無水mp職單挑絕望成功by GreeCe(with攻略)
本帖最後由 asd199499 於 25-3-2012 06:15 編輯MFV4PHYLfqc
早陣子,黑仔和天爺都po了單挑絕望的影片。不過,我就特別一點,po個不用水且mp職單挑成功的片。不過,我呢段片,係3人單挑之中,最慢果段(外國人單挑既話,一定比我更慢),除左職業優勢之外,我既裝都係佢地3個之下,係呢個moment,我好認同千e之前所講,60lv裝係有一定既存在價值,因為我係用套60裝岩岩好上到ss,9千攻,7千2防,5千1血,轉左武變魔2,s+,因為少左幾百攻。我在想,相信不少人看到我用小莓也會認為:你有補血都用十個b?唔係呀嘛。我希望你們有這個想法前,先看看影片下面的描述才想下這個想法岩唔岩。小莓打絕望之簡單程度,相信大家也明白,與普通mp職不同,她有回血,有清兵,有疊爆等能力,最重要係順移。冥界神,火山神,毀滅神,命林小王/樹枝.征王,e布lazer,後勤2王全部技,1王全部技除大技,後勤小王瞄準,王家衛士飛鎚,伯恩大技(如片中所示),什至連以下片段果招技,如果冇順移,大家應該會覺得好麻煩,話哂冇ap職咁多氣黎頂技。
aHxY00_WxnY
只能說的是,肥仔向左/向右每次出果8粒都係一樣次序,如果離佢遠d,你最多打橫食4粒.所以可以偷雞咁避。絕望隻王好似同呢個相反咁出,片中,上上下上下下上下,但絕望好似係下下上下上上下上(唔記得係咪),總之汁生喇。
因為今次地圖難打,所以我破例一次po一d絕望有關既打法/要注意既地方,而片中睇唔到既(有d特別重要既會再提)以及黑仔都冇提過既,至於同小莓有關既,我就唔po喇,有片睇架嘛。就算我係last day po打法,但絕望係咁多個地圖加埋,如果大家睇完,可以幫到大家日後識得點打呢d王。
p.s.:除左黑仔所講之外,記得要裝一招頂到技既1技,係1技。巨劍1技果d帶去會死人,不過如果你有劍1轉鎖,帶劍3都唔緊要。
冥界:單挑係安全好多架,慢唔緊要,最緊要贏到,快黎贏唔到,哂劵就唔好。先挑一隻,如果danger跳左去第2隻果邊(如右邊),咁你就走去左上角,danger有2種,一個係丟大火球去中間,中間既人死得,另一招係一堆lazer,企左上角一定唔食,反之亦然。jump/danger果時,記得睇浮標,唔好一跳左上去就走,等少少時間再走,如果唔係行左過去另一隻王到就唔好,同埋我見過有人隻王jump佢又jump,王洛地佢又洛地,咁咪食lo。最底層食jump,秒殺,所以唔好洛去打。冥界神儲氣波方面,佢儲得都好耐,如果可以,賺一格氣擋,唔得/唔想既,距離愈遠愈冇咁易中,如果王係左,去右上/右下會冇咁易食,當然呢d野講走位,避完,就好上番去,如果唔係贏左場波,輸左個家架喇。
火山:真係唔好意思都講句,黑仔係打得比較差,係段片入面。打火山,最好搵d能夠去到隻王後面既職,不過冇既就跟黑仔打法。就用拉思來講,打王果時係底層原地combo,見隻王叫,combo下下閃去後面。魔可以用順移,萊可以用4轉合武1技,如此類推。打火山王最緊要唔好亂咁走黎走去,好似黑仔咁走黎走去,隻火山王會亂咁打人。如果比佢雙斬打中,之後一定拳挑斬,距離條友遠左少少(本來好近點知行遠左)都會,所以貼到身就貼,雙斬唔好貼實佢後面(會被挑中,之後都係拳挑斬下場),雙斬完之後接近番隻王就冇咁亂架喇。火龍,企近隻王少少都唔食。羅2黑3,我都唔識避,呢個問黑仔,因為我打得既話,佢都唔會出呢招,佢出到呢招,只能說你亂咁走。我係片中,打打下上左一層,本來諗住鎖電食好d,不過咁樣打既結果,當然唔好,所以我都係洛番去。好似我咁打,最多都係食到拳挑斬個拳,因為挑果下要有番咁上下距離。2隻先咁麻煩,1隻既話,無傷完場無難度。
冰壇:呢關,最少留2格mp係身,如果諗住屈埋一邊打。呢個係最方便,冇咁煩既打法。點解要2格mp?王有時會連出冰波,如果你只係留1格氣,比佢貼邊一下食哂幾粒冰波,真係會秒,神裝都唔會剩多過一成血。打小王既時候,最後係佢面向你果時先出技/寵,如果唔係佢一轉身,位錯哂既話,miss哂就麻煩,唔好下下諗back attack,你打中隻王先有用。如果食小王3連斬,睇3下最好跳起身咁食,因為如果你地下到食,洛地會有多下傷,呢個係冇辦法之中既辦法。出技,尤其會沖前既技,向牆邊出會好d,因為多數中,而且沖左出去,引走左隻王,仲麻煩。魔4白2,跳高一層即可,你睇得出條友起手的,轉武(此轉不同彼轉),挑起,冰山。如果係中間打,基本上係要小心隻小王多於大王,因為jump,跳上黎斬你,所以諗住企中間打既話,小心d。
毀滅:1隻王就易打,2隻王就好麻煩。斬好大範圍既職如劍3,可以考慮王出白波果時跳z下z一粒一粒打爆佢,不過要一粒一粒,一堆你就打唔爆。有耳環效果果時,硬食喇,冇緊要,打得絕望你都有輸出架喇。毀滅黑波可以用左邊/右邊果塊石牆擋。打呢關,最緊要唔好走黎走去,我建議引2隻去左,因為其中一隻係左,唔使煩。右邊隻王沖過黎果時小心,撞果下幾高傷。白波,用技擋係唔錯的,等白波放左出黎之後再放技,白波會自動消失(唔知點解,總之有種無敵打爆白波既感覺),係白波飛出黎之前出技係冇用的。記住,王少過半血會開始'唔出聲'咁出白/黑波,所以睇隻手有冇光,唔好靠睇佢有冇起手拎住白波/黑波果個預備動作。有樣野冇咩人留意既就係,王出黑波時/爪都會個人向前但係腳冇向前,成條斜線咁,所以出技/寵技果時就小心,睇準先放。
命林:有能力既,可以唔打爆3條樹枝,直接打小王,因為樹枝未必真係咁阻你,如果為左打樹枝而比小王追斬到冇血,就冇意思喇。晴日硬過藍月,大家都知。其中一個復另外一個,復人果個會回血,所以如果唔小心錯手左隻,而另一隻有好多血,就由佢復活再重生打過,死引一隻係冇結果的。藍月結界建議用耳環個盾食左佢,以免阻頭阻勢。打王既時候,如果你冇引隻王叫,正常約10秒一次樹釘,所以團打果時,9秒左右就開始離開中間個平台,盡量停係空中,同埋唔係同人企埋一齊,不然,幾支插出黎,神仙都救你唔到。小王飛幾支針過黎果下,無限遠,一係斷氣,一係唔好同層,一係出技,一係硬食,別無他法。藍月閃去你後面,晴日閃去你前面,所以萬一2隻野血量有好大差別,你可以利用呢個差異來諗方法拉近番2隻野既血量。
征服:先殺2王再殺小王係安全而且常見既做法,就算e布豆腐d都係咁話。一開始最好比2隻王企埋一齊,疊爆唔到既,集中輸出/增加寵物回氣量都係好事。如果2隻王企埋一齊係難睇邊個出緊咩技,所以要有番d空間,2隻王之間。唔好諗住隻王睇你唔到就打你唔到,佢起手炸你果下,你總之係得個場,而你冇係佢起手果下走開,你中硬。如果2隻王分太開,睇唔到邊個出咩技都係死路一條。e布4爪最好斷氣處理,同埋打e布最緊要睇條女有冇紅,因為出技係條女紅左之後先到隻野郁,4爪既話隻野會好似爆seed咁,之後就閃,所以認住隻野咩動作。征王一閃埋黎果時,記得走開,因為一閃過黎就範圍爆,仲有,全場掃呢招只要貼近王就會冇事。比e布爪挑高/4爪果時,可以食水解決,征1王既技就唔得(好似係,但用手炸你一定唔得)
休息站:呢關,打箱既右面,因為正面,吸氣吸魔一流。如果講速度既,打左面,back attack,入傳點小心,唔好入錯下路,如果唔係,我怕你地比人滅團。
前哨:片入面我好悲劇,一黎就比人撞死,如果有裝水,洛地前食水就ok。呢隻王,建議留3格氣,3連1技頂技就可以了如果隻王出追波。2隻,如果團挑,分開打會好好多,一齊打既話,真係比人秒,食水回氣都補唔番。小王,佢出4舊地雷果時,正上方會食哂直接秒殺,所以唔好企佢頭頂。向前lazer果下,如果食左,斷氣,如果唔係都幾係野。王有時會放舊野洛地下,一見到,爆左佢,如果唔係全場都係果時,你就唔可以走洛地,因為過一陣會識噴火,到時好難打爆。岩岩洛地果時,幾hit就爆,噴火之後,幾廿hit先爆,而且,如果你比王挑空,洛地之前食到水,本來唔死,點知比火噴死,你話幾慘。房主可以打完大王之後,打佢殘骸吸氣。
後勤:黑仔都唔係幾識打呢個圖,但除莓以外,真係冇mp職打佢係易打的。一開始,先打1/2號,唔好打巨爪,只要你唔好比王連續打飛打到去左小王汁邊,以及你冇打過隻小王,佢成世唔識郁。我係段片到,一開始冇打都冇事,係比人打飛,過左去先有事,可見唔搞就冇事。1號既攻擊比2號既易避,追波,係佢放果下即刻以最高速度跑走就得(唔係叫你玩拉1就要開x上,姐係有火箭/貼地就最好,冇既,前前z果d都好),近砲都係咁避。2號,打佢你如果最低層,電鋸好難避,不過可以好似頭先1號果d攻擊咁避,記住,你係佢下面,電鋸照中,所以唔好企太近,追波第1下有定,不過如果可以,斷氣都ok,如果唔係,會好易彈左洛去搞到小王。打呢關,留最少1格,防大佬大技,因為mp職真係冇咩計,打呢2隻。小王,佢收埋隻爪果時係轉,下一層/上2層避都得,反方向跳走唔建議,順方向跑都ok。用爪打地下,下面果層/上面果層都中,不過,係佢前面中,係佢頭頂/腳底唔中。瞄準飛彈,都係用技擋喇,你走既話,搞到隻小王出導彈就麻煩,近佢就唔出導彈,所以,盡量近打。2王出大技果時,如果咁唔好彩要食,最好企佢後面,你企佢前面會番頭食2粒。1王大技,起碼上3層/下一層,如果唔係,出技。如片中所見,1王死後爆野,佢出大技頻率之高,基本上你想佢出就會出,所以,camp佢大技再出技/寵,唔好心急。
雷神:黑仔神技:斷氣。雷鎚唔斷氣,比人秒硬。如果你唔係好勁,唔好引哂4隻一齊,我係片入面,都死幾次。先殺2隻王再殺小王係易d,老實,小王係咁走,倒地攻擊打佢唔痛,仲有大佬牽制得勁過小王,搞小王做咩呢?團打,唔好亂走,如果唔係你食人個鎚,我食你個鎚,或者8個鎚一齊黎,就玩完。如果比人挑空,果下斷氣,我試過比雷神王挑空,下面2隻王飛斧,再來2個雷神王雷鎚,你加埋睇下扣幾血?王跳,走開,正下方/附近都中,如果咁樣比佢挑空,再連岩先果套技,一樣死。小王,底層打好難打,引佢面壁思過。打打下就等佢出技,一面壁就出技,如果唔引佢沖既話,你出技/寵技果時沖左,你就哂左喇。
古代:單挑既話,都係果句,先做肥仔。肥仔出火球果時,出技係唔錯既時機。留氣,唔係用黎防肥仔大技,所以出技要忍手,唔好搞到佢開大技果時你仲出緊技。技,係用來防伯恩的。針/波都痛架,唔防唔得。片中有一到,我為左防肥仔大技而出哂技,搞到伯恩出手果時就硬食死左,你話呀,唔防伯恩,點得呀。打呢關最緊要聽聲,2隻王大技聲唔同,聽到伯恩大技聲,走。走果時,小心唔好撞到風,記住風既位置,全場最多2個風,你記得之前有2個風,而家最整個風,姐係第1個風冇左。mon入面,點都要見到2條友,如果唔係你防唔到佢地出技(單挑/街人),團挑識打既,搵人引伯恩,速殺肥仔係最好方法(要引果條友勁/有技防jump/回血)。2隻王特性係,愈少血愈易大技,所以如果唔想咁辛苦,唔好諗住2隻一齊搞,如果唔係雙大技就死人。片中除左黑仔話jump+伯恩大技既連技外,仲有招我成日食既:jump+風!!!所以,唔好企係風下面,如果唔係就死硬。伯恩,如果全場冇風,就會好想出風,所以冇風既時候,近佢果時小心。如果可以,搵d遠距既技打伯恩可以冇咁易食大技,如果冇遠距既,最好招技夠短,如羅3招黑3(舉例姐,斷估唔會有人咁打掛)。當然,好似黑仔咁,用轉標呢d技,就最好等出手果時/用技cut自己,如果唔係,硬食伯恩大技。
杜爾:呢關,隻duel語無倫次,所以唔理佢都冇所謂,你打佢會閃,我打到佢唔知閃左去咩位,你等佢十幾廿秒,都會自動掉劍。所以,你地唔使咁心急既,等佢趺好過喇。
最後,贈你地一句,絕望既王真係天然呆(ai同正常王唔同),所以,佢出技頻計未必好高(某d王除外),等王出技你先出技,可以慳番d寵技時間。拍片之前,我聽巴哈有人話打打下訓著左,結果打4個鐘,所以我一起身就打,可是愈打愈餓,之後死左一命。於是我把心一橫,玩下野,犯d常犯錯誤,方便大家知道咩叫做中招,如古代2王連技,雷神比人挑空連技等等。 本帖最後由 hj1op2 於 25-3-2012 04:52 編輯
我唔覺Dio有咁多AP頂技-.-
另外咁多圖入邊..老實說我真係覺得後勤最易打 唔計冥神同埋鬼岩呢兩關 我唔覺Dio有咁多AP頂技-.-
另外咁多圖入邊..老實說我真係覺得後勤最易打 唔計征服同埋鬼岩呢兩關 ...
hj1op2 發表於 25-3-2012 04:26 http://www.nakuz.com/bbs/images/common/back.gif
dio,睇你點玩,你onrush插哂當然冇氣,但係ap天然回氣,有d職,賺氣好難,想搵技頂都有難度。另外,征服易打?唔係掛,至於後勤,如果你認為易打,咁在我而言,冇咩地圖係難玩的說。我認為古代比後勤易,起碼後勤既大範圍技太恐怖,仲有場細,難走。 本帖最後由 hj1op2 於 25-3-2012 05:01 編輯
dio,睇你點玩,你onrush插哂當然冇氣,但係ap天然回氣,有d職,賺氣好難,想搵技頂都有難度。另外,征服易 ...
asd199499 發表於 25-3-2012 04:49 http://www.nakuz.com/bbs/images/common/back.gif
Sorry打錯 係冥神唔係征服haha
但係Dio唔似Lupus同Zero咁有耗魔量低而無敵時間長既技
後勤三隻王既AI都簡單到乜咁..老實講真係易打過其他圖（除冥神、鬼岩）
而且後勤王既攻擊力相對黎講比較低 有插吸血卡既話唔會太易就死
雖然範圍係大 但攻擊力低 而且AI簡單
講難避 會難得過前哨?
講攻擊力 會痛過得雷神古代? Sorry打錯 係冥神唔係征服haha
但係Dio唔似Lupus同Zero咁有耗魔量低而無敵時間長既技
後勤三隻王既 ...
hj1op2 發表於 25-3-2012 04:54 http://www.nakuz.com/bbs/images/common/back.gif
冥神同火山易嗎?d人打火山可以打到死1命,冥神,3命死哂都有。冥神打人痛,火山唔熟既人會亂鬥亂,最後亂死。dio,你用復劍/1轉左修第1招,都夠做,反正我話用黎頂既技,又唔係真係要頂好耐,捉準時間就得。雷神有斷氣唔難,可是打後勤,有斷氣也好,傷害集中左,最後都會比3隻野打死。出面d人團打,可以1號開大死3個,冇斷氣硬食係死硬,而2號大技,你唔識避,食中3粒,比你斷氣同冇斷氣冇分別既情況下,5000血都變2000血,巨爪導彈,連食又係至少半排血。ai你話後勤廢,咁雷神ai又有幾強呢?雷神,係有2隻兵先勁,冇左2隻兵,冇q用。當你殺完王,果2隻兵,同打怪有咩分別?古代ai呆到唔知講咩,我一堆技車洛去都可以唔開大技,你打古代,除左食風外,其他技真係易避架喇,你試下玩小莓以外既mp職,你就知後勤並非易打。 憎恨100%斷魔:@
睇黎我隻小莓都係冇能力打 憎恨100%斷魔
睇黎我隻小莓都係冇能力打
kioik 發表於 25-3-2012 09:49 http://www.nakuz.com/bbs/images/common/back.gif
不好意思,我只是94%斷魔。如果你識用,就算0%,都可以打得好好。與其諗斷氣,有時諗回避仲實際。係片中,我冇好似下面段片咁樣避肥仔大技,因為咁樣,所以先死咁命,我唔否認有d關卡如雷神,斷氣一流,可是你睇到我打法,魔都多得濟,斷氣斷得好,冇1格氣,仲有2格氣比你用。再者,我唔食水姐,你英雄水,100%hp水呢d,食完都回番本,點會冇能力。 本帖最後由 kioik 於 25-3-2012 16:05 編輯
回復 7# asd199499
94%斷魔 點都比0斷魔有用-_-
斷魔 比 回避 更有用 (致命傷除外)
回避唔係100%避到(如敵人快速連續攻擊)
回避失敗結果係(重傷/致命傷)
但[高%]斷魔起碼可以將傷害降到最低 而可保留MP檔下一次敵人的攻擊
平時任務冇斷魔係可以 1對1回避比較容易
但係絕望真係唔可以冇斷魔 單挑絕望呢d機會永遠都唔會屬於我 回復asd199499
94%斷魔 點都比0斷魔有用-_-
斷魔 比 回避 更有用 (致命傷除外)
回避唔係100%避到(如敵人 ...
kioik 發表於 25-3-2012 15:31 http://www.nakuz.com/bbs/images/common/back.gif
比你斷魔洛地之後,你魔有順移,咁你都比人連續攻撃到?你至少留3格,斷1格,咁樣你就唔使死咁慘。小莓冇咩3技好出,要出都係2/1技,你禁實3排氣機會不大,你打任熟既話,你就會知道斷氣時機係邊。
頁:
[1]
2