星夢ONLINE,我一定唔會忘記你

蒼月║淚痕

首先,等我自我介紹一下先啦,我係星夢入面叫:不死‧守劍

雖然可能冇人識我...不過其實我玩左星夢都6,7年時間嫁啦...
識我既人可能都知我專做埋D蝕本生意...

睇到咁多位都發表左好多令人感觸發言後
我終於發現原來我唔想星夢就咁結業...

記得我岩岩玩星夢個陣最高等級既玩家先得6X lv...唔經唔覺已經黎到依家140稱霸既年代...
試過1X lv個陣走左去挑戰小純,結果唔駛我講啦...
又記得我之前好傻咁俾人呃左去轉白,之後俾佢紅,搞到我要清死經T.T
唔講唔知,以前既皇城比依家既多幾倍人...
然後又得閒無事走左去招家人...而我無諗到居然有人會應,仲要依家都仲可以一齊玩...
個時真係好開心,可以同人一齊升LV,一齊解任務,升下寵,得閒無事又可以搵人傾下計,係入邊玩下捉E因同BUG位...
以前入戰團係為左傾計,不過依家入戰團就係為左拎會甲...
係我63LV個陣又試過俾個64LV既搶怪,之後我就好嬲,走左去撩佢隻揪,佢就咁俾我紅左...

係星夢入面真係笑過,喊過,嬲過...

又試過俾人改花名,連我自己都唔知俾人改左幾多個花名了...

雖然我都知隻隻GAME都有結業既一日,但我無諗過咁快...

係呢6,7年之間,我有時都會無上一段時間,之後上番個陣,已經唔同哂,其他人LV高左,D裝又勁左...
依家見到以前既朋友去到130以上,都已經唔太理我了,可能係我無以前咁幽默啦...不過其實我好想繼續同你地玩

距離結業既時間剩下不到4個月既時間,到底我可以係呢段時間做D咩呢?
我終於發現我應該要好好珍惜呢段時間,係入面同FD影下相,識更多既朋友

如果識我既朋友可唔可以留一留言,等我可以係呢段時間入面好好咁記住你地每一位...
希望你地唔好鬧我唔記得你地啦-.-""

一粒膠＃

好似同你玩過
l3y:輝

星星☆×〃

不死
hello im here

蒼月║淚痕

TO輝:應該唔係玩過,係傾過下計咁姐,我都唔夠你玩啦-.-

TO星星:成日都唔上,你知唔知我幾掛住你T.T

醉曖娜x0x

不死.u a my best friend：）

蒼月║淚痕

TO娜 : You are my best friend too.

風．騎．士

好似同你一齊升過Lv~~~

﹢小×淚ζ

um..有少少印象..最近睇返以前d相都見到你a_a

無魂”

E隻3隻GOOD GAME!
又搵$,又爆怪!

蒼月║淚痕

風騎士,WHO ARE YOU?@@

TO小淚:我以前應該都有小小名氣,成日撩人傾計,BUT我應該好少同人影相嫁BO-.-

無魂,你個名好熟...