天水圍停車場
個日係農歷七月其中一日 (實際係邊日唔記得左)...因為我記得個日街上有有好多公用焚化爐比大家使用...我同我個朋友仔...收左工...咁就走去一個停車場後面食宵夜 (大約一點鐘到)...
個個停車場係係天耀附近既其中一個屋苑入面既...
停車場後面有一排紅色既長「登」 ...咁我地就坐左係個到食宵夜吹下水咁啦...
食到一半...我左眼角好似望到d野...佢係停車場入面...一團鮮紅色既野...咁我抬頭再望真d啦...
但因為個距離太遠望唔清楚...一開始我仲以為係入面d消防喉轆...咁我無理到啦...繼續食宵夜...
食到咁上下 (五分鐘到)...我發覺個團紅色野原來係到慢慢咁郁緊...
佢係停車場入面慢慢咁行...真係好慢...行左五分鐘到都未經過我地前面...
我開始留意個團紅色野喇...因為覺得好奇怪...
當佢行到我前面...個一刻個團野最近我既視線...我先見到原來係一個女人！(本人有近視..所以要近d先睇到...而我個日無帶眼鏡)
我好清楚咁見到一個女人！長頭髮...紅色長袍！係長袍！好似訓覺個一種咁...
個一刻我先識驚...試諗下...一個女人著住件睡衣係停車場到行...仲要行左差唔多成十分鐘都未行完...
係最近我前面個陣時...突然停車場入面走左一個security出黎...係我地前面行過...而個個女人正正係佢後面！
我同我個fd望一望個security...佢又無理到我地走左去...個女人仲係個停車場入面！
試諗下...一個security巡邏緊...三更半夜見到個女人係入面行黎行去...佢都唔出聲？
無理由！一係就個security唔想理...一係就...佢直頭睇唔到！
個陣時我好驚...驚到即刻叫我朋友走 (我同我朋友都未食完野)
我個朋友都比我嚇呆左...可能我個陣時已經面青口唇白喇...
咁我返到屋企...即刻開個icq (個陣時興icq多d)...
我問我個fd頭先見唔見到停車場入面有個女人？
之後...佢竟然答我話...睇唔到...淨係見到個security行過...之後我就叫左佢走...佢都唔知發生咩事？
個陣時個security係正個女人前面...根本就無可能睇唔到！
再唔係...女人根本無係佢面前出現過...淨係得我睇到
頁:
[1]