《荒失失奇兵3：歐洲逐隻捉》3D 8月2日 瘋魔全球
本帖最後由 hmbb 於 28-6-2012 20:18 編輯《荒失失奇兵3：歐洲逐隻捉》Madagascar3 3D
8月2日瘋魔全球
夢工場全球勁收10億賣座系列 2012暑假再三出擊史上最荒失失回鄉團 又再走甩！
夢工場動畫向來以抵死爆笑見稱。除咗《史力加》(Shrek)系列同《功夫熊貓》 (Kung FuPanda)系列大收旺場，賣座皇牌仲有全球票房勁收超逾十億嘅《荒失失奇兵》(Madagascar)系列！2012年暑假，獅子阿力、斑馬馬提、河馬歌莉亞和長頸鹿邁文，又再展開刺激大冒險！台前幕後原班人繼續合作；原裝英語版配音人馬星級回歸，包括《翻生侏羅館》(Nightin the Museum)系列賓史迪拿(BenStiller)、黑人搞笑巨星基斯洛克(ChrisRock)、《老友記》(Friends)大衛舒溫瑪(DavidSchwimmer)等，仲有高安兄弟御用金像影后法蘭絲麥杜文(FrancesMcDormand)、《波叔出城》(Borat)性格笑匠沙格畢朗高漢(SachaBaronCohen)隆重加盟。而香港配音方面有鄭中基聲演獅子阿力、鄭裕玲聲演動物管製組組長杜娃、當奴@艾粒聲演企鵝隊長，陣容更加「聲」光熠熠！
話說第一集獅子阿力、斑馬馬提、河馬歌莉亞同長頸鹿邁文由紐約中央公園動物園走失，流落到馬達加斯加；第二集信錯企鵝上錯機，搞到緊急空降非洲大草原；今次佢哋追蹤企鵝去到歐洲，除咗想向企鵝展開大報復，當然最想最想…就係返屋企！但係未返到屋企之前，呢班動物為咗唔想太引人注目，喺自認最叻做騷嘅獅子阿力帶領下，決定加入馬戲團掩飾身份。平時喺動物園食慣歎慣嘅佢哋，要霎時做出馬戲明星嘅高難度動作又得唔得？
OfficialTrailer :http://www.youtube.com/watch?v=mVEinXUrEp0
頁:
[1]