百星拱照台慶亮燈 鄧萃雯缺席明剃 TVB眼眉

near813

無綫 42周年台慶亮燈儀式昨晚在將軍澳電視廣播城舉行，由 101歲六叔邵逸夫主持大局，出席藝員包括昨晚首播的兩部台慶劇《宮心計》和《富貴門》、《畢打自己人》、《有營煮婦》、《巾幗梟雄》、《烈火雄心 III》和《學警狙擊》一眾小生花旦，但《巾》劇只見柴九黎耀祥而不見四奶奶鄧萃雯影蹤。

柴九盼與四奶奶同攞獎

原來雯女之前與黎耀祥及關菊英到美國 Reno賭城登台做騷，之後順道留美探親旅遊。由於之前有傳無綫為力阻雯女攞視后，刻意將今年台慶頒獎禮押後到 12月初舉行，好讓《宮心計》的楊怡、佘詩曼和《富貴門》的袁詠儀、郭可盈加入視后競爭行列，雯女今次寧願旅遊耍樂也不返港出席無綫亮燈盛會，擺明車馬唔畀面，為力阻她登視后一事還以顏色。
昨日問黎耀祥有關雯女缺席原因時，他說：「雯女家身在美國，之前我同佢去美國登台，佢自己留低探親同玩。」可睇好雯女今年攞視后？祥仔說：「都有機會，但楊怡機會都大。不過，要我揀嘅話梗係揀雯女，最好似柴九、四奶奶同一部劇一齊攞埋獎，咁就係完美結局啦。」可認為無綫力阻雯女攞視后？祥仔說：「無論如何希望雯女攞啲（獎），不過今年女主角競爭係比較激烈嘅。」雯女會否因不滿無綫而缺席？祥仔說：「唔會，係時間上安排問題啫，如果佢喺香港一定會出席，佢美國多朋友，難得去到都會同親友見吓面嘅。」

楊怡：最緊要收視高升

近日有消息指郭可盈以生完 BB後回歸無綫作籌碼，誓奪今年視后寶座，令楊怡、阿佘和雯女攞視后美夢成空。原本昨晚可盈隨《富貴門》演員出席亮燈儀式，但臨時卻以身體不適為由缺席。問阿佘睇好那位奪視后時，她說：「睇好楊怡同雯女，總之佢哋一個攞視后，一個就攞最喜愛的女主角。」
對於郭可盈搶視后之說，楊怡昨晚笑說：「好呀好呀！邊一個攞獎都冇所謂，最緊要收視高升。」有指楊怡將與雯女退而求其次力爭我最喜愛的女主角席位，楊怡說：「自己平常心面對，一啲壓力都冇，就算緊張都係緊張個 feedback，邊個攞獎都咁開心。」可覺得自己未是時候攞獎？楊怡說：「係咪時候都係努力嘅地方。部劇今晚先出街，都要畀少少時間觀眾，自己未係好緊張。」
有指楊怡觀眾緣不及雯女，對此楊怡說：「可能調查咁啱揀嗰幾個人出嚟啫。不過，雯女好資深，就算結果點都好，自己唔會失望，呢個可能係事實，喺我心目中雯女係最好嘅。」

四對緋聞男女雙雙造勢

昨晚六叔與藝員大合照時，擔任台慶亮燈儀式的司儀汪明荃和鄭裕玲獲安排站在六叔左右兩旁，而佘詩曼和李司棋等亦獲安排站在第一排中間位置，地位可見一斑，至於後排小生中，企中間位者分別是苗僑偉和林保怡等。
無綫又刻意安排湯盈盈和錢嘉樂、黃宗澤和胡杏兒、林峯和鍾嘉欣、陳豪和廖碧兒等幾對緋聞情侶分開企，當為劇集宣傳時，才安排各人以情侶檔同場造勢。
採訪：卓寶花、楊潔雯
攝影：陳志嵐、黃文成

花絮
嘉穎、王喜面左左

放大圖片

鄭嘉穎和王喜早前因拍攝《烈火雄心 III》鬧不和，昨晚兩人被編排站在一起，不過表現得面左左，全程零交流。最近傳出與佘詩曼分手的鄭嘉穎更因身上有毛蟲而走回後台，其後再上台時更險些仆倒，尷尬萬分，他與阿佘同場時亦有偷望她。

黎耀祥極速變身

放大圖片

台慶視帝大熱黎耀祥昨晚代表《巾幗梟雄》和《畢打自己人》造勢，當祥仔穿上《巾》劇「柴九」戲服為劇集宣傳時，大受現場觀眾歡迎，祥仔更即場在台上更衣，除掉身上的古裝戲服，展示內裏的時裝戲服，大演敏捷身手。

劉倩婷睇騷露底

放大圖片

應屆港姐一直被指不夠大體，港姐冠軍劉倩婷昨晚陪六叔就坐欣賞節目時，豈料穿上紅色短裙的她竟不慎春光乍洩露出白色內褲，幸有關鏡頭未有播放出街，不致在螢光幕前出醜，而她發現自己走光後，即時全程夾實雙腿睇騷。

上面有好野睇

唔好扣我樂點

黑色彩虹

雯女真係好好戲,不過冇計喇,無線只係捧D紅人....唉


D港姐真係愈黎愈唔似樣= =
個劉倩婷個樣勁唔掂....冠軍[[onion_65]]