本帖最後由 ∼香B∼ 於 15-8-2012 19:27 編輯
好喇,,又係我同呂亙呢對好基友出現..今次我玩既係武當,,天殺個ac..
逍遙面對武當算係一個劣勢,,所以係段片入面,主導權的確多數落係武當手上
我自問武當並唔係太精,,算係初哥一個,,而呂師太係逍遙已經算宗師人馬..我之所以會贏全因為石頭既差距..
大家撇開勝負..主要睇過程...武當同逍遙心理同意識既碰撞真係好精彩..互破封技,走位都係值得回味
武當有咩看點我就唔講喇..係高手面前我只會見拙..如果有咩打得唔好既地方即管講出來..我會虛心接受
至於逍遙,,大家落力睇呂亙既凌波..我自問睇左咁多國服既片,仲未有一個逍遙既凌波好得過佢
雖然係遠攻入面作用唔算太大..但當近攻同呂亙打果陣,,呢種神級凌波就充份體現到佢既變態
最最精彩係3:16秒果到...大家一定要落足眼力睇
果陣我正準備返去控逍遙..而逍遙出現係眼前果一刻,,我相信少於0.2秒
然後我馬上7星但已經太遲..逍遙已經用左凌波消失係我視野之內,跟住仍然可以對我造成傷害..果到我食左超過5m傷害..
我驚嘆呂亙既判斷力同速度..如果我唔係用天殺..我諗我無可能贏到佢!
題外話..我今次既片係用國服一個軟件叫玩家寶寶錄..初頭見好多人都話好易用,好簡單..結果我用完之後簡直係中晒伏!!!
第一,條片極唔清...
第二,太多bug..我唔可以匯出個原始視頻做avi檔..所以逼住要上傳去佢果個網站到..而且想再次編輯段片會變左綠屏..我重裝左5次到先搞返好...
所以如果玩家想拍片,,真係唔好用玩家寶寶..用fraps+格式工廠+windows movie maker就已經夠!
第二輯天山vs逍遙我已經拍好左...但後期效果未整好..睇下反應如何再決定post唔post... |