街場用道具之我見
以下均為我個人有感而發的意見。我個人唔主張大家係街場用道具，特別係紅閃/黃閃，即係"瞬間轉移" (當然你係都要用我阻你唔到:( )
首先，我認為用閃會令玩家個人技術下降，最大影響就係走位方面:
1)因為有得閃，所以死沖爛沖都冇所謂
2)因為有得閃，所以一被人突襲打到埋身就閃走唔理咁多
第1種情況最嚴重，呢d係依賴得最緊要既人，完全唔理同隊友既合作，唔用道具既時候就會最快0命。面對呢d人我都唔知講咩好:dizzy: ，自己試下唔好用道具啦。
第2種算係最多人有既情況。
可能你會話，新手未識玩先會咁，由佢閃下lo。但係有冇諗過閃得多就造成依賴，到尉級，到校級，就唔識走位，下下靠閃走佬，閃得遠咪好彩，閃番原地又係被人秒左，結果通常只有2個，一係就被人話佢好快0命，一係就佢自己話隊友唔跟沖。
其實我最唔贊成就係個d老手/"高玩"級數既人用閃，自己玩到校/將級已經有番咁上下技術(你話你掛番黎我冇野好講)，何不靠自己走位打哂全場呢?第一命被人突襲秒左咪算lo，第二命自己小心d，keep命贏到最後咪仲有成功感，人地先會覺得你真係有料，如果下下靠閃，人地都唔會覺得你真係勁，更可能會諗"你唔係有閃用，2命晨早冇哂。；P "
用而家好多人鍾意用既00q做例子，00q本身有量子化+"hi"一"hi"都打中既超視貫穿通炮已經係好屈機，直頭算係全game暫時續戰能力最高既機。(00q用得多我都覺得自己狗:dizzy: )
呢個時候用緊呢部野既老手高玩們仲要加個閃俾佢，一命可有3-4次量子化+2-3次紅閃，容錯次數即係最多有大約8~9次，係8~9次呀!真正有料出錯次數有冇咁多其實00q本身已經咁勁，輸左咪怪自己打得未夠好(當然可以係隊友問題)，但都唔使下下都用埋閃，係都要"屈盡佢"。如果大家細心睇下，有d人用完d較強勢既機+閃之後，經常明顯地會有人之後跟住轉同機/剋制機/走場，我相信佢地唔多唔少都會有d"無癮"既感覺。
又可能有人會話緊張關頭唔通唔用閃咩，但係實質街場真正"決勝/緊張關頭"先用閃又係咪真係多過d人"有親事即閃"?
好多人成日都話依家港服d人唔勁，d尉/校級玩到成個士仔咁，老手都依賴閃其實某程度上都有影響呢個現象:
老手用閃:lol:==> 新手:某某高玩/將級都用啦:o==> 新手跟住學用閃:loveliness: ==> 依賴閃:D==> 新手變成"老手":lol:==> loop
所以而家係到話d人愈黎愈廢既時候，請先諗下自己有冇份造成。
>>>>>>>>>>呢part係我發老脾，可以唔使理<<<<<<<<<<<<<
其實我覺得瞬移呢樣道跟本唔應該存在，
首先樣樣道具用個陣都有"代價"
-蒸糕會高防左但係會易左被人打中
-雪餅會冇咁易被人打中但係會低左防。
-隱形會低左防
-sp down/boost down同埋相似既強制跳躍都有"掟出去"個下動作，等於令自機一時硬直
但係用閃就只係會怕閃唔到個靚地方姐
再加上而家sd d機愈出愈火力，你班00q/流星/deep striker等等已經咁屈仲要閃黎閃去，完全抹殺左一般機體個小小打贏強機既希望。
我真係想知你班用慣閃既冇得用會打成點；P
>>>>>>>>>>呢part係我發老脾，可以唔使理<<<<<<<<<<<<<
最後我其實都係想勸大家咪成日用閃姐，新手老手都係。踏踏實實玩槍法玩走位咪仲好玩。
呢篇野其實都係抒發下感受，言詞可能"過激"，不過絕對係我真心話。
最後祝大家玩SD開開心心，心想事成!:loveliness: 瞬間轉移成日用會好快冇,技術下降應該都係未用完果排(入點買除外) 用道具最煩我覺得反而係sp down{:15_740:} 表示長期冇道具用{:15_776:}
我某程度上到認同樓主既 :handshake:
但係當你見到高頻全部人都閃黎閃去
各位你地真係會堅持到繼續唔用咩??
btw順帶一提,樓主你話OOQ量子好屈
但我又唔係好覺,成日滿sp都唔量子
眼見自己明明有sp但係唔量子之後比對面打死既感覺
比死更難受
脷伸:OOQ已打500幾場 回復 4# Arioch_憶
當你見到高頻全部人都閃黎閃去不是問題,當你用近戰機時候全部人都閃黎閃去加不同既道具就是問題{:15_789:} 從來都唔知海市蜃樓會減防:dizzy:
個人覺得用紅閃冇太大問題,
老子我不怕對方閃完再打過:lol:
其實我覺得其他道具都差唔多咁屈,
隱形可以用2次,
T骨直接破壞對方浮游武器,仲要有3次
btw,之前我都成日用紅閃,
不過見到有部份人冇我咁好人容許對方紅閃,
已放棄紅閃好耐,以免又發生鬧戰 你有咪又係用:victory: 一早已長置DUMMY(對戰使用不能)作道具
一黎避免手殘hi到粒ctrl而浪費
二黎避免自己會有用道具既衝動 我平時都會擺瞬移，但係萬年吾用，除非用完可以反殺。>_> 我玩左咁耐 道具位永遠係DUMMY；P