穿豹紋睡裙拍咀戲 君如直認對周慧敏嗒糖

katherine663

已13年沒在幕前演出的周慧敏（V記），復出第一擊就揀了許鞍華執導的同性戀電影《得閒炒飯》，這位「玉女掌門人」戲中要飾演煲煙、爆粗的雙性戀人士，分別與陳偉霆及吳君如有親熱戲，聽落「很爆」，但V記卻瀟灑說︰「一直覺得導演好有才華，合作一定會獲益良多，而且知道對手係君如，亦係一大原因！」問兩女拍咀戲可有尷尬？V記繼續瀟灑說︰「拍完唔知會唔會再拍下一部，我都係放低自己，盡力去做演員本分，所以拍時我好期待咀君如！」

　　至於拍咀戲無數的君如就笑說︰「我有咩人未咀過？直頭係摩拳擦掌兼刷埋牙等佢啦！（真係刷？）係呀，食定香口膠、刷牙兼漱口！」在旁的V記則笑說︰「係呀，咀時我都感覺唔到佢之前食過排骨飯！」提起飯盒，君如大爆V記專一長情，從叫飯可見一斑︰「同佢拍26組戲，佢食足27盒椒鹽骨飯；食香口膠個牌子，竟然係幾廿年前嘅綠箭，依家咁多新口味，都唔知佢去邊度買到，佢真係好專一！」

　　澄清無不和

　　另外，戲中V記有場穿吊帶豹紋噴血睡裙引誘君如的戲分，問她會否穿同樣裝束引老公？她鬼馬說︰「唔話畀你知！」君如即搶答︰「見V記著住條睡裙出嚟，我係男人都嗒糖！（妳又會否在陳可辛面前著？）我同佢已昇華，屋企我只會著『程大嫂』款式卡通睡衣！」另外，早前有指久休的V記拍戲頻吃NG，被連累的君如因而黑面冷對V記，君如對此無奈說︰「兩個人點樣可以唔停咁傾偈呢？點會無一分鐘鬆懈？個記者就係呢個時候影相，跟住就咁寫我喇！（那V記可有頻NG？）梗係無啦！」