讓座？不讓座？

無名小卒=]

相信大家都有看到很多在地鐵/巴士上讓座的情況，分分鐘自己也是當中的主角。
但是我有些許感想打算與大家分享一下。

首先，我個人同意亦都贊成讓位予有需要的人，但是，我有些許疑問。

如果一位年青人生病了身體不適或者一天工作很長很長時間累跨了，看到一位老人家，不讓座的話是否顯得他/她不禮貌？
是否自己情況不許可都要讓？

此外，我相信大家亦常常見到老人家打尖的情況，比方說在等地鐵，他們會突然插入然後衝入去搶位子坐，我不知大家怎麼想，
但我個人來說我十分討厭，看他們大步流星步法輕盈，根本一點也不像有需要人士。

退一萬步說，現實是殘酷的，讓位給你是人情，是體諒，不讓位亦未至於罪無可恕。

不過我個人而言，該讓的位還是會讓的。未知大家怎麼想？

～蛇仔～

所以如果我有位坐既話,我一係就扮瞓教,一係就真係瞓教,佢冇理由咁大支野拍醒我要我讓位架係咪?!
一係就直頭有位坐都唔坐,反正企都係鎖緊幾組肌肉,加上多數都係企幾個站,最多都係20分鐘車程...

呀楊

應該咁講
人係睇表面
"攰"好多時只會比人覺得你自己係到搵藉口
何況有邊一個人係唔攰呢?
另外就算你病左
對方都只會認為你後生細仔病小小都話涯唔住
頌衰
至於老人打尖情況的確係多
因為過往時代嘅人嘅價值觀係做咩都唔汁輸
係當時生活環境影響而造成
到依加就算啲呀婆打尖
一樣會比人x
所以老人都唔係無敵

傲邪一少

相信大家都有看到很多在地鐵/巴士上讓座的情況，分分鐘自己也是當中的主角。
但是我有些許感想打算與大家分 ...
無名小卒=] 發表於 24-5-2013 14:20

睇情況吧，
老 =/= 有需要，
但自己唔係好攰既話，都會讓，
但自己攰又或者係病既話，咁真係唔好意思啦，

每個人都有佢既需求，
唔代表因為你老，就要讓，
如果抱住咁既心態，不是倚老賣老嗎?

此外有D老人家，禮貌上或眼神，臉部表情等，
例如老人家企係你面前，你冇主動讓座，有D會黑臉，
我更加會認定唔讓係對的，
你講個大話呃我(老人家)，話唔舒服可唔可以讓位比我，我緊係讓啦，
或者你講聲唔該，我都會，
你眼超超，又黑臉果D，真係唔好意思，我唔會讓，
你尊重我，我自然尊重番你，
你唔尊重我，仲要我讓，就分明你搞事

當然真係見到有需要既人士，我會讓座(大前題，精神/身體狀態良好)。
(P.S. 點先叫有需要人士，自己去判斷吧)

傻乂小風

唔知大家有無試過呢樣野
就係等車時候條龍排到好後
緊係有D人企係個龍頭旁邊等上車
但以佢地唔係會等到龍尾上唒先到自己上
永遠係等到上左1/3 OR1半人自己又插隊上去
呢D人好鬼憎

小雪冰

認同樓主諗法
作為學生 感受應該會更深刻
唔知點解d人都鍾意將d道德包袱放哂上我地身上
覺得我地下下要好似聖人咁 先符合道德規範

姐係咁 套用番讓位呢件事度既話
講真 個位整得出黎 目的都係想比有需要既人抖下姐
有時d人係多人既時候 就算冇需要 (例如佢地冇喇d乜野重野)
一有位都照坐無誤
咁就真係唔多合理
我自己見到呢d情況 多數都唔會坐
(老實講 雖然原因之一係唔想自己佔用左個座位
不過另外一個原因係我懶得同人爭)

但係的確學生都會有攰既時候
咁既話 學生都係有需要要坐既人黎
大佬 宜家冇明文禁止學生唔準坐架wor
咁都唔比坐 太橫蠻無理

所以 如果老人家係行動自如既話
再加上當時架車係多人
佢好人既都應該讓個位比第2d人坐
包括其他老人家
唔係個個老人家好似佢咁..

另外
有d老人家恃老賣老 都幾乞人憎
不過我地候生一輩唔方便出聲 冇計
但咁唔代表佢地岩lor

HC_Leung

港鐵上 - 我有95%機會都係企
當然,如果我坐係度個陣隔離企左個婆婆/伯伯, 我鐵定會讓


巴士我只坐上層

〝細wIN_

唔知大家有無試過呢樣野
就係等車時候條龍排到好後
緊係有D人企係個龍頭旁邊等上車
但以佢地唔係會等到龍尾 ...
傻乂小風 發表於 24-5-2013 20:08

我試過 BTW 我係等龍尾上完先到我上

唔通遲黎先上岸?

〝細wIN_

回正題:

搭唔係好遠路 見到有需要既人讓座係必然

但係例如我住油塘 我係油麻地上車你冇理由叫我由頭企到落尾架?

仲有 港鐵出埋D關愛座 係度無私顯見私 見過有D後生照坐

好多人都覺你你外表無穿無爛又無損手爛腳就係無需要坐

總之唔理你有無貧血關節痛之類, 一律要你讓

但係有冇諗到一個正常人既感受?唔讓一次都係人之常情