Kary唱各行各路耐人尋味

near813

金牌大風人事變動掀起連串是非，近日有傳吳雨霏（ Kary）因伯樂黃柏高（ Paco）失勢而有意離巢，但當事人例牌否認。前晚 Kary舉行迷你音樂會時，致謝辭時首先多謝 Paco，她還選唱一曲《各行各路》，直言分開未必是壞事，擺明憑歌表白。

自從金牌大風人事變動後，不少藝人如楊愛瑾及傅穎（ Theresa）相繼離開另謀高就，近日再傳吳雨霏因為伯樂黃柏高失勢，也意興闌珊有意離巢。前晚 Kary在九展為 Neway演出迷你音樂會，當中只有小肥及 at17的 Ellen捧場，同公司的 Rubber Band則上台和 Kary夾歌。

感謝 Paco提攜

放大圖片

Kary暫時放下公司的煩惱，盡情享受音樂。

Kary唱出《各行各路》，她似是略有所指說：「其實呢啲係好個人嘅事，分開未必係唔好，可能有更好回憶。」接着 Kary唱出 Cookies年代的《最後一塊》時更表現感觸。 Kary致謝辭時首先多謝 Paco，她說：「雖然家冇合作，但冇佢就冇我，我家個名都係佢畀我。」之後她才多謝高層陳輝虹及公司。
Kary坦言和鄧麗欣（ Stephy）相識 7年已是深交，對於近日有傳 Stephy逼她離開， Kary笑了幾聲並表示絕不相信。問到首個多謝 Paco會否擔心公司不悅？ Kary說：「相信公司唔會，我係一個重情嘅人，雖然大家（指 Paco）冇合作，但我真係多謝佢。」

傅穎新片待上

放大圖片

Kary請來 Rubber Band擔任嘉賓，一起 jam歌時令歌迷聽出耳油。

此外， Theresa與棒棒堂主演的《武動青春》因與金牌大風的合約糾紛導致影片取消香港映期，但監製 Paco昨日否認說：「冇人講過香港唔上呢部戲，只不過因為內地映期改喺出年初，香港映期仲要同院線傾吓。」對於有指明年他會離開金牌大風另起爐灶及拉隊走人， Paco說：「目前我冇離開金牌大風意向，從來冇諗過要拉隊走。」
採訪：卓寶花、林妃
攝影：黃文成

我覺得佢八成會走