遠古玩家分享依幾年玩天龍既一點一滴
本帖最後由 wind_xo 於 28-3-2013 21:05 編輯見唔少版主都有講下自己玩天龍既經歷， 成日做CDROM既我都想寫下依幾年黎玩天龍既一點一滴，希望唔會悶親大家:) :
天龍開服既那一年， 啱啱係我讀大學既第一年，果時一班同學話玩，我就跟左一齊黎。由於之前讀都係讀佛教學校，對佛教情有獨鐘，亦都無研究過邊個門派好玩，所以就捒左果時仲係好多人玩， 依家差唔多絕種既少林，做左佛門女弟子。
果陣時，每日既刷棋都係我最鐘意既活動。6個人，齊齊走入去打棋，唔淮開技唔准出怒一定跟顏色打棋，萬一唔好彩出棋魂.遠攻既要拉過黎逐隻打，真係樣樣做齊。雖然大家攻唔高，但係玩得好開心。
果陣時，仲係得舊3。果時d人係打111/222， 雖然係少但打都要成個鐘架，所以好多時只係打第1環d人就走晒 (搞到我隻人仔到依家仲有1x 個令:'( )。
果陣時，我覺得要做到神器根本係個夢，所以打舊3都係隨便有組就入，都無留意係打咩符，而且雙完又好難出，所以隻人仔一直都無神器 (之後先知洗雙完原來唔難....)。
因為讀書無咩錢，又覺得打機啫洗咩錢啊，所以一直都無入過點上石，用既都係野外/做任打返黎既垃圾裝。
還記得有次做任得到一把藍色既大刀， 個刀頭好大， 刷棋時俾人讚好型， 個刻真係幾開心， 無諗到拎到住普通武器都會有人讚{:13_692:}
玩左個幾月，刷棋做任好唔容易上到60級，開始想搵其他野玩，就唔知係邊度搵左個掛返黎，入左個無咩人既幫開始跑商。
果時個幫係梅嶺，條線跑去瓊洲。好彩我係少林叫有d 血頂下，跑依條路都唔叫好難，係耐d啫。跑完一轉有幾金已經好開心(果時覺得百幾金已經係天文數字，都唔明點解d 人可以有咁多錢)
唔記得跑左幾耐，因為身邊既同學都轉玩其他game，我就跟住佢地走左，咁就完左第一期既天龍生涯。；P
(附註:因為實在太耐，我已經唔係好有記憶，所以寫得唔係好詳細)
*************我係分隔線*************
(附註2: 如果有人睇會繼續POST之後幾期:loveliness: ) 我時代刷棋係唔准用恕、唔比出技、集中跟隊長打、有棋魂就真係一隻一隻咁拉~
另外當時我都覺神器係唔屬於我
同埋都係用埋啲廢裝
；P 好有共鳴啊！！
以前升lv 係刷棋刷反。。
草料場 水晶湖 鹽坑 先王墳。。新手可能聽都未聽過。
但呢d地方都係我地以前組隊升lv的地方 回復 2# 呀楊
:lol: 我都係，果時打錯棋係會俾人圍
另多謝版主將我篇文SET做精品文:$ 回復呀楊
我都係，果時打錯棋係會俾人圍
另多謝版主將我篇文SET做精品文 ...
wind_xo 發表於 28-3-2013 09:15 PM http://www.nakuz.com/bbs/images/common/back.gif
我唔係天龍版主...
我係依到係遊客黎...
:$ 回復 5# 呀楊
更正: 多謝囧大俠將我篇文SET 做精品文:$ 回復呀楊
我都係，果時打錯棋係會俾人圍
另多謝版主將我篇文SET做精品文 ...
wind_xo 發表於 28-3-2013 09:15 PM http://www.nakuz.com/bbs/images/common/back.gif
刷棋打左錯有時會比人踢
跟住狂add隊長
:D 本帖最後由 wind_xo 於 29-3-2013 00:19 編輯
:lol:
似乎大家唔怕悶，咁等我POST第2期先；P
大概係讀大學既第二年，我重考jupas轉左入其他科，由一個高級文憑學生正式轉為一個大學本科生{:13_692:}。果時真係好開心，搞完晒d 手續後心情大好，見已經無咩做心裏面玩天龍的想法又蠢蠢欲動。果時d 同學已經無再玩，得返我一個返黎:Q 。
果陣時，開始覺得少林既攻實在太低 (主要係因為我無上石 =.=!)，又覺得近攻難玩，於是就開左隻逍遙黎玩下。:victory:
點解捒逍遙? 遠攻裏面我唔想做ec (自問無使命感救人:lol:)，武當雖然高攻但血太低，唔鐘意星宿用毒:@，天龍唔敢諗因為內外兼修覺得好難:dizzy:，加上果時以為逍遙有得自救 (唔知邊度睇返黎， 入到去先知唔係， omg!{:14_697:})，所以就捒左逍遙黎玩。
有左之前既少少經驗，知道錢係天龍依個世界真係好重要 (其實邊度都係:curse: )，又聽網上d 人講商人位好多人爭，所以我隻逍遙就想入個唔係太多人又有得跑商既幫 (唔想入之前個幫已經唔想俾人知我有2隻人仔XDDD)。
好唔容易，係洛陽個幫會list 度搵到個幫。唔知點解我搵親d 幫都係好遠，今次依個幫就係南紹，條商線又係好遠， 要成半個鐘先跑晒。
雖然係咁，但因為果時負責收我果個高層話個商位可以永久俾我，我諗過度過"唔洗同人爭"依個point 實在太吸引:lol:，所以咁就入左去:victory:。
入到去，個幫比想像中人少，個頻成日都好冷清。不過咁都幾好啊，唔洗擔心有人會嘈交(我本人好怕嘈交 =.=!:Q)
d 高層基本都過百級，果時佢地d 對話我好多都聽唔明， 咩4絕小飄大飄刷燕我完全都唔知係d咩，簡直好似係2個世界既人咁。不過佢地好好人，雖然我得4x級，同唔到佢地刷任，但佢地都好肯教我野，亦至少唔會睇唔起我低lv。:$
(附註:我之所以做左火逍都係因為當年佢地既一句話:lol:)
可能係之前既升級經歷實在太恐怖，我決定要好好享受一下依隻game (而唔係俾隻game玩；P)，而做神器就係我第一個想完既任。{:14_713:}
果時一把40級雙完好貴架(雖然依家都唔平). 又唔係好多人放， 我又唔知係邊度搵左個掛返黎可以自動打怪，於是去左掛黃龍洞。
每打到5-10把4x武器， 我就會去鑑一下，睇下出唔出到雙完美， 好多時都係差少少，真係鑑到有少少想放棄。跟住唔記得鑑左第n把(應該都幾十把)就黎放棄既時候， 我終於出到第1把雙完美， 可以做神器任啦!!!
果下我先知， 原來要鑑出雙完， 條件之一係n把一齊鑑， 鑑到咁上下個系統總會出到把俾你， 所以有時玩依隻game 真係又講運又講努力!!!:curse:
出到雙完後梗係要刷符啦， 果時d一符已經唔係好多人打， 就算有都係111/222咁打， 又唔一定次次出符.
d高層見我咁就叫我去刷幫副， 果時我先知除左3環外原來仲有其他任會出符 =.=!
幫副又係一個好難打既任， 基本又係要6個人齊齊打， 一係清晒d細怪or一係直踩去打王
4x級d 坐騎係好慢， 個隊長拉隊入去， 到終點時基本都跌左3分1到2分1既血. TOUCHWOOD 打王時死左要返黎根本係無可能， 所以果時幫副同3環一樣要組齊人先會入.
無記錯我係49級先儲到5個符做第1把神器， d 符好似都打左1個月.{:14_711:}
果時我唔知係邊度睇， 以為逍遙係用環， 結果好唔容易儲到既符同第1把雙完就咁做左天山果把環。
把環真係好靚， 我亦都係果下先知原來神器無石都會發光，不過亦都係做好果下見到個屬性先知衰左， 諗返真係好想吐血， 點解自己會咁死蠢架。{:14_715:}
我有諗過重做， 但果時我已經49級， 1符亦都唔係易組人， 所以唯有安慰自己，依把環可以拉一下外攻......:@
開始用神器啦， 慢慢發現其實神器都不外如是， 不過係屬性好d， 而最大一樣我唔滿意既地方就係， 佢好容易壞!!!!:@
d耐久度比一般武器快跌， 咁即係話如果要用神器就要不停刷符!!!依隻game真係識逼人!!! :@
就係咁樣， 我係依個幫度不停跑商， 得閒走去掛下黃龍洞， 慢慢由4x 級升到6x 級.
幫主同高層們有提出過帶我去地2升(因為我係全幫最低lv果個)， 不過因為屋企關係我唔可以開通宵，所以我跟佢地去左2次就無再去。
到左6x級， 又係做神器既時間。3符要既符更多， 但刷既人更少， 試過有1次， 係城頻度招左一個上午都唔齊人黎刷， 果把神真係做左好耐， 主要係靠幫副同踢波先儲齊15個符， 我都好懷疑自己係點樣儲齊d 符。
果把神，亦都係我第1把做啱既神， 逍用既萬壑松風扇。:$
做完神器， 見到人地有隻好勁既7技寵， 自己又開始想要一隻。
我自己幾鐘意老虎， 不過用耐左都想玩下其他， 65級既寵唔係好多， 幫主有叫過我等到85級用狐仙， 但我果下唔知點解唔想等， 佢地就送左條65級既龍俾我， 順手教我點上7技。
果時我已經2隻人仔都入左去跑商， 有時又去下挖圖掛下打孔同40雙完 (自從第1把神後我再刷左幾把雙完，賣出去都幾好賺架，我第1隻65坐騎就係咁樣買返黎，XDDDD)， 儲儲下都有成千幾金， 就膽粗粗拎左差唔多1半黎整寵。
果條係1條65級既精明龍，卓越， 資大概千5，6。之前一直都有聽人講精明寵點好用， 但自己一直未有機會試下， 就係果時， 我用跑返黎既錢整左佢出黎， 成為我第1隻7技寵 (依家我仲保留住佢):$
(附註: 點解我唔拎d 金去換寶? 因為果時我都唔係太識， 又唔係成日問到d 高層， 我又唔係好相信game 度d 人， 所以一直都無咁做):L
無幾耐， 差唔多係天龍2就出既時候， 幫裏面漸漸起左d 漣漪。
幫主(一個10x級既武當)， 同另一個又係10x級既高層，爭副幫 (一個10x級既峨嵋)。
果時佢地既對話雖未至於粗口滿天飛， 但比起平日既寧靜已經多好多火花。
對於佢地幾個人既爭奪.作為小小幫眾既我其實無咩資格去評論。:L
不過可能因為幫主同我接觸d多d， 所以我個人都係想佢爭贏 (當然最後事與願違)。
可能幫主知道勉強無幸福， 就打算走人唔玩隻game。佢走之前提議過介紹我去其他幫度跑商，但我拒絕左， 因為果時我諗住天龍2一出我就轉會，但無諗到原來所謂既天龍2不過係d 場景轉左dd 咁多......
結果， 無等到佢摺埋個幫， 我再1次走人。詳細原因忘記左， 大概都係想搵下其他game 黎玩下，而且功課又開始忙啦， 無時間日日上黎，所以就咁離開左。
以上係我既第2期天龍生涯。；P
************我係分隔線***********
(好似長得濟；P ) 八卦問下樓主。。你咩ser架 回復 9# ∼香Ｂ∼
Sorry 唔講得住因為仲有玩緊，講左好易俾人估到係邊個:lol:
(附註: 依家刷緊燕:victory:)