基仔開舖女友管數關係升呢

near813

周慧敏和基仔老友鬼鬼，難怪會自薦做設計師及代言人。

古巨基剛冧莊成為《勁歌金曲》總選的歌王，前晚即馬不停蹄進軍商界大展拳腳；他一手策劃的品牌專門店前晚開張，一眾好友現身撐場，其中紅顏知己周慧敏更客串擔任設計師兼免費出任代言人，至於正印助手女友 Lorraine則負責睇數，名正言順升呢成為老闆娘。

古巨基成立自家品牌在尖沙嘴開店，前晚舉行開幕儀式，基仔的圈中好友如周慧敏（ Vivian）、無綫總經理陳志雲、唐詩詠、鍾舒漫及洪卓立等到場祝賀，跟基仔合作的日本著名設計師岩谷俊和（ Toshikazu Iwaya）當晚亦專程來港撐場，身為基仔的助手女友 Lorraine亦在場，只是一直迴避鏡頭。

放大圖片

古巨基和助手女友 Lorraine（小圖）當晚以情侶裝亮相，但兩人卻表現避忌。

放大圖片

基仔自家品牌的時裝店分店前晚舉行開幕儀式，即場大放紙炮。

周慧敏嘗試設計

基仔大談開舖大計，他說：「呢間舖係分店，因為同呢個商場合作，只開 3個月；而旗艦店會開喺銅鑼灣，遲啲先開。我自己會成立兩個品牌，另外又引入日本牌子，我會親自去日本傾代理。」暫時舖頭由基仔獨資，至於何人負責「睇數」，基仔坦認是 Lorraine，他說：「佢負責舖頭嘅嘢多，而我嘅演藝事業就由英皇幫我。」記者笑言 Lorraine「升呢」，基仔未有直接回應。會否親自做生招牌做代言人？基仔笑稱：「唔會住，暫時我主力做幕後，我希望啲人唔係因古巨基而幫襯，而係因為產品好，我唔係玩玩吓，係長遠發展。」
當晚 Vivian單拖撐好友，她表示對設計有興趣，故遲些會把設計給基仔看看可否適用。會否出任代言人？ Vivian說：「佢隨時搵我都 OK。」
採訪：王連連
攝影：仇志德

唔知佢地幾時結婚^ ^