究竟版規係為左咩? 版規入面既項目究竟基於咩理由而得出?
設立版規係為左保持基本秩序及防止有人故意呃post
讓其他人方便瀏覽, 可以盡快得到自己想要既資訊
將某些事件列為「違規」, 係因為相關行為會影響其他人或者造成不公平
而唔係故意限制會員既言論
係部份既連post案例中, 會員都只係想盡快回應其他人既問題
而導致連post, 佢地連post既內容正正係其他會員想得到既資訊
咁究竟係依一刻我扣會員樂點既意義係邊?
當然, 連post同時會阻礙另一班人瀏覽主題
所以基本上連post我地係唔容許, 因為咁樣係自私
但係倘若情況非嚴重或影響不大, 其實可以寬鬆
另外, 唔代表每一次閣下發現未被處理都係因為版主行駛酌情
可能亦都係版主忽略左, 會員可以使用報告功能
總結而言, 版規既存在唔係限制會員, 而係令討論環境方便會員
論壇並唔係只屬於某一人, 係為所有會員存在
所以, 每一個決定應該顧及大眾, 雖然係唔會有完美