讓座？不讓座？
相信大家都有看到很多在地鐵/巴士上讓座的情況，分分鐘自己也是當中的主角。但是我有些許感想打算與大家分享一下。
首先，我個人同意亦都贊成讓位予有需要的人，但是，我有些許疑問。
如果一位年青人生病了身體不適或者一天工作很長很長時間累跨了，看到一位老人家，不讓座的話是否顯得他/她不禮貌？
是否自己情況不許可都要讓？
此外，我相信大家亦常常見到老人家打尖的情況，比方說在等地鐵，他們會突然插入然後衝入去搶位子坐，我不知大家怎麼想，
但我個人來說我十分討厭，看他們大步流星步法輕盈，根本一點也不像有需要人士。
退一萬步說，現實是殘酷的，讓位給你是人情，是體諒，不讓位亦未至於罪無可恕。
不過我個人而言，該讓的位還是會讓的。未知大家怎麼想？ 所以如果我有位坐既話,我一係就扮瞓教,一係就真係瞓教,佢冇理由咁大支野拍醒我要我讓位架係咪?!
一係就直頭有位坐都唔坐,反正企都係鎖緊幾組肌肉,加上多數都係企幾個站,最多都係20分鐘車程... 本帖最後由 呀楊 於 24-5-2013 16:48 編輯
應該咁講
人係睇表面
"攰"好多時只會比人覺得你自己係到搵藉口
何況有邊一個人係唔攰呢?
另外就算你病左
對方都只會認為你後生細仔病小小都話涯唔住
頌衰
至於老人打尖情況的確係多
因為過往時代嘅人嘅價值觀係做咩都唔汁輸
係當時生活環境影響而造成
到依加就算啲呀婆打尖
一樣會比人x
所以老人都唔係無敵 相信大家都有看到很多在地鐵/巴士上讓座的情況，分分鐘自己也是當中的主角。
但是我有些許感想打算與大家分 ...
無名小卒=] 發表於 24-5-2013 14:20 http://www.nakuz.com/bbs/images/common/back.gif
睇情況吧，
老 =/= 有需要，
但自己唔係好攰既話，都會讓，
但自己攰又或者係病既話，咁真係唔好意思啦，
每個人都有佢既需求，
唔代表因為你老，就要讓，
如果抱住咁既心態，不是倚老賣老嗎?
此外有D老人家，禮貌上或眼神，臉部表情等，
例如老人家企係你面前，你冇主動讓座，有D會黑臉，
我更加會認定唔讓係對的，
你講個大話呃我(老人家)，話唔舒服可唔可以讓位比我，我緊係讓啦，
或者你講聲唔該，我都會，
你眼超超，又黑臉果D，真係唔好意思，我唔會讓，
你尊重我，我自然尊重番你，
你唔尊重我，仲要我讓，就分明你搞事:sleepy:
當然真係見到有需要既人士，我會讓座(大前題，精神/身體狀態良好)。
(P.S. 點先叫有需要人士，自己去判斷吧) 唔知大家有無試過呢樣野
就係等車時候條龍排到好後
緊係有D人企係個龍頭旁邊等上車
但以佢地唔係會等到龍尾上唒先到自己上
永遠係等到上左1/3 OR1半人自己又插隊上去
呢D人好鬼憎 認同樓主諗法
作為學生 感受應該會更深刻
唔知點解d人都鍾意將d道德包袱放哂上我地身上
覺得我地下下要好似聖人咁 先符合道德規範
姐係咁 套用番讓位呢件事度既話
講真 個位整得出黎 目的都係想比有需要既人抖下姐
有時d人係多人既時候 就算冇需要 (例如佢地冇喇d乜野重野)
一有位都照坐無誤
咁就真係唔多合理
我自己見到呢d情況 多數都唔會坐
(老實講 雖然原因之一係唔想自己佔用左個座位
不過另外一個原因係我懶得同人爭:lol:)
但係的確學生都會有攰既時候
咁既話 學生都係有需要要坐既人黎
大佬 宜家冇明文禁止學生唔準坐架wor
咁都唔比坐 太橫蠻無理
所以 如果老人家係行動自如既話
再加上當時架車係多人
佢好人既都應該讓個位比第2d人坐
包括其他老人家
唔係個個老人家好似佢咁..
另外
有d老人家恃老賣老 都幾乞人憎
不過我地候生一輩唔方便出聲 冇計
但咁唔代表佢地岩lor 港鐵上 - 我有95%機會都係企
當然,如果我坐係度個陣隔離企左個婆婆/伯伯, 我鐵定會讓
巴士我只坐上層 唔知大家有無試過呢樣野
就係等車時候條龍排到好後
緊係有D人企係個龍頭旁邊等上車
但以佢地唔係會等到龍尾 ...
傻乂小風 發表於 24-5-2013 20:08 http://www.nakuz.com/bbs/images/common/back.gif
我試過 BTW 我係等龍尾上完先到我上
唔通遲黎先上岸? 回正題:
搭唔係好遠路 見到有需要既人讓座係必然
但係例如我住油塘 我係油麻地上車你冇理由叫我由頭企到落尾架?
仲有 港鐵出埋D關愛座 係度無私顯見私 見過有D後生照坐
好多人都覺你你外表無穿無爛又無損手爛腳就係無需要坐
總之唔理你有無貧血關節痛之類, 一律要你讓
但係有冇諗到一個正常人既感受?唔讓一次都係人之常情
頁:
[1]
2