【天龍辯論】結果公佈

∼香Ｂ∼

江湖，一直都充滿爭議。
是次天龍版為大家舉辦一場辯論比賽，讓大家可以盡情表達自己對天龍內一些敏感議題的個人看法。


今次的辯論議題是「轉蛋系統是天龍沒落的最主要因素」。到底轉蛋系統是對是錯？予玩家有損或有利？大家可以盡情在這裡討論！

活動詳情：
參與方法：成為某一方的辯手，留言內容不少於５０字

活動獎勵：凡參與並符合上述規定者，獲得５０樂點獎勵及５點勳章獎勵（勳章積分只加一次，但樂點可以無限獲得）。
活動完結後我與大俠版主將選出優勝一方，該方每位辯手均可獲得額外５０樂點及３點勳章獎勵。

活動日期：12/4/2013---22/4/2013

============================================

活動完結，現公佈結果

首先多謝大家，見到大家其實對天龍裡面某Ｄ爭議話題好多意見，反應唔錯。將來都可以試下用更爭議性的話題做題目，比大家好好發表意見！！

廢話不多說，活動結束之後見到雙方支持人數竟然相同我就呆左=.="，根本兩邊都講得有道理，而且理據都好充足。咁既然如此，我決定正反方不分高下，打和！６位辯手穩袋獎勵！

光云

背景:係我玩天龍果時 34石已經係好勁,而當時既轉蛋只出3石,後來再慢慢演變成出34石(不過4石都較貴), 再遲D有出345石 45石都屬於貴價石 之後再出到6石(不過中既機率糸得0.0000000000000001%) 但45石價格開始有下降既跡象

好,入正題
首先,當年我一開始玩,轉蛋問題唔太嚴重,自從暗器一出,神玉盒有大量既野,令多左玩家入點, gameone 見反應唔錯.. 所以就開始有瘋狂轉蛋....
問題就係呢度啦, 你可以睇番4年前既蛋, 最多出34石 3石350=1 4石1200-1500 =1 大家都接受既 因為當時大部分玩家都係34石仔, 令到一D 生活玩家亦都能生存
但係, gameone 為左賺錢,愈出愈離譜,先唔講佢連6,7節,345678銀布都出, 但最低最低限度呀,都唔駛出6,7體呀大佬? 轉盤令到3石100元都無 4石200元 5石1000 6石8000 有粒 仲要係好易中 再諗番當年既34石玩家咁低能1200 元收粒4石做咩?

而生活玩家亦變得愈黎愈無意思 345678銀布出哂,全10玩家都無用啦,龍血,彩棉變到一文不值咁制 令到基層玩家,生活玩家都選擇退出天龍

呀楊

背景:係我玩天龍果時 34石已經係好勁,而當時既轉蛋只出3石,後來再慢慢演變成出34石(不過4石都較貴), 再遲D ...
光云 發表於 12-4-2013 09:51 PM

中晒point
十分到位!!

沫淚

背景:係我玩天龍果時 34石已經係好勁,而當時既轉蛋只出3石,後來再慢慢演變成出34石(不過4石都較貴), 再遲D ...
光云 發表於 12-4-2013 21:51

    好耶有人講到我既心聲
5石可以跌到得返1千幾真係離哂譜
難聽d講 好似玩緊_服多過正服

光云

樓上選擇正方既朋友講既野的確都係令好多玩家對港服天龍不滿/心灰既原因
但是否就係令  港服天龍沒落  ''' ...
小小武當 發表於 13-4-2013 09:24

之前1200元收粒4石既玩家同之前連1000元都收到粒5石既玩家, 作比較,邊個心灰D?

你要諗下之前全34石已經係好勁-- 唔係一般人可以負擔到 ,但而家gameone出蛋出到567石 而家岩岩新玩既人用錢整隻5石人同之前既人用同樣既錢,不過得34石 你話邊個心淡? 無錯,蛋係可抽可唔抽 但出石機率會導致石頭價格下跌 , 從而令到D人可以用較少既錢整到隻5石人 而之前難得整到34石既人,又為咩? 俾著你,你都會放棄啦,係咪呀?

好,你講到生活玩家整405060裝賺到錢, 你係咪真係決定全部ser都好似北ser咁,每組都有人玩? 以新,逍ser為例, 玩40-60組既人接近係0 所以整到裝又點? 會有人收嗎? 會賺到錢嗎? 用材料整8090裝 一年都出唔到20隻8星 而家? 轉蛋345678銀布, 蛋裝都已經瘋狂出78星裝咁用材料整D456星裝做咩? 又放得出嗎?

第3, 大家對元寶既需求大了, 而生活玩家為左係唔入點而可以係game度生存到,佢地會跑商整裝黎賺金再換元, 4年前我仲記得1000元換得1200金
出左蛋 1000元=1500金 之後再1:1.8 到轉盤更1:2 甚至1:3 咁你話D生活玩家點有咁多錢去換元寶?

唔明既話我重申一次D pts
1.之前整隻34石人既錢而家整到5石人,令到玩家心淡
2.唔係個個ser有405060組人士, gameone瘋狂出345678銀布,蛋裝,令到生活玩家無心用材料整裝,令玩家流失
3. 玩家對元寶既需求大 換金比率不斷上升 令生活玩家難以生存



再回應樓上再樓上果位

你講到綁元,係咪綁元入面既野,元店入面都有齊先,另外,你綁元都要用左元寶 先拎到 而換金比率不斷上升 元寶更加珍貴 比你係生活玩家會唔會有咁多金去換元再拎得小小綁元?

光云

回復  光云
我回覆個陣都話
你地講既轉蛋所引致出黎既後果
的而且確係令到天龍沒落既其中一個原因

但依家 ...
小小武當 發表於 13-4-2013 12:28

第一

無錯,的確仲有人會買材料整裝,但係試諗諗,係咪個個人都咁有耐性去整呢? 日日整日日整 哂時間之餘 出既6-8星裝又有幾多呢? 令既又有幾多呢? 又出幾多2-5星呢? 與其出2-5星, D人不如買345678銀布好過啦,駛咩買材料整? 呢個問題值得研究

第二

你一直重申有副本就吸引玩家, 1年俾盡你咪出得2-4個, 係咪真係吸引到呢? 呢個都唔係重點, 問題黎啦, 斷估你唔會覺得D人刷野係為左解悶,吹水,溝女之類掛? 刷副本最重要既目的,都係為左汁包包入面D珍貴野/經姐, 如果12星出黃紙,係咪會有人刷呢? 而 E+既物價大跌, 除左4絕之外, 其他副本所汁既野又值幾多呢?例如 12星 魂冰珠,寵裝,有玩既都知幾錢 所以無咩副本係一個因素,但係個人認為副本出既野值幾錢先係一個最重要既因素!

第三

你講到200金有粒4抗石, 無錯呀,係令到生活玩家受惠, 不過你再諗下, 4石平,5,6石咪跟住平,根本就係一個循環,俾你全4又點? 其他人全5 你都無心機玩啦係咪呀?

第四

真丹問題, 真丹令到唔少人認為令game失衡,甚至係令game滅亡既一粒丹, D人無限食, 有錢既咪狂食,無錢既咪1粒都無得食(如生活玩家) 即使你會話,車, 生活玩家賺到錢咪食得lo, 但係真丹既價錢,係咪真係令佢地負擔得起呢? 只會令貧富懸殊問題加劇

最後請回應番我上一個帖所指既”玩家對元寶既需求大換金比率不斷上升令生活玩家難以生存”<----

呀楊

神劍  光雲  太長 話癆 扣分  求總結@@
心隨風去 發表於 13-4-2013 05:04 PM

轉蛋轉盤令到game嘅市價物品不斷下降
雖然說新一批玩家較為著數
但gameone就趕盡原本嘅生活玩家同舊玩家
事關當時普遍人係玩34石
但依加周街都45石或以上
對前期用左好多錢投資嘅玩家唔公平
即使有新副本吸引
但其實唔代表舊玩家會須氣接受
事關換裝上石都需要一筆新資金
何況依加gameone根本唔做野

呀楊

我總結下我地反方既原因先,

天龍沒落=無人玩

無人玩=玩家流失+無玩家加入

玩家流失原因:
個GAME熱潮1過D ...
tommy369124 發表於 13-4-2013 05:31 PM

天龍走下波的確有其他原因
依個係毫無疑問
但係佢趕走左兩批人
即係生活玩家同舊玩家
你地都識講因為天龍年齡都唔低
正正就係冇左舊兩批人支持
就算有新血加入
你都識講唔會多
所以我覺得就係因為喪出轉蛋
導致物價大亂
跟住就害死兩批人
而其後加上gameone唔更新等因素
所以令天龍不斷下滑

呀楊

回復  光云
第1.
我想問3銀布咩價? 100元1粒?
3銀出幾多星? 係唔係一定出78星?
一粒3銀既價夠你買材料整到 ...
小小武當 發表於 13-4-2013 07:56 PM

有一點我唔係好明
你指天龍就好似一個濃縮小社會咁
但係正常市價已經比gameone一鋪整殘晒
雖然對你地有好處
可惜坦白講好多舊野個價都已經冇得再升
只有不斷咁降
姐係話啲生活人需要打量減小
另外有冇諗過一早入好晒裝34石玩家嘅感受?
依加已經變相要我地批舊玩家要強制遷就gameone
但希望你唔好同我講可以入game吹下水呀打下副本呀等說話!!
如果要吹水點解我唔上nakuz或者facebook等社交網站?
你要幾多friend都有~
除非你話自己冇朋友
得天龍有...
咁我冇no comment
至於打副本你見到通街都45石或以上
人地啲HP等能力高你咁多
完全係與基本實力脫節
難聽啲真係冇人睇起你
咁頌有咩好玩?
咁我不如玩PC

呀楊

回復  呀楊
我個句野係回應番  玩家對元寶既需求大換金比率不斷上升令生活玩家難以生存
我指話  現實社會 ...
小小武當 發表於 13-4-2013 10:24 PM

我明你意思
所以我唔會反對你point
只係想借機會表達下舊玩家嘅無奈~