李樂詩 6磅半 B仔落地 即割包皮

near813

Joyce和老公 Ted的愛情結晶品 Maxton終於出世，一家三口合照時十分溫馨。

李樂詩（ Joyce）於 10月 8日晚在港安醫院，順產誕下６磅８安士愛兒 Maxton，昨午她在丈夫 Ted陪同下一家三口出院，其夫緊抱 Maxton，與未收身的 Joyce在醫院前讓傳媒影全家福。 Joyce表示 BB的中文名會跟丈夫族譜的「然」字，全名有待決定。為答謝傳媒採訪， Joyce更準備蛋撻和飲品招待記者。
當了幾天媽媽， Joyce便為愛兒做了一個重大決定，便是安排只有幾日人仔的 Maxton接受割包皮手術，她說：「今朝（昨晨）決定畀 BB去做手術，我好心痛，護士抱咗佢出去就聽到 BB喊聲，不過媽咪係為佢好先咁做。」兩夫婦又謂有人贊助 BB儲 18年臍帶血

考慮再生

回想分娩當日， Joyce朝早便穿羊水，直至中午兩點便開始陣痛，到八點多生 BB，老公全程陪伴身旁。問 Joyce其老公有沒親手剪臍帶？她說：「冇呀，佢驚血淋淋，拍片都係見到 BB出世同放喺我心口片段，恐怖畫面冇拍到。」
Joyce透露會餵人奶，坐月後便投入工作，洽談當《超級巨聲》評判及下月底接騷。會否擔心開工不捨得 BB？她笑指若不捨得便抱着 BB開工，護士又指 Maxton是 BB房中喊聲最大的。 Joyce表示已有纖體公司斟她代言，她又謂會先收身，才計劃生下一胎，稍後會為 BB擺百日宴。

好恨

個bb就咁無做包皮

黑色彩虹

李樂詩?.?
真係唔多熟,演員/歌手?