我好耐無係到開POST..我想問大家一D感情問題.
我同我女朋友係上星期一分左手,分左一星期了.如果無分手既話20號係拍拖一周年,而架咩都冇曬.我bad list曬有關佢既野,del埋佢FB,D相都del曬,我都係好難唔去諗佢.我星期一分左手後SMS左佢話唔好做朋友好過,我e幾沉迷係煙酒既世界先訓得著.做朋友可以互相祝福,但咁只會放唔低佢,我選擇唔做朋友.
SMS內容:
對唔住，我浪費左妳接近一年既青春，我亦都俾唔到d承諾妳，成日令妳對我冇信心，我成日昆妳，只係令到妳成日都咁傷心我用。我明白令妳明白我既愛意，用左接近1年時間都建立唔到。sorry。我令妳冇曬d朋友，得我一個，對唔住。我成日迫妳做d妳唔鍾意做既野，sorry。連我一開始拍拖既諾言都唔到，話分手前俾一個開心回億妳，我做唔到，sorry！我知我到而家係妳心中係一個壞人，我希望妳原諒我。
我都好多謝妳俾左美好回億，妳對我既好，我明白，妳想我唔好同人打架唔好成日洗錢，我明架。妳同我去過咁多地方，做左好多野，好感激妳曬左咁多時間陪我，我到最終都係一個衰男朋友，對唔住。
咁今次後，我希望妳唔好再同我有咩關係，我都會del曬d相，都會bad list妳del左佢，希望妳答應我祝妳唔好再遇到我呢種男朋友，祝妳幸福快樂！
(我成日迫妳做d妳唔鍾意做既野=陪我去我朋友生日食韓燒)
e個星期我諗通左d野:
自己唔會去怪任何人，只可以講我地根本唔應該開始。大家一齊開心過就好啦，分手只係代表呢段感情既結束，等待下一段感情。
自己唔會太難過，只係有d唔捨得，自己有努力挽留過，最後都係唔得。對於妳對愛情既睇法我開始明白，但明白唔代表接受，我接受唔到所以選擇放棄追求。
曾經好傻咁諗住可以改變妳既諗法，但係自己做唔到，只好默默咁祝福妳以後更加幸福，更加快樂！
今日同朋友去山頂,諗番起同佢黎山頂個陣,同一地方,不同人物,不同意義.
夜晚,我岩岩係巴士到想sms俾佢,內容係: xxx=佢個名
xxx,客許我問妳一個問題,我而幾日好掛住妳,好想見到,冇妳既日子好辛苦,可唔可以重新開始過?.
但到最後我都係del左..
上星期有3日要番學,我都盡量唔留係學校,一日唔番,2日早退,連黎緊既星期三要學校旅行去大澳我都唔想去,我知我自己係學校會好辛苦遲早忍唔到,上星期二我係街同朋友飲酒大家撞到扮唔識..
我唔知我可以點,我愈黎愈辛苦,希望大家幫幫手.
我去唔去旅行好?
我放棄定問多次好?(如放棄點可以無咁辛苦) 有冇你2個既出生日期睇下? 本帖最後由 我思故我在 於 9-7-2013 08:36 編輯
人總係失去之後先學會珍惜
我唔知你有冇心去改
你有兩條路揀
一.你認為自己從今以後會做個好男人，我覺得你應該試下挽救呢段感情，佢接唔接受返你係另一回事。。。
二.你認為自己本性難移，我就覺得你唔好再糾纏落去，咁樣對你對佢都冇好處，放過人放過自己。。。
一世人流流長會遇到好多人和事，係你漫長既人生入面，呢個女仔可能只係你人生入面其中一個過客，遲啲可能發現最愛既並唔係佢，咁你而家咁消沉，為乜? 回復 2# ～蛇仔～
我5月17佢5月31. 回復 3# 我思故我在
我都係諗緊e個問題,如果我挽留多一次,我會改,佢會唔會原諒我...您認為我天日去唔去好?.. 人總係犯賤 得到的時候唔識珍惜 去到失去就長篇大論 喊苦喊忽 一個字: 自己攞來... 回復我思故我在
我都係諗緊e個問題,如果我挽留多一次,我會改,佢會唔會原諒我...您認為我天日去唔去好?. ...
醉愛文少 發表於 9-7-2013 13:02 http://www.nakuz.com/bbs/images/common/back.gif
你洗心革面既，咪去搵佢囉結果點樣都好，起碼令你個心舒服啲 唉~女死女還在
堅強啲吧!! 回復～蛇仔～
我5月17佢5月31.
醉愛文少 發表於 9-7-2013 12:59 http://www.nakuz.com/bbs/images/common/back.gif
有冇年份? 回復 9# ～蛇仔～
我1996 5月17日 佢1997 5月31日