藤子‧F‧不二雄館 朝聖多啦 A 夢
藤子‧F‧不二雄館 朝聖多啦 A 夢這個世界，有些東西是百看不厭的，縱橫動漫界 40 多年的《多啦 A 夢》肯定是其中之一，由筆者幼稚園看到現在，漫畫、動畫和大電影歷久常新。想回味《多啦 A 夢》過去 40 多年的故事，還有一眾藤子‧F‧不二雄老師的作品，就要去川崎市的藤子‧F‧不二雄博物館喇！入館參觀要預約，GOtrip 為大家帶來博物館圖文介紹，等你止渴先！
入到藤子‧F‧不二雄博物館，reception 好似平平無奇，不過只要抬高頭，就會見到他筆下的角色，在天窗中同你 say hi。除了天窗，牆身仲有多啦 A 夢、大雄同 Q 太郎浮雕，也是不能錯過的影相位。
和藤子．F．不二雄的囝囝囡囡打招呼後，來到博物館一樓可探索大師的創作歷程。一樓有兩個展覽館，其中展覽館 I 放了藤子．F．不二雄的手稿和對應擺設，最特別是立體漫畫教室，大雄和多啦 A 夢現身說法，教你點樣畫漫畫。如果你偷到師，說不定可以做藤子‧F‧不二雄二世！一樓另一展館是藤子．F．不二雄的房間，一個漫畫家點樣埋頭苦幹？睇到他的枱面，寫畫工具埋滿枱面，仲有一個高 8.5 米的書櫃，架上擺放不二雄老師的藏書，你就知道做漫畫家真係「成功需苦幹」呀！
連接一樓兩個展館，是藤子．F．不二雄的生平，他自爆自己和大雄一樣，缺乏運動細胞，所以全副精神用來創作漫畫。一樓還有紀念品店，發售多啦 A 夢、Q 太郎和神奇小子等商品，總共有 400 幾款，fans 們記得帶夠銀彈去掃貨呀！ 我都好鐘意睇多啦a夢個~ 個故仔好正 我好細個已經開始睇喇~ 佢D道具實在太好用 係囉~ 如果真人有果d道具就好喇
我以前細個都成日咁諗 係啦~ 我成日諗如果有隨意門~ 唔洗答車幾咁方便呢
原來大家同類人黎啵 係啦~ 有隨意門就唔係坐車好方便
我想要縮小電同啵周圍去方便D 電同有咩好呀 :) 一陣咁細隻比人踏死左都唔知 咁唔用電同都仲有其它野用咩
竹青停呢~ 上去睇風景一流呀 我之前睇過本書講果舊野~ 如果真人用的話一定會4分5列嫁@@ 好好笑 係呀, 果本野好似叫空想科學咩咩咁
好好睇 !