寵物失蹤 愛子傷心 阿呂$10000尋柴犬

near813

呂良偉年前飼養了年僅 1歲的雄性日本柴犬「醒目」（ Smart），其愛兒呂善揚與 Smart更情如兄弟，但前晚阿呂帶 Smart散步時， Smart疑被東西吸引而狂奔，最後不知所終，令阿呂的愛兒傷心欲絕。阿呂現以一萬元薄酬，希望有好心人幫他尋回愛犬。

現年 52歲的呂良偉是公認的廿四孝爸爸，年前飼養了一隻年僅 1歲的雄性日本柴犬「醒目」陪伴其 7歲愛兒呂善揚， Smart和善揚情如手足，更不時帶 Smart到寓所附近的海灘遊玩，連救生員和鄰居都熟悉 Smart。
前晚 11時許，阿呂如常到寓所附近放狗散步，由於 Smart性情溫馴，非常跟從主人，阿呂平日和牠散步都不會為牠戴上狗帶，前晚阿呂與牠散步時，牠疑受其他物件吸引，即時轉身狂奔，雖然阿呂已即刻喝止，但 Smart已跑得消失無蹤。

放大圖片

阿呂的太太楊小娟和兒子呂善揚得知 Smart走失後，大感傷心。　資料圖片

放大圖片

Smart外表得意可愛，一向甚得主人疼愛。

「阿仔係咁喊」

阿呂的兒子和太太楊小娟得知愛犬失蹤後傷心不已，阿呂即時揸車尋找，但找到凌晨 3時多也不見牠，所以昨日阿呂即透過傳媒發動尋狗行動，希望讓 Smart仔早日重回他們懷中。
阿呂昨日接受訪問時坦言 Smart仔是他們至愛，前日天氣轉冷， Smart近日還有少少肚屙，令他們很擔憂，阿呂說：「我哋養咗佢一年，係全家人至愛，我個仔同佢仲玩得最埋，家阿仔最傷心，係咁喊要搵狗。」
阿呂續說：「 Smart性格好乖好友善，唔會咬人 o架。佢大約 30、 40磅，毛色係啡白色，尾後有少少白毛，平時同佢出街都會識返屋企，但今次唔知發生乜嘢事。我估計佢仲喺南灣道附近，如果有好心人見到 Smart，希望佢哋聯絡我哋，我會薄酬一萬蚊答謝佢。」
撰文：林妃

10000蚊真叫人心動