喺書展推出肌男寫真嘅趙勁皓(King),今日為Xbox360宣傳視像遊戲機,仲即場剝衫半裸玩拱橋操肌。
而我哋招募動主播都去搵咗King俾啲貼士,我哋叫咗參加者訪問King,點知King就問對方有冇睇佢本寫真,搞到位參加者尷尬面紅。King又去咗同嗰位「Iron man」Chit chat,反而佢就主播上身,係咁問嘢。不過King都評論返位參加者嘅表現,話佢對答上要流利啲,啲緊張嘢後期執吓就冇事。
問King平日可有冇跟女友打機?佢就表示暫時冇女友,但自爆有心儀對象:「佢係圈內人,女仔嚟,拍電影,佢個名同我一樣有K字,我鍾意佢清純。」可擔心收購寫真嘅劉老闆失望?佢話:「我同劉老闆有聯絡,佢依家喺北京,佢係正常男人,對我哋冇乜特別要求。」問驚唔驚劉老闆向佢示愛?King聞言大笑:「唔排除做好友,但再進一步關係唔得。」
http://hk.apple.nextmedia.com/enews/realtime/20130726/51592145 |