日職2016改制同歐洲接軌 K咧改名「韓經聯」
http://football.on.cc/cnt/news/newc/20130107/fbnewc0121x0.html日職計劃由2016年起,取消現行嘅春秋制,球季改為7月下旬至第二年5月下旬舉行,實行同歐洲各大聯賽接軌。其實新賽制仲有樣嘢未落實,就係歇冬期安排嘞,事實北海道、東北、北信越呢啲地方冬天勁凍,根本不宜打波,所以日職歇冬期係學俄超咁,由12月第3個禮拜至3月第一個禮拜停頓,抑或2月就開始安排比賽,定係啲東北地區球隊入冬後換主場,呢幾點都仲要詳細研究。
K咧改名「韓經聯」
舊年引入咗升降制度嘅韓職,今年又有新搞作!呢次佢哋索性連聯賽個名都改埋,仲宣布咗個新Logo添,以後K1嘅韓職(K League)會改名韓國經典職業聯賽(K League Classic),K2就直接叫韓職(K League)。今年嘅韓經聯會有14隊波,K League就有8隊,韓經聯包尾嗰兩隊,出年會降落韓職,第12位嗰隊就要同K League冠軍打附加賽,睇吓邊隊踢到韓經聯,換言之,到2014年韓經聯會縮到得番12隊。
頁:
[1]