陳美詩恨嫁等到頸長

near813

獲悉緋聞男友孫耀威想結婚，陳美詩即時現出一副冧樣。

陳美詩、黃德斌及湯盈盈等前晚在將軍澳電視城錄影《逐格鬥》，陳美詩與孫耀威的緋聞傳得鬧哄哄，孫耀威近日更公開表示想結婚，陳美詩前晚談到此事顯得相當冧，她說：「佢有冇同人求婚真係唔知，結婚係好事，我恭喜佢。」問她何時結婚？ 23歲的陳美詩謂：「唔知，我阿媽成日催婚，話我唔係十八廿二，要快啲結婚。」虎年可以辦喜事？陳美詩說：「未有呢個打算，唔知要等幾多年。」

黃德斌未諗結婚

陳美詩笑謂會問孫耀威何時派帖給她，有指新娘不用收帖，她笑說：「真係唔關我事，搞到我好尷尬，今年係好多人結婚，我好戥佢哋開心，我媽催婚都係攞人哋啲孫過橋，話好得意，叫我快啲結婚生 BB。」至於早前被拍得與拍拖多年女友揀傢俬的黃德斌，則表示暫未打算結婚。
採訪：何慧斯
攝影：陳俊強

先唔先咁啊= =