林宥嘉拍拖打人 G.E.M.撐男友

hmbb

鄧紫棋（ G.E.M.）和台灣音樂才子林宥嘉拍拖已是公開秘密， Boxing Day兩人在港拍拖的親密照昨日曝光，由於拍拖斷正，林宥嘉發火動粗阻止記者影相，最後更要警察到場調停。昨日 G.E.M.接受電話訪問，提到男友動粗一事說：「佢都係正常反應，夜晚突然有四個男仔跳出嚟影相，本能反應係拉住唔畀佢哋影，加上佢哋又有 DV影住，我唔想畀咁多材料佢哋寫，我唔覺佢係衝動。」
冒險爭取拍拖

問 G.E.M.會否不敢再拍拖出街？她說：「其實呢啲好正常，但我哋冒險爭取，只不過我哋唔想將私人生活同人分享，希望大家都留意番我哋音樂，但係如果要放棄私人生活，我又覺唔值得，之後惟有更加小心，私人事同工作攞番個平衡。」由於昨日要工作，故報道出街後 G.E.M.未聯絡男友。
林宥嘉昨日經唱片公司回應表示當天因為記者突然衝出來，他被嚇到，本能性的阻擋，並沒有打人；對於他和 G.E.M.在大街上的親密互動，唱片公司表示兩人是好朋友，只一起討論做音樂。