本帖最後由 lugia 於 13-6-2015 15:10 編輯
早幾日返返下工聽到個同事講話巨商就執, 一件件早已埋藏係我腦海深處既回憶一下子湧返晒出黎
想問下呢度仲有冇骨灰級玩家係度呢? 趁聽日放假 乘機講下歷史先(唔係想撩交嗌 只係想大家一齊分享返當年既點滴~) 小弟先講為敬:
其實我覺得巨商最好玩既地方就係團與團,人與人之間既互動 你投我城我就投返你,我睇你個團唔順眼就打你 呢個先係我真正沉迷巨商既主因 以下係我比較有印象的幾場大仗:
1. 神領的海鷗VS地球聯邦軍 - 巨商岩岩開冇幾耐既第1戰大戰 結果地連戰勝用外掛既神領 (記得仲好多人開團幫神領改花名 咩神領的海狗 笑到我痴線)
2. 風林VS界女(蕭sir?) - 呢場真係好好睇,當時好多人晚晚8點準備企係大田食花生. 界女個團叫"落入凡間的" (其實係紀念佢以前入既一個團)
3. 獅子商人(定保力達蠻牛?)VS風林 - 因為當時以傲風為首既風林不斷向細團收保護費, 後來終於有人睇唔過眼就聯合一團被蝦既團"反風林"
其後風林高層決定將傲風踢出團(當然唔只以上件事啦), 令到佢正式同風林決裂埋下日後打到天昏地暗既伏線↓
4. 傲風VS風林 - 傲風,超人兩兄弟+外掛佬SUN.YIP聯手打風林 (個陣SUN係個搞到巨商一團糟既大外掛佬)
5. 最印象深刻其實係有一晚好多老牌大團(WHO, 風林, 古代, 紅茶館, viva, 霧雲軒, 有間客棧)全部比個外掛佬攻爆晒 結果我入既果個團就排左第2
6. 臨退出前冷戰同風林又係打到癲 我所在既商團都不幸被拉落水... 好彩淨係打過1次咁大把 仲要贏左風林+古代 記得開心左成晚!!!
btw, 好多人一路都以為以前全巨商最高戰係tattat. 其實未有二轉時最高戰係純蒿(30萬戰),當時個個都當佢神咁拜!!
講開名人 咁順手講下 |