找回密碼
 註冊
查看: 1285|回復: 3
收起左側

[商團討論] 國際巨商/美服 – FxRxVxR銀團/不義團 入團3-4個月被踢感受

[複製鏈接]
發表於 24-12-2020 10:29:43 | 顯示全部樓層 |閱讀模式
本帖最後由 kiki02 於 26-12-2020 13:02 編輯

佢地成日招新人點解不真? 因為最多團友當我係一分子, 管理員冇當過我係團友, 成日出現都只係清人走, 都岩既唔通幽靈人口都留咩,
但係又會招新人, 招新人但係又唔當我係團友? 係一個問號

打機求開心, 入團只係想有個屋企既感覺 ☹
當初揀團其實我都睇左幾個 唔中意果D粗口橫飛既, 以為呢個正正常常 斯斯文文, 點知假到爆又專制, 用埋D不知所謂既理由屈我 踢我走

其實大部分團友都好好人, 平時乜都可以傾下計生活話題咁唔至打機
但係管理層好專制又神經質 咩事?

正文開始:
事源出左公告希望團友唔好同時加入兩方群組, 咁都好make sense因為對方群組有各種不禮貌/針對/中傷團友行為 唔中意對方都好正常, 橫掂我冇入, 又唔識佢地 唔關我事~

管理層1號:


咁點解會踢我?
因為好日都唔升LV 既我 (平時只係玩下日任輕鬆娛樂下) 搵人幫手吸下經, 打巨BOSS?
係呀! 我搵人幫手升左1-2個鍾咋都唔比, 點解?
因為幫我既人有入到果個”對方群組”, 咁係咪識到朋友要查哂家宅先? 唔識答
再望返上面個公告? 只係講不接受團友加入該群組
又唔講其實佢地係想你連其他朋友都唔準有

之後我就收到類似警告信息 (平時管理層都10有8都不出現, 都冇點傾過計..冇啦啦就不同管理層既人出現, 包括管理層2號跟蹤我搵佢以為既證據+FF?!, 管理層3號信息我似是溝通但又最後不溝通直接踢, 好驚嚇)


管理層3號:


信息似要我選擇企邊一方?! 我都冇入”對方群組”, 冇野選擇 即係留
不過收到信息冇耐就直接踢左我, 突如其來, 冇先兆踢左先冇得拗, 後來得知理由竟然係咁

管理層4號:


所以佢地係咪同佢地口中講果班 ”對方群組”一樣
針對, 抹黑, 誣蔑 我?

1.        因為冇人理過我感受 冇溝通直接踢 處事手法差 等我冇從傾訴 完全冇發言權 其實都幾侮辱
2.        管理層圍內自己講就係 冇需要同你交代 理由造假都可以 因為個團係佢地既
3.        講到我違反規矩又拎唔出證據 咩都係佢地界定 好恐怖

所以你想入呢個團?
1.        你只可以同呢個團既人做朋友
2.        你唔可以識團外任何港人 唔係隨時睇心情屈你咪屈你囉
3.        認真考慮下玩返巨商都係想搵返童年開心一齊玩既感覺 呢個團比唔比到你?

最後:
要知少少背景資料, 好遠古以前呢個團同”對方群組”個別人士有恩怨 唔太清楚點恩怨法
不過硬要好似要團員支持佢地咁, 其實以前既事我地都未玩又點會知咁多
根本都冇可能要相信任何一方

#新手須知 #巨商 #美服 #國服 #起手 #回鍋 #重玩 #玩返 #新手 #新人 #商團 #群 #公會
回復

使用道具 舉報

 樓主| 發表於 26-12-2020 13:08:50 | 顯示全部樓層
經過我學佢地FF之後 加上管理層4號踢出團既理由


可以推斷 佢地同"對方群組"既恩怨係會將其他人拖落水
原來管理層4號早係一個月前曾經同我解釋過以前發生過咩事
但係我用唔關我事 為由而唔感興趣去了解



本來我以為佢出於好心解釋比我聽 等我唔好咁難受(當時比團友針對我唔企係佢地果邊)
但原來佢都一樣係唔比人中立 唔支持佢地既人就等於係敵人
再加上見到我識到既朋友有加入"對方群組" 就將幾件事炒埋一碟去理解 唔高興見到 "同敵人一齊咁"

注意: 以前既事其實我都未黎國巨玩 點解要我幫其中一方?我唔知
我只覺得佢地想要支持者/佢地被對方中傷日子久遠太難受(要搵人出氣?)/ 唔信我
講到底就我件事黎睇
佢地覺得我唔幫/附和/支持佢地就係幫緊 "對方群組"
其實佢地一樣係度製造緊更多恩怨


回復 支持 1 反對 0

使用道具 舉報

 樓主| 發表於 29-12-2020 10:44:29 | 顯示全部樓層
#女仔唔好玩☺️
回復 支持 反對

使用道具 舉報

發表於 29-12-2020 16:55:42 | 顯示全部樓層
都比人踢左啦,開名啦,同咩叫女仔唔好玩?暗號?求前文,因為咩事而2個團(唔該開名)交惡。一個黃團,一個賴中立既藍團?
回復 支持 反對

使用道具 舉報

您需要登錄後才可以回帖 登錄 | 註冊

本版積分規則

快速回復 返回頂部 返回列表