波叔出手《大鈍裁者》 笑震全球！！
波叔出手笑震全球！！賤格到痺嘅喜劇元素，加上笑到肚痛嘅情節，波叔將佢哋成功合二為一，勁！/TIME由頭到尾笑爆咀，無停過！ /MSN.com密集式癲喪幽默，笑到缺氧！/Hollywood Reporter波叔，佢可能係世界上最好嘅喜劇演員！/THE INDEPENDENT
《波叔出城》系列編‧導‧演再度踩界出招金球笑匠沙格畢朗高漢單拖反轉玩嘢獨裁國SACHABARON COHEN
近年崛起的性格笑匠沙格畢朗高漢，憑騎呢笑片王《波叔出城：哈薩克鄉下佬去美國搵著數》全球狂收20億，奠定比星爺更無厘頭、比王晶更踩界的不文笑匠地位之後，再憑《波兒出城之妖壇教祖三點畢露搞硬美國佬》盡顯扮鬼扮馬本色，繼續笑冧全宇宙。今年，他再度出招扮演《大鈍裁者》，夾埋《波叔出城》導演，一齊玩轉世界！
飛彈核武當玩具毆打細路當有趣 獨裁中東離哂譜 落難得罪美國佬！今次沙格畢朗高漢(SachaBaron Cohen)飾演一名意外被奸臣謀害，因而流落美國街頭的瘋狂中東獨裁者、華狄耶(Wadiya)國家元首阿拉甸上將(GeneralAladeen)。一代狂人，身無分文，現身美國四圍騰，可以點樣翻身？亦如《波叔》及《波兒》一樣，沙格畢朗高漢不但幕前演出，同時亦包辦編劇一職；實行貫徹以往啜核抵死兼針針到肉的風格，令觀眾喪笑到肚皮抽搐再標眼淚。今時今日已經上晒位的沙格畢朗高漢，除了自己擔任男主角之外，更請來《搞乜鬼奪命集作》系列搞鬼女星安妮花拉絲(AnnaFaris)出任女主角；再加上首任《變形金剛》索女美瑾霍絲(MeganFox)、《芝加哥》金像提名男星約翰韋利(JohnC. Reilly)及《甘地傳》金像影帝賓京士利(BenKingsley)助陣；幕幕笑料再加上星光熠熠，真係點睇都咁精彩！ 波叔正野..連人地阿媽都唔放過.. 樂古送飛啦@@
頁:
[1]