，都唔可以輸左個人!即使係輸，都輸我好好睇睇。如果郁d就走，點可以從錯誤中學習呢?走場只係逃避現實既行為，與其做儒夫，倒不如做一個好漢，一面反省自己既錯處，再學習他人既優點，先至係唯一步向神手之路既最佳方法。

2.忍粗口
註釋:禍不及家人，講之前諗下人地感受先。一時間要唔講粗口係好有難度，如果想戒可以比一d限制自己，上限自己每日只可以講幾多句粗口，如果超過上限就比d懲罰自己，冇超過上限就獎勵一下自己。(好低能= ="其實呢d講恆心既姐)

3.設身處地
註釋:你唔想人地咁對你，你就唔好咁對人。做野之前諗清楚後果。你一個人既決定，會影響到其他9個人。

4.做個好榜樣
註釋:中/高手唔好再入新手場屈人啦==你咁樣做同冇品人有咩分別，唔好走場，唔好串人。最緊要係少d批評，多d鼓勵冇品人改過自新，希望多d人做好榜樣，可以感化冇品人啦。如果自己隊友係新手，就多d包容下人啦!係人都有做新手既時候，你係咁罵佢，串佢都於事無補，教下人唔係更加好咩?

5.睇定d先好玩信長，預定時間
註釋:信長一場少就話30分鐘左右姐，耐d真係要成粒幾兩粒鐘=="盡量得閒先好玩啦，冇理由幾時食飯都唔知架?諗下一場10個人，你一個走左分分鐘會影響其他9個人要re，亦都會養成其他人都成日走場既風氣。如果只有幾個字時間，玩下td，或者其他小遊戲都得姐，唔一定要係信長架。

最後，我都諗唔到啦~"~但係有一句忠告同有品同冇品人講

有品人:keep住自己原則，做個好榜樣
            少批評，多鼓勵，養成信長呢隻game，討論區，甚至係香港都有一個和諧風氣。

冇品人:放下屠刀，立地成佛啦!
             當你唔想人地咁對你既時候，你都唔好咁對人
             學好3年，學壞3日，如果你地仲有良知既話，慢慢改，有心唔怕遅架

MiChing@滅千 發表於 14-3-2008 21:46:05

好多都冇...不過有時罵戰1就難免

池少~ 發表於 14-3-2008 22:21:06

有冇如何踏上無品之路?

kyo2方面edwin一早講過係唔會點管法 何來管理制度?

仲有每個人對新手中手高手神手既定義唔一樣

可能我覺得自己好新所以入新手場

唔通咁就有錯?唔通咁就叫無品?

我反而想知道有無一套國際準則去界定新中高神4手

來去無蹤KY~ 發表於 14-3-2008 22:53:23

冇野講啦= =,,,,,,,,,有品人,,,,,,,,,,係香港,,,,,,僅少數

-=W=- 發表於 14-3-2008 23:11:38

我想知無啦啦重新開機係唔係冇品先
我有時想玩落去都重新開機啦

...FuNG:] 發表於 15-3-2008 12:43:03

屠泉算唔算冇品囧?...

MiChing@滅千 發表於 15-3-2008 19:07:40

原帖由 ...FuNG:] 於 15-3-2008 12:43 發表 http://www2.nakuz.com/bbs/images/common/back.gif
屠泉算唔算冇品囧?...
多數都係比泉屠嫁喇XD
除非你幾千血

狸大 發表於 15-3-2008 20:54:07

相信１００個冇品人入左黎睇完晒之後
都唔有超過２０個人會改！
不過相信入黎果１００個都會有５０個唔會睇晒
係唔會睇晒個５０個之中有一半係睇到去中間！
亦都相信睇左一半果個５０個之中會有一半係睇左１

MiChing@滅千 發表於 15-3-2008 22:04:54

原帖由 狸大 於 15-3-2008 20:54 發表 http://www2.nakuz.com/bbs/images/common/back.gif
相信１００個冇品人入左黎睇完晒之後
都唔有超過２０個人會改！
不過相信入黎果１００個都會有５０個唔會睇晒
係唔會睇晒個５０個之中有一半係睇到去中間！
亦都相信睇左一半果個５０個之中會有一半係睇左１

池少~ 發表於 15-3-2008 22:13:56

原帖由 MiChing@滅千 於 15-3-2008 22:04 發表 http://www.nakuz.com/bbs/images/common/back.gif

相信100個人睇完你呢段野,有90個都唔會明白,10個睇到一半唔睇........
我係果90個其中一個
頁: [1] 2
查看完整版本: 如何踏上有品之路?(絕對轉帖)