Stephy誓闖荷李活 笑死 Kary

near813

Stephy（右）話自己英文唔好，但會以闖荷李活為目標學好英文，旁邊嘅 Kary聽到打咗個突。

每年一度嘅《翡翠歌星賀台慶》又嚟啦！噚日一班歌星去到將軍澳電視廣播城出席記者會，但現場大粒歌星只有陳奕迅（ Eason），其他就有鄭融、鄧麗欣（ Stephy）同好姊妹吳雨霏（ Kary）等，節目司儀將由鄭裕玲擔任。

今年個騷會移師到澳門演出，主題名為「 Music Journey」，一班歌星會演唱香港樂壇嘅經典名曲。

Stephy同 Kary一齊做訪問，提到早前有網友將 Stephy接受英文傳媒訪問時，以英文回答嘅出醜片段放上網，因為當中 Stephy嘅英文好差，文法錯晒，爆咗一句：「 I am very thanks them.」（編按：正確應為「 I am very grateful for their support.」）對此 Stephy話：「我未試過接受外國記者訪問，係應付唔到，我會努力進修，我工作目標係進軍荷李活！」 Kary聽到好姊妹咁講都忍唔住笑出嚟話：「我好欣賞你。」

佢真係收得,重想進軍荷李活

黑色彩虹

佢英文唔好唔緊要,最緊要係...佢拍戲好睇咩?.?

Mr.Rose

做明星講錯少少就俾人插= =