錯過 Twins騷唔可惜鄭中基短訊慰前妻

冷星魂

鄭中基（ Ronald）自與蔡卓妍（ Sa）婚變記者會後，前晚首次在港露面，他宴請《越光寶盒》導演及演員慶祝內地票房過億。 Ronald表示因身在台灣沒看 Twins演唱會，但不感可惜，他已傳打氣短訊予前妻阿 Sa，反而錯過了李思捷扮他，很有興趣看看。

其他娛樂名人影片

由劉鎮偉執導、鄭中基主演的電影《越光寶盒》，早前在內地大收過億票房， Ronald前晚於尖沙嘴宴請導演及演員，除導演劉鎮偉外，女主角梁詠琪、方力申、鄧麗欣（ Stephy）及田雞等都有到場。 Ronald說：「同劉鎮偉合作學到好多嘢，當係答謝佢同啲其他演員都好幫手，大家合作得好開心。」
唔介意被玩

問到有否欣賞 Twins演員會， Ronald說：「我啱啱喺台灣返嚟，去咗錄國語碟，所以冇睇。」他謂有傳打氣短訊予阿 Sa，祝她演唱會成功。有指 Twins未必再有機會舉辦紅館演唱會，沒看會否感可惜？ Ronald說：「唔好咁講，實有機會嘅，溫拿唔唱唔唱，咪隔幾年又唱，遲啲又出嚟搞過 o架啦。」至於李思捷及王祖藍在無綫節目扮他與阿 Sa， Ronald笑說：「我都未睇，好想睇吓呀。我唔介意，唔會嬲，我自己都扮過唔少人啦。」

阿 Sa日前在 Twins演唱會上曾哭至淚人，但鄭中基未有捧場。

談到早前西九龍中心找美味天使春卷王寶寶出席活動，將她與 Ronald的不實緋聞寫在發給傳媒的邀請函上作噱頭，日前西九龍中心向金牌大風及 Ronald發出道歉信， Ronald說：「我接受道歉，單嘢係公司處理，我冇理。」梁詠琪前晚飯局後急不及待將照片貼上微博，談到出席金像獎時所穿的晚裝令她看來胖了不少，她尷尬笑說：「講笑咋嘛？我最近係肥咗少少，我同許志安頒獎，佢就瘦到條藤咁，佢嫌我過高，我嫌佢過瘦囉。」問她是否拍拖開心才心廣體胖？她避談道：「我 4月初同朋友去美國玩，食好多嘢見好多動物，我會瘦番 o架喇。」Stephy則謂很少有電影在內地上映，正好有機會讓內地觀眾認識。問到可有與 Ronald聯絡，她說：「呢排唔夠膽打擾佢，都係工作時先見到面，我知佢鍾意影相，影得好靚，想叫佢幫我影唱片封面。」小方說：「第一次參與過億票房電影，好開心。」採訪：魯萍攝影：陳志嵐

感想:鄭中基有真係花fit左d的,同阿sa都係再見亦是朋友

'LEAH迷囝:)

感想:鄭中基有真係花fit左d的,同阿sa都係再見亦是朋友
冷星魂 發表於 21-4-2010 09:52

亦都有人話牙sa同台灣闊少.0.