少爺拍戲周身傷 Juno斧頭劈耳積瘀血

near813

麥浚龍（ Juno）昨日右耳貼着紗布，負傷出席活動。他自爆拍戲被道具斧頭劈中受傷，紅腫瘀傷，要做手術抽瘀血以防耳骨變形。少爺仔 Juno向來愛血腥暴力電影，他卻自爆拍片連環傷，盆骨、腰骨、腳等無一倖免。

謝婷婷和麥浚龍昨日在銅鑼灣亮相 Nokia情人節新機活動， Juno負傷出席，只見他右耳包紮了紗布棉花，右面腮位更有點浮腫發瘀，他透露拍攝何超儀投資的電影《剖術者》受傷，聽力暫時有影響。

放大圖片

麥浚龍右耳因拍片受傷，昨日仍要用紗布貼着。

放大圖片

Juno和劉永在新片《剖術者》中經常有打鬥場面， Juno日前中招。資料圖片

曾紅腫如豬耳

放大圖片

Juno和婷婷昨日分別獲贈心形手機禮物。

Juno說：「差幾日就拍完，前日拍戲時，俾劉永嘅道具斧頭劈中，耳仔冇流血，但積咗啲瘀血，本來要縫針，後來改咗用抽嘅方法，做咗個小手術，將耳仔軟骨嘅瘀血抽出嚟，因為如果唔整，就會令到耳仔骨架變形。」 Juno謂出事時，耳朵紅腫得變成豬耳般，手術抽了一筒血，慶幸沒發炎，現時抽走瘀血的軟骨與皮之間的空位，要用棉花攝住，以防再谷瘀血。
Juno透露要再補拍，他說：「新年前會再補，同一場戲補少少鏡頭，傷口兩日後就拆得。」他一向熱愛血腥、暴力電影，但自己拍電影卻周身傷，他說：「好似喺度儲傷痕咁，喺戲入面係俾劉永同錢小豪圍住打，我周身傷痕，數不盡咁多瘀痕，膝頭、盆骨、腳都有傷，仲試過隻腳甩咗塊肉。」
新年及情人節 Juno謂都在工作中度過，問到自稱沒女友的 Juno，可會約鍾欣桐（阿嬌）吃飯，他說：「食飯隨時都得，唔使特別日子。」問到阿嬌被指是早前性交轉運案茅山師的契女， Juno就表示不知情，拒絕回應。

婷婷樂跟男友

謝婷婷表示十分開心男友安志杰近期在港宣傳，可以多見面，更指自己不介意做跟得女友，她說：「唔辛苦，好似環遊世界咁，我陪佢去過西雙版納，佢又陪過我去歐洲。」
採訪： Jessica Ngan
攝影： Dicky Chan

佢唔係靠老豆

佢會有今日

黑色彩虹

Juno轉攻拍戲@@?