找回密碼
 註冊
查看: 2333|回復: 0
收起左側

[綜合討論] 彩虹冒險 2.0?

[複製鏈接]
發表於 1-8-2020 10:43:33 | 顯示全部樓層 |閱讀模式
時空亂鬥 (英文: Lost Saga) 係一隻由當年開發彩虹冒險的韓國IO Entertainment公司製作出黎既2.5D卡通風格技術格鬥遊戲。只係同公司咁簡單? 其實唔只公司,連製作團隊都係同一team人。

Q: 咁究竟時空亂鬥有乜特別? 我淨係想重拾童年回憶,玩番彩虹冒險咪夠囉?

A: 因為你未玩過時空亂鬥,會咁諗係好正常,覺得可以玩番彩虹已經好開心,好滿足。但我身為玩咗LS 9年既人好認真咁同你講,你冇玩過LS絕對會係一大遺憾。因為LS唔單只係依間公司出既第二隻遊戲,佢設計既idea係仿照番好多彩虹冒險既原素。或者我咁樣講,大家都應該睇過超人氣動漫「鋼之鍊金術師」。彩虹冒險同時空亂鬥就好似「鋼鍊2003」同「鋼鍊2009」既關係。咁我問你,你如果係鐘意睇鋼鍊,你是但有一輯冇睇過既話,係咪會損失咗好多野? 睇到依度,你可能覺得我好hard sell隻時空亂鬥。冇錯,我認我係好hard sell,因為我唔甘心依隻咁好玩既彩虹冒險後繼作拉唔番以前彩虹冒險既朋友玩。依隻LS其實喺韓國/印尼/泰國果邊好HEAT。講緊LS係2009年開始有的,到到舊年2019年3月,仲有泰國ser正ser重開,一開始果排玩家人數高達3000,版版都係4vs4團戰房。一隻已經面世咗10年既Online Game,到到第10年仲會開正服新ser,講真真係好唔話得。如果講生命週期,佢已經嬴咗彩虹。可惜,依隻GAME由此至終喺香港都冇大力咁宣傳過,令好多香港人都唔識依隻GAME。但我可以好老實咁同你講,LS絕對唔會你諗既咁,唔知好唔好玩,一定比唔上彩虹,佢冇能力取代彩虹,但可以成為替代品。你玩過LS之後,會有一種全新的體驗。因為你可以感受到依間公司點樣重新用另一個形式去演繹彩虹冒險。英雄聯盟代理Garena都曾經代理過依隻GAME,當時改咗名做王牌對決。我身為一位玩咗17年彩虹冒險同9年時空亂鬥既香港人表示,我冇遺憾玩過依兩隻咁好玩既遊戲。你可能仲會想追問,咁間公司整隻3D版既彩虹冒險出黎,我咪會想玩囉。其實,LS就係你心目中既3D版彩虹,只係你未開始玩,所以你永遠都唔知道。你細心諗下,依間公司曾經出過彩虹冒險咁好玩既GAME,後繼作一定唔會差得去邊。你要比信心自己,比信心韓國IO Entertainment公司,咁好玩既GAME真係不容錯過。大家鐘意玩既5盤3勝團隊戰/300關/佔領/擒王/踢波/淘汰賽/車輪戰,全部都喺番曬度,睇到黎依度,如果你依然唔想試下玩LS,咁我真係幫你唔倒,我只能夠鄧你可惜。

我再強調一次,我真係好hard sell。我雖然有玩LS,但我都會繼續玩彩虹。因為學大家話齋,LS始終唔能夠完全取代彩虹冒險,依點我自己都明。唔怕同大家講丫,其實我咁撚多年黎都淨係玩依兩隻Online Game。向來唔會亂玩GAME既我,就喺2011年開始玩LS,玩完先了解到,原來喺玩彩虹冒險既同時,我可以容得下多一隻同彩虹冒險同等地位既GAME,哈,依隻GAME又係彩虹冒險間公司出既,真係巧合。我同依兩隻GAME係共存亡,永遠都會KEEP住玩,正服執咗玩私服。彩虹冒險同時空亂鬥是永遠的兩兄弟,彩虹冒險同時空亂鬥是永遠的兩兄弟,彩虹冒險同時空亂鬥是永遠的兩兄弟,好撚重要所以要講三次。多謝大家睇曬依篇文,其實我係一路諗一路打,我打字都OK快既。至於大家最關心既問題,彩虹冒險手機版,大家真係要比多少少時間IO Entertaiment公司了,畢竟宜家LS正服仲開緊,佢地要花時間去update隻GAME。講緊兩星期要出一隻新角色,不停趕進度,不過我相信作者早日就會推出彩虹手機版既。

如果你睇到黎依度,開始有興趣想試下依隻彩虹冒險班底後繼作,請你加入以下的Discord群組,並記得做番個簡單認證,我地admin會盡快審批你嫁喇!

期待同大家一齊玩《彩虹冒險》同《時空亂鬥》!

https://discord.gg/UDRzM2n


彩虹冒險和時空亂鬥是永遠的兩兄弟!
彩虹冒險和時空亂鬥是永遠的兩兄弟!
彩虹冒險和時空亂鬥是永遠的兩兄弟!

回復

使用道具 舉報

您需要登錄後才可以回帖 登錄 | 註冊

本版積分規則

快速回復 返回頂部 返回列表