找回密碼
 註冊
查看: 62275|回復: 41
收起左側

始創者的話

[複製鏈接]
發表於 8-11-2020 19:34:50 | 顯示全部樓層 |閱讀模式
本帖最後由 Kyle.T 於 19-8-2022 09:12 編輯

由2003年到2020, 中間都發生左好多野, 曾經係度識過好多朋友,
組織過好多網聚, 識過好多朋友, 留低左好多既童年回憶,
自從有一年比Gameone收左個網站, 以為個網站會有更好既發展,
可惜事與愿違, 而我所擁有既權限同控制權一日比一日少, 甚至仲有一日連個密碼都改埋連入都入唔到,
呢樣野都係我一直最後悔既事, 但果時我岩岩開始升大學, 甚至開始創業, 開左自己另外一間公司,
一直都好忙好忙, 又去台灣發展, 最後又返左大陸, 但每一次諗返起樂古, 都會諗起好多回憶, 亦都好後悔曾經做過咁既決定.
每一刻我都好想收購返成個網站 (果時比人收左個網我地係一蚊都無收, 果時小朋友唔識世界),
直至到一年前我終於有呢個機會, 我同負責人提出話我想收購返全個樂古返黎重搞, 雖然我知道樂古既潛力唔大, 亦都係一盤蝕錢生意,
但我覺得樂古始終都係我個親生仔, 情意結無得計咁多, 所以我就搵左我公司既人幫我搞, 但負責人一直係咁拖, 拖左我半年, 最後被逼放棄左個計劃,
當然我可以重新再提起呢個計劃, 又或者以我依家既能力, 再整過另一個網出黎都係無問題, 但我都唔知點樣做會好啲.

好感謝仍然留左係度既人, 亦都好感謝曾經為呢個網站付出過既人,
如果大家仍然有心仍然去搞一個好既討論區出黎, 我願意出資出人去搞, 賺唔賺錢唔緊要, 最重要大家開心,
始終搞呢啲網站成本唔高, 服務器我自己間公司都有一大堆, 但最怕係聚集唔到人氣, 咁成件事就好難前進.

anyway, 不知不覺已經32歲, 突然覺得時光飛逝, 好希望仍然同大家可以做朋友, 甚至得閒吹下水出黎玩下都得,
有興趣就加我啦~

Wechat:
shtse8

Facebook:
https://www.facebook.com/kshtse/

Whatsapp:
shared_qr_code.png




更多好文章盡在 https://anymud.com/
回復

使用道具 舉報

發表於 18-3-2021 18:43:03 | 顯示全部樓層
大家好,我係五月,好耐無見。
因為已經入唔返個ac,唯有開新ac。

其實已經上過嚟幾次,不過入唔返ac,所以都無留言。

尋日上嚟再望,見到原來仲有d舊人,係非常非常舊嘅人會上嚟回post,
甚至仲有人管理緊個論壇,非常之感謝仲打理緊嘅超版。

曾經係到日傾夜傾,樂古傾,msn傾,傾到變朋友,真係難以想像嘅時光。
好感謝果d曾經同我一齊傾嘅人,無論我地有無見過面。

見到聊廣嘅post,仍然有人記得自己,真係有d慚愧,
當初自己默默咁離開咗,竟然仲有人記得。

我諗已經無咩討論區可以做返果陣時嘅效果,果陣時嘅論壇交友模式,
畢竟呢家大家上網都已經習慣匿名隱身,亦都有所顧慮。

過往除咗開心吹水,都曾經為咗不同嘅事嘈過鬧過,不過呢家睇返都係寶貴嘅回憶。
雖然好幼稚,但係呢d係好獨特嘅經歷,呢家上連登罵戰都唔會有果種感受。

最後,真係非常感謝大家留低嘅回憶。願大家安好。



五月 (Poon) 上
18/03/2021
回復 支持 1 反對 0

使用道具 舉報

發表於 27-3-2021 22:28:19 | 顯示全部樓層
本帖最後由 聶羅阿瑪特 於 27-3-2021 22:44 編輯
Kyle.T 發表於 12-11-2020 03:37
呢個時代係唔易,但我又覺得唔係無得搞,
只係形式要變下,唔可以好似以前咁齋做一個純討論區。
要有商業 ...

Nakuz個名仲係有份量既我信相,但人哋唔放手你都吹佢唔漲。你話搞個新既我都支持,不過唔好太旨意呢度啲半退舊人,你可能必須靠實力(有哪個勇者故事都不是由孤身一人開始,然後新同伴慢慢增加)。既然UID1大大都32歲,搞論壇就應該用成人既角度去搞,市場學、資訊系統、資訊安全、傳意範嚋、亦都應該要深入認識,有策略有計劃咁實現你既理想。我見你寫既論壇定位都唔錯。
除左吸引人流、增加商業掛勾之外,更應該考慮能唔能夠可以實現提供一種無可替代既功能性,令玩家「只可以」黎呢度搵遊戲資訊。就好似52巨商網、Puzzle&Dragons戰友及資訊系統網,pokemon.gameinfo等等雖然唔係論壇,但如果玩家要搵必須既、有系統既資訊基本上冇可能唔去噶度瀏覽,如果一個論壇或者社群平台可以做到類似既嘢又點會愁冇人流呢。雖然每個社群都有生命週期避唔過末落終結,但好似一啲wechat / line群具即時互動功能 , IG / 抖音一類生活時報 , FB群組專頁貼文刊登 ,B站彈幕添加,Youtube實時直播 等各有其自身優點。作為一個論壇或者遊戲社群係咪可以多考慮將其它社群既優點以另一種形式實現並進化呢?  打破傳統模式開拓別樹一格既企業客戶融合平台 , 比方說平台直接進行遊戲充值 、代理遊戲官網融合於平台,睇起黎冇可能 , 但係咪真係冇可能呢。我覺得冇人打破論壇呢種舊有法則並唔止係一個文化問題,而係未有一個有足夠商才既人去進行變革。如果樓主可以做到足夠驚天地泣鬼神既商業創作,分分鐘上埋市都唔出奇,以為係蝕錢既一盤爛帳分分鐘翻盤助你公司更上一層樓。(以上只係我中二病既癡人夢話




===========================話當年看現狀====================================
Nakuz係一個體系算完整既壇,管理方式當然有問題啦~商業導向係必須既,吸引人流我覺得最有效既方式係成為一啲手遊或者online既官方指定論壇。當年我就係玩(好似係gameone)SD Gundam Online見官網有論壇就禁入去,跟住就link到黎nakuz註冊左。另外跟上時代步伐都好重要,宜家啲手遊出下又一隻出下又一隻,要密密開新版塊For啲新game先有可能捉得住啲人流。反觀目前nakuz首頁啲所謂熱門game都過曬時 , 又冇人update 而啲冇乜人氣既game甚至一啲遊戲產品生命週期走到尾段既game版塊仲keep住喺左邊個版塊目錄冇人拆版塊亦冇將有槷度既版塊置頂方便進入。其實我好懷疑宜家nakuz係咪上面噶層人已經冇再管理 , 得番下面噶層既版主處理啲簡單版務。

當年nakuz真係好有氣氛,樂古8週年活動我幾乎全部有參加去追活動分數攞金銀銅勳章,噶時好多版塊都有搞活動我亦都學到好多嘢,睇得出大部分版塊都有一定人流(比目前最多人既版塊-巨商版多人N倍),版主各施其職管得好好,論壇成員分享遊戲體驗、開展討論話題,等等都相當熱烈。CSO從舊Post專屬勳章種類同數量都可以睇出當年以約戰為賣點既CSO版塊都曾經盛極一時。當然現在時代變了,啲人唔再睇無線電視而變左手機/電腦煲日韓劇,msn收左皮公會群組改成以line群wechat群架設,PC online game少人番到屋企坐定定咁玩&宜家改成工餘、等待時間中直接拎起手機玩手遊,NAKUZ有冇與時並進緊貼並迎合潮流呢,我覺得冇囉。Nakuz有啲似等死Feel。


PS: Nakuz型男索女版塊宜家搞緊活動,大家得閒可以由我下面個簽名連結進入投票版塊,或者set個簽名圖支持推廣一下Thankyou



評分

參與人數 1Bravo! +1 收起 理由
小妍~ + 1 贊一個!

查看全部評分

回復 支持 1 反對 0

使用道具 舉報

發表於 19-11-2020 23:25:55 | 顯示全部樓層
由以前hksod未合併既年代玩到依家,
係度識到好多朋友,好慶幸有樂古既存在
辛苦晒Kyle啦~
回復 支持 1 反對 0

使用道具 舉報

 樓主| 發表於 12-11-2020 03:37:16 | 顯示全部樓層
小妍~ 發表於 11-11-2020 21:03
呢個時代搞討論區唔易啦...

呢個時代係唔易,但我又覺得唔係無得搞,
只係形式要變下,唔可以好似以前咁齋做一個純討論區。
要有商業既模式,支援網站既開發同埋營運推廣,
就好似資訊網站之類,但唔同樂古呢種無咩意思既新聞轉貼,
原創內容又少,或者接近無。
後面背後再支援一個高度自由,但文明交流既討論區,或者可以叫社群。
我覺得依家呢個世界仍然都係缺乏緊一個好似以前交朋友既地方。
我鍾意有秩序既網站,大家可以和和氣氣開開心心咁傾計,識朋友,甚至自己組織活動。
回復 支持 1 反對 0

使用道具 舉報

發表於 10-11-2020 00:03:17 | 顯示全部樓層
其實以前樂古個界面好睇好多
依家成陣支味
要睇下你將個論壇定位係邊
同以前一樣行遊戲向都仲有機會
但真係要搵人專做遊戲資料搜集再出片先聚到人
回復 支持 反對

使用道具 舉報

 樓主| 發表於 10-11-2020 00:52:24 | 顯示全部樓層
菜蘭嘆世界 發表於 10-11-2020 00:03
其實以前樂古個界面好睇好多
依家成陣支味
要睇下你將個論壇定位係邊

無問題架, 我公司有人可以處理到, 但公司啲人最多係搵搵資料做下開發就可以,
但版主始終都係要搵返大家去做, 因為始終我公司啲人都係打工, 唔會真心係搞個網.
真係好懷念以前個網果種氣氛
回復 支持 反對

使用道具 舉報

發表於 10-11-2020 20:59:20 | 顯示全部樓層
Kyle.T 發表於 10-11-2020 00:52
無問題架, 我公司有人可以處理到, 但公司啲人最多係搵搵資料做下開發就可以,
但版主始終都係要搵返大家去 ...

原來係UID1 大大

宜家個討論區..想搞都搞唔到..d管理員... 唉...
回復 支持 反對

使用道具 舉報

 樓主| 發表於 11-11-2020 02:14:29 手機版發帖 | 顯示全部樓層
本帖最後由 Kyle.T 於 12-11-2020 03:21 編輯

所以就係睇下有無人有興趣一齊再搞,
係好多年前,呢度已經比人侵佔左,
由果個時間開始,我地最原始果班管理者開始陸陸續續咁離開左。
甚至我明明係呢個網站CTO,連服務器個密碼都比人改埋。
管理員個賬號都唔見埋,但一聲通知都無。
諗返都真係幾恐怖。
回復 支持 反對

使用道具 舉報

發表於 11-11-2020 02:55:59 | 顯示全部樓層
好掛住五月霜
不過如果真係搞我有少少興趣
回復 支持 反對

使用道具 舉報

發表於 11-11-2020 21:03:02 | 顯示全部樓層
呢個時代搞討論區唔易啦...
回復 支持 反對

使用道具 舉報

 樓主| 發表於 12-11-2020 03:22:35 | 顯示全部樓層
菜蘭嘆世界 發表於 11-11-2020 02:55
好掛住五月霜
不過如果真係搞我有少少興趣

係我開公司之後,佢黎過我公司做左一陣,
之後我都無再同佢有聯繫了。
我都好掛住佢。
回復 支持 反對

使用道具 舉報

您需要登錄後才可以回帖 登錄 | 註冊

本版積分規則

快速回復 返回頂部 返回列表