我想問下點解會咁
本人發現近日只要係對話戈到打某d語音指令 會立即彈機例如:29/30 之如此類人地打都一樣 本人有哂1-42所有語音檔 到底咩事呢??點樣解決呢?? 語音檔錯誤
換左佢/直接del 本帖最後由 魔法家族 於 15-2-2011 09:04 編輯
就aoc彈機既問題,
我可以比到少少資料你參考,
因為我近e一個月知道左一個令對手彈機既方法,
而且成日用黎彈人,
不過e一刻我己經唔會再用,同以後都唔會。
所以有人如果係近日試過被彈aoc,可能是我害你,
我對所有人說:對不起。
我已明白到彈人係錯,無品,
彈人令到遊戲唔公平,
自己又得唔到真正樂趣,多此一舉。
至於彈機同語音檔有無關我唔知,你可以試下del左d語音檔。
雖然我說我自己唔再彈人,而且是說真的,
但是唔代表唔會再有人玩aoc時被彈機。
因為識得令對方彈機既人不止我一個,
加上令對方彈機既方法都係不止一種。
點解我要話比人知我識彈機,
因為我真係想認下叻,咁都比我研究到點彈人,我自己好開心,
不過宜家才覺得我自己其實好笨,浪費時間,
我希望分享我自己親身的愚蠢經驗比大家知,
同時我想話比各位知aoc同其他軟件一樣都存在自己既漏洞。
追根究底,點解我會去搵方法彈人,
因為我比人彈過。
大部份人第一次玩aoc,可能都是玩綠亞,黑森,
我都係其中之一,不過十分29,
之後上樂古見有兵堡場,唔洗搞經濟又可狂生兵,覺得好好玩,
大家都知玩兵堡係文明行先,
就算你4個神手team,只要文明被剋,要win都較難。
由於早期我是新手,
只要見到自己文明差,連同盟文明都唔理,我就會趕唔切亂棄先,
我覺得是人之常情,因為新手唔識野,值得原諒。
之後玩左一段時間,我累積左好多場經驗,
會發覺點解人地用維京都咁勁,用弓又咁快村,我自己用象都咁快死。
到e個時候,我先叫做開始識玩兵堡,
但其實都係好29。
由:用馬走去人地屋企睇人文明,仲要好心第一時間通知隊友,
。。。。到:識去右上角禁制睇哂八家文明。
由:狂禁T制或狂點滑鼠,生城堡兵,按到手軟,
。。。。到:識用Shift+T ,禁一次生幾隻,快好多。
由:唔聽隊友教點行,自己一個行去爆人,結果一座堡都爆唔到,
。。。。到:識跟大隊,唔單獨行事,識接收隊友的提示。
由:傻更更
。。。。到:知道原來有d場主會開bug map,或者開錯。
由:見人地維匈塞...精銳左,會搏命叮叮叮叫人睇下,話1p開bug
。。。。到:了解所有步兵國同匈奴,因文明較弱,會先精銳。
由:自己用土火西火,600kill出村,又話bug,點解我600kill未帝
。。。。到:知道因文明較強,要起城鎮升帝王時代。
由:見到自己team d兵生得唔夠人快同多,又屈1p bug map
。。。。到:知道有d兵種本身出得快,或行快,或人地識用集兵點,或1p真係bug
由:見到對面文明太靚,又屈1p bug map, 做手腳
。。。。到:。知道bug map應該決定唔到文明,但唔知有無得係其他地方做手腳
由:以為法蘭克同殺拉森係弓兵
。。。。到:。知道一個是步,一個是馬
由:唔記得升齊兵工d科技
。。。。到:。宜家緊係識,不過有時掛住打其他野,會忘記升一兩樣
由:唔肯用2座步兵軍營,就算肯生步,都未識分出劍好定出吉吉好
。。。。到:識得好好運用步兵軍營。
由:唔識用Z巡兵,唔識用N堅守,唔識用S定格
。。。。到:識這幾個制的基本用途。
由:上面已經講左好多廢話
。。。。到:仲有好多廢話,好多過程,好多回憶想講。
又經過一段時間,
當我識得好多玩兵堡既竅門,
我己經覺得自己係高手,
我覺得自己抽到任何一種文明都會用得好好,
我唔會再有需要亂棄,
於是我會自己開兵堡場,同拉人。
事關做1p亂棄,分分鍾比人投訴,
所以我就算明知輸,或比人封死哂,
都會打到完場。
有時連win好多鋪,連開數場,真係好有成功感,
仲試過比人讚神手,哈哈,但只係新手比面。
當場又有時連續幾鋪抽到唔好文明,加上自己實力不夠打得唔好,
會成日輸。
輸開就無鬥志,但竟然將鬥志用在玩game之上,
我回頭想覺得真都覺得可笑,過份投入了。
點解咁投入,因為得到成功感。
我打win左你禾,哈哈哈。
我玩遊戲緊係想鋪鋪win,不過就算係遊戲世界同事實都是相似,
相似在無可能任何事都係自己win哂,無可能次次都我win哂。
如果遊戲只分輸同win,我想我次次win,次次出村屈死你。
因此我試過研究用bug map開場,有時d人睇得出bug map,米轉番正版map。
有時d人比我過到骨用bug map,
但是入到去比人見到隻1000攻既兵,就穿煲了,我想走都走唔切。
好彩d人無投訴,不過我明白e個方法行唔通。
唔用bug map了,用番正常map,起碼唔怕人投訴。
但係我又會用1p權亂T人 ,不過咁樣又係會比人投訴。
好彩d人多數不會投訴我,可能d人怕煩,或告左之後,作用都不大,
總會有亂T人的1p,
我去人地場時都試過比人T,明明win緊比人T左,一出村又比人T。
其實我又點會唔明白亂T人係錯,無品。
關於亂T人,我印象中比人告過一次,證據好充足,
不過我用左一d借口,過左骨無事。
其實兵堡真係唔需要加T人系統,根本完全多餘,唔知有無人認同。
由於成日T人,或者各種其他原因,有時1p會引來仇家,
仇家會入番1p場搞事搗蛋,e個情況係防止唔到,做1p都有難處,
我當然試都過比人玩啦,
所以個時我試過開左場,拉左7個人,但唔開game,
之後T哂d人,開啟番哂d位,又拉又T又拉又T。
我自己就覺得好得意,其實好無聊。
其實我上面講過既野,可能有少數人都做過,
有d野又係新手必經階段。
仲有好多可以講,
係一d玩遊戲既回憶,
不過留番自己得閒先回味了。
廢話不說啦。
總之一定會有人想學點彈人,
因為比人彈過。
之後你學識左,又到第2個人好奇想學,
永無止鏡。
你想學可自已研究,可以問人。
最後,
我係幾時決定不再用彈人呢,
是我覺得彈人之後可以ag了,
但又是差文明,又彈,
始終得不到樂趣。
我決定不再用彈人之後,
玩了幾次兵堡,即使文明不好,
都沒有bug,沒有亂棄,都打得最後
有win有輸。
當然得到我想要的樂趣。
希望你地都可以啦。
最後最後,
有一些說話給,識得用外掛,bug或彈人既老手,
盡量正正常常去玩game啦。
有一些祝福給,一群擔心aoc沒人玩的老手。
希望aoc可以繼續帶比你地想要的樂趣。
^,^ 回復 3# 魔法家族
多謝你d寶貴意見>< 本帖最後由 黑焰狼魂 於 17-2-2011 21:09 編輯
回復 2# pk456456
係邊到有= = 不好意思連帖了
頁:
[1]