[原創]鬼來電改篇小說-----狙魂來電(更新至第三章)
小弟見咁多人都自己寫小說,於是心郁郁又想寫返篇靈感來自鬼來電
可能寫得唔好,唔該大家比D意見啦∼^^
第一章:
“唉∼幾時先落堂架!?”一向唔中意上中史堂既朱正豪正抱怨時間過得太慢
由於中史堂真係悶到令人想訓覺,所以正豪決定利用書包遮掩偷偷地send短信比朋友
叮!噹噹噹….噹噹…..一陣詭異既旋律從正豪既手機傳出,朱正豪被突然響起既鈴聲嚇倒,心想(奇怪?我既來電鈴聲都唔係咁既…)
老師停住寫緊字既手,大叫”邊位同學響電話?快D自己拎出黎!”
正豪唔想連累到其他同學要搜書包,所以主動將手機交左比老師”朱正豪!小息黎教員室搵我!”
鈴鈴．．．小息開始鐘聲響起,正豪急不及待咁跑落教員室,但當佢跑到2樓樓梯既時候,背後忽然比人用力推左一下!
“啊!!!!”一聲慘叫後,只見朱正豪倒臥係樓梯轉角既地上,而後腦則插著一枝生鏽既鐵釘…………經調查後發現鐵釘係從殘舊既樓梯扶手上脫落的
冇人注意到,係朱正豪死既同時,佢個部放左係老師櫃桶既手機正悄悄撥出一個電話號碼….6731…..4..
待續
[ 本帖最後由 Miroku 於 25-3-2008 17:12 編輯 ] 咁似近來個套"遺言信箱"ge
[]
回復 2# 的帖子
你個頭像幾令-- --好舒服=======================================
樓主個故事好似有d可觀性= =
話之佢抄- -抄得黎要改- -改得黎要好就ok 原帖由 星塵＊＿ 於 23-3-2008 22:25 發表 http://www.nakuz.com/bbs/images/common/back.gif
你個頭像幾令-- --好舒服
=======================================
樓主個故事好似有d可觀性= =
話之佢抄- -抄得黎要改- -改得黎要好就ok
thx[]
呢隻係北極狐黎....我仲有other都睇落去幾舒服ge頭像呀~~[]
========================================
就係佢改得唔夠多= =
佢基本上講ge野都同套戲一樣咁滯- - 因為我幾中意呢個題材
但又諗唔到新既元素..你地有冇建議比我@@? 你不如就寫件事令愈來愈多人死....
迫令police介入事件中...之後成功找到真兇...~~~你唔一定寫佢係鬼~~~
你想講係鬼咪可以寫奇異都得~~
(以上本人意見...不喜勿理) 第二章:
“聽講朱正豪唔係自己失足碌落樓梯死架…..”
……”咩話?比人推落樓梯?”
“..唔好嚇我啦!........”
自從朱正豪死左之後,杏壇中學裡面就不斷有學生製造恐慌
有D迷信既學生更加話朱正豪係比以前係學校自殺既怨靈當做替死鬼……
校長怕事件會越鬧越大,於是係週會宣佈”我知大家對朱正豪既死感到好傷心,但都請各位同學唔好再胡亂製造D鬼怪謠言引起恐慌!呢個世界上係唔會有靈體既存在!我而家作出警告,如果比任何老師發現有同學再談論呢件事既話,就一定會嚴懲!!”
岩岩係學校練完排球,身體非常疲倦既陳美儀一返到屋企就倒係床上休息
係床上小休大約6分鐘,陳美儀就被家人叫去沖涼
正當美儀準備入浴室沖涼既時候,擺放係枕頭上面既手機響起來電鈴聲
“喂!阿欣?我要去沖涼啊…唔唔….好啦!一陣打比你啦~”
30分鐘後
美儀邊用毛巾搓乾頭髮,邊走向睡床並拎起手機
手機的屏幕亮起,屏幕上顯示著”一個未接來電”
陳美儀查看來電者既資料同來電時間”吓??2008年3月25日?”
“媽咪!今日幾多號啊?”
“衰女!成日掛住玩!連今日幾號都唔記得!3月24號呀!”房門外傳黎美儀阿媽既咆哮聲]
美儀再查看下邊個係來電者…來電者竟然係陳美儀…….
“唉…睇黎真係要換左部爛鬼電話啦!日期又錯,通話記錄又錯….有乜可能會係我個名先得架!”
美儀留意唔到,係佢床頭塊鏡裡面有一個陰森既人影一齊注視著佢…….
待續
看得好似好睇,,
快D出第3章=] 快d作埋佢啦...好緊張-0- 第三章:
美儀撥號去留言信箱,聽下來電者有冇留低口訊比佢]
[你好!歡迎使用留言信箱!你有一個新口訊…聽取留言請按1字….]美儀按照毫無感情的電話錄音的指示按下手機按鍵上既1字
[3月25日下午4點38分….好彩冇事姐...啊!!!!”]手機聽筒裡傳出美儀既撕心慘叫
“頂撞佢個肺部啊!邊個搞D咁無聊白痴低B既惡作劇呀!?”
3月25日上午10:23分 數學堂
美儀向坐係隔離既黃雪欣講述尋晚奇怪留言既事
“個留言時間好似係今日下午4點唔知幾多分喎…\有把好似我既聲音係度講咩好彩冇事,跟住就[啊]咁慘叫啦~真係白痴!”
“咁似鬼片D劇情架…好恐怖!”
上堂既時間永遠都係過得特別慢,短短35分鐘既數學堂就好似變成一個鐘一堂咁
陳美儀望向課室窗外既天空,灰暗既天空容易令人感到不安,失落
原本當慘叫留言係惡作劇既美儀亦被陰沉既天色影響到,心情變得沉重
到午膳既時候,外面更落起大雨
美儀食完午飯之後就陪同雪欣一齊去洗手間,黃雪欣入左其中一格廁格,而美儀就係鏡前整理自己既頭髮
陳美儀從鏡反射既影像裡面見到第三格開著既廁格裡面有一個類似朱正豪既男性背影
但當佢轉身望向後時,卻發現第三格廁格原來係閂埋左….
令美儀不禁感到背後發涼….但為怕真係有男生偷入女廁,所以美儀決定鼓起勇氣推開廁格既門…吱…吱….已經生鏽既門鉸發出既聲音就好似一隻老鼠垂死掙扎時發出既叫聲一樣
廁格既門終於被完全打開,美儀用眼睛仔細咁搜尋剛才出現既人形,但廁格既空間咁少,一個人又點可能可以躲藏呀…
“一定係自己眼花睇錯啦!”
美儀一轉頭想離開既時候,見到一個長髮女子係佢面前,而且距離連5厘米都冇
“啊!!!鬼啊!!!”
“你係咪發燒呀?哈哈…”黃雪欣開玩笑地將手放係陳美儀既額頭上