[辯論]中文科範文的存與廢

14588563

2012DSE中 中文未能考到最低入大學要求的人為數不少
中文水平顯著退步
有見及此 有人提出重設範文 你同意嗎?

請各位在此發表意見


每一次回覆可得0樂點-150樂點 言之成理即可
反駁、補充對方見解、亦可得分

活動時間:16/3-22/3

無名小卒=]

其實中文最重要就係學寫作、修辭手法，並唔係「背文」。
再者你背晒又點，你都只係識篇文，唔代表你可以真正學到野。

而且會考以二十六篇範文擬題的模式已「出無可出」，故即使日後重設範文，亦難以再利用範文擬題。
同埋會唔會加重學校、老師既壓力呢？可能個課程又會趕好多。

認真，黎黎去去呢幾篇，容咩易貼題姐，根本無意思，你一係索性唔好考中文，
要考就唔該唔好有齊晒固定既答案，每個人睇篇文既感受唔同，我可能覺得悶，有人覺得好，咩富感染力呀，諸如此類。
考既唔係考生既中文能力同水平而係考背野，唔通第時出到去同人溝通，待人處事，寫文淨係識範文就夠？

最緊要一理通百里明，同埋範文可能比較艱深難明，反而同學更無興趣，
老老實實，魯迅兩本吶喊同彷徨我真係覺得勁悶完全唔想睇ZZZ

重申一點，寫作/修辭手法先係重點，死記硬背對學生中文無咩幫助，總不會作文時總抄襲範文的格式、句子吧。

以上只是我的淺見，不服來辯。

呀楊

我覺得需要

首先因為稱得叫"範文"

就指果篇文章有一定嘅價值

係比普通文章高一個層次.

第二點解唔廢除呢?

就係呀

想令到同學可以培養到一個欣賞嘅心態

再者睇得多文章大家都知道有助寫作能力

甚至詞彙量大增.

即使同學睇完未必能完全明白

所以就有老師依個角色黎輔助我地.

以我自己

坦白講我都覺得"範文"係好悶

但又如何...?

起碼嘗試到第一步肯接觸

已經對學習有幫助.

小雪冰

我純粹入黎廢up一下
就唔揀立場了

先黎玩下捉字"塞" (我唔識打隻字-.-)
中文水平其實我諗係指緊中文成績
而唔係中文能力
兩者唔可以劃上等號的

回正題
我覺得個「範文存與廢」既背後想解決既根本問題
就係宜家d學生係冇範文考既情況下 成績勁差
考範文都係想提升番佢地個分 自我安慰一下「其實香港學生中文水平都唔係咁差姐」之類
我咁講係因為我唔認為考範文真係會提升到學生既水平
語文科特別之處就係要經過長時間浸淫
如果單靠考範文就想大幅提升學生既語文能力
我敢肯定呢個諗法完全係癡人說夢既表現黎

講下宜家個制度先
宜家中學制度既中文課程出左好大問題
新高中既情況就尤其嚴重
學親既野同考試考既野幾乎冇關係咁濟
咁當然 事實上係有
但係究竟個關係有幾明顯?
學生對呢種咁微妙既關係又掌握到幾多?
我就唔信中文考得好既學生真係單靠自己(同老師)呢2樣野咁大把lor

咁平時中文堂係教乜架呢
不外乎係教課文
我學校以往中4中5都係教課文架姐
宜家中5都偏向番考試技巧方面 都叫做正常d
我個人認為 教課文本身就唔係一件壞事黎
欣賞作家既文章完全係一件獲益良多而有趣既事情黎
只係考試又唔係考同課文有太大關係既野
咁姐係想d學生點先..
結果咪又係逼哂佢地送錢比補習社洗lor

咁又兜番黎範文既問題
我諗如果考範文呢 起碼唔會唔知自己平時上堂做緊乜先
同埋學生既中文成績應該係會比起宜家有所提升
但我要強調既只係「成績」 而唔係「能力」
不過我諗考評局都只係想要前者黎自我安慰架姐
如果係咁既 咁考番範文完全係岩哂佢地口味既
只係咁樣既做法都幾自欺欺人下姐

打完之後 我發現我似乎係度吐苦水多過發表意見 唔好意思orz

C小旋風

我認為香港人中文水平有點下降 年年推行新政策
但水平下降得很 以通識為例 根本沒有一個標準答案
學生們只識亂吹 中文水平低得很
中國文化已超過5千多年歷史
現在一代不如一代 只會粗口滿天飛
如果從BB出世之後讀幼稚園 學識尊重人 學識禮貌 相信中文水平會提升

我係new手

估計取消範文既原意係唔想限制學生睇文章既種類, 等佢地涉獵更多
衣樣野係好好, 如果唔洗考公開試的話

因為無範文, 如果想考得好既話, 睇文章睇得多係無咩用. 想引經據典, 背少少已經可以.
反而學生會著重答題技巧
係衣個情況下當時取消既原意就唔處在。　

如果無範文, 由老師黎揀文章講, 係唔係每個老師都有能力揀呢?
無信心既老師可能會用返以前既範文作參考黎搵文章, 咁不如比更加專業既人黎做, 重設範文
有信心既老師可能會揀D特別D既文章, 但呢D文章有無參考價值呢? 又或者去返之前個pt. 關唔關考試事呢?

不過中文既考試一向都係同範文無咩關係.. 範文只係作為課程既引子.
熟讀範文同一篇都無睇過既人都可以拎A 同F
一切都在於考生係平日既環境吸收到幾多野,
而範文都變左老師既一種"功課". 要係考公開試之前講曬佢.
有不少老師都睇唔起範文既內容呢~"~

範文有好有唔好. 一齊都在於HKEAA既考試制度..