【天龍辯論】結果公佈

∼香Ｂ∼

江湖，一直都充滿爭議。
是次天龍版為大家舉辦一場辯論比賽，讓大家可以盡情表達自己對天龍內一些敏感議題的個人看法。


今次的辯論議題是「轉蛋系統是天龍沒落的最主要因素」。到底轉蛋系統是對是錯？予玩家有損或有利？大家可以盡情在這裡討論！

活動詳情：
參與方法：成為某一方的辯手，留言內容不少於５０字

活動獎勵：凡參與並符合上述規定者，獲得５０樂點獎勵及５點勳章獎勵（勳章積分只加一次，但樂點可以無限獲得）。
活動完結後我與大俠版主將選出優勝一方，該方每位辯手均可獲得額外５０樂點及３點勳章獎勵。

活動日期：12/4/2013---22/4/2013

============================================

活動完結，現公佈結果

首先多謝大家，見到大家其實對天龍裡面某Ｄ爭議話題好多意見，反應唔錯。將來都可以試下用更爭議性的話題做題目，比大家好好發表意見！！

廢話不多說，活動結束之後見到雙方支持人數竟然相同我就呆左=.="，根本兩邊都講得有道理，而且理據都好充足。咁既然如此，我決定正反方不分高下，打和！６位辯手穩袋獎勵！

小小武當

先由題目黎講
題目係  轉蛋系統是天龍沒落的''最主要''因素
對此  小弟就不敢苟同了

每一隻遊戲都有GAME齡
由最初既熱鬧  到最尾既落幕
中間既過程就好似係經歷左一生
而我地玩家  就係見證住  港服天龍既一生


就以國服天龍黎講   國服天龍並沒有''轉蛋糸統''依樣野
但其中好多既區  經過時間 歲月既磨洗 慢慢都變得人去留空  變成一個死區
有部分區 已經係再三合服  先保持到人氣  
由於可見  就算無轉蛋  一隻GAME都會因為時間既流逝而慢慢式微
因為GAME係人創造出黎  
玩家們 踏入天龍世界  玩過各樣副本 試過各樣功能後  一定會由最初既新鮮 慢慢變到覺得枯燥乏味
因為人就係咁  永遠都係中意新鮮感 中意嘗試新野
以國服天龍咁積極既更新速度  都可以出現死區
更何況港服天龍咁既進度  點會唔令玩家流失呢?
玩家一個一個咁流失  人少左  難組人刷副本 城市變得冷清
人多自然多恩怨 多是非 多糾紛 都係一種熱鬧  
人少自然就相對少左啦   好似玩單機咁  惡性循環
玩家自然愈來愈少  慢慢便沒落


港服天龍沒落  我認為最主要既因素係  
更新新副本  新資料片太慢(舊既野玩到悶  又無新野玩  慢慢便無興趣  一個接一個咁就離開天龍)
以上原因就好似一個導火線  一點就引發連鎖效應  
無新野玩-->玩家悶就會離開-->你唔玩我又唔玩-->刷野難組人  主城無人氣-->又有一部分玩家離開------->慢慢沒落

我相信仍然玩天龍既玩家  
大部分都係因為玩家與玩家之間所建立既羈伴
令佢地繼續留守

總括而言
我認為  導致天龍沒落的最主要因素是因為
GM長期唔肯更新新資料片 唔肯推出新野
轉蛋都係一個令天龍沒落既原因  但我覺得並唔係最主要
就以我個人黎講  如果GM肯有明確既更新計劃
作為消費者 如果長期有新野玩  就算要我消費 我都心甘情願.

以上小弟禺見  多多指教

tommy369124

首先,要天龍沒落的最主要因素先探討天龍沒落的原因.
而天龍沒落的原因有玩家流失.無玩家+入,下文將分2方面:

1.我作為1個回流玩家對於真單是十分心淡,因為你點都吾會追到,所以令回流玩家望而卻步.
2.個GAME熱潮1過D人就走,+上吾更新,D人爆曬頂,令原玩家流失.
3.無新人+入糸因為開新AC又追吾到D經,而家天龍吾係有錢就勁,要時間令經,放錢落去不如收AC
收AC都係1走1入,OR1個人收多個AC,仲小左人玩-.-....
所以無新血+入.

以上都吾糸轉蛋問題,主要原因吾糸轉蛋而糸其他....

刺客先生

這個世界沒有對與錯 只有多數人與少數人

轉蛋系統沒有對錯
辯論這系統對大多數人還是少數人有利更好
還沒入正題已經超過50字 嘻嘻

我認為最主要因素是版本停濟不前
很多玩家已經開了很多個帳號
每個帳號也是三位數的級數及充滿強悍的裝備
所有系統及副本已經玩過無數次
當初的熱誠和興趣已經慢慢流走...
至於對天龍還有熱誠的人想追求更新的玩意而轉到國服
做成港服天龍末落(辯題應該是指港服?)

還有一個原因不是與天龍有關的
就是智能手機的普及
大家提起玩Game都是PAD,神魔,Candy Crush
遊戲年代由當年的單機,家用機,手提遊戲機,網遊到現在的手機
Online Game不能隨時玩已經是一大敗點
聽說好像已經研發了平版玩天龍(?)
如果做到用電腦玩的感覺應該會比現在那些簡單的手機遊戲吸引

嘛...我的通識經常不合格 看不明白是正常的
50個浮雲拿來吧(伸手

小小武當

樓上選擇正方既朋友講既野的確都係令好多玩家對港服天龍不滿/心灰既原因
但是否就係令  港服天龍沒落  '''最主要'''既因素呢?
我唔係捉字  但如果真係以一個 審題角度  一個辯論一定要圍繞番個題發表出正反意見

我地依家討論緊  轉蛋 依樣野  係唔係就係令港服天龍  由一個繁榮現象  慢慢變到依家接近死區咁
調番轉黎講   係唔係如果無左轉蛋糸統  港服天龍就唔會沒落?
咁我舉國服天龍既例子就已經足夠說明   轉蛋並非係天龍沒落最主要既原因

再者  
正方既朋友好強調因為出左轉蛋後  
令到基層玩家/生活人 失去左生存空間  慢慢令佢地淡出天龍
我認同一半
生活人:
我覺得生活人 唔係一定要種10種10礦黎搵食
做生意要靈活變通嫁
高LV裝成日出6-7星裝
咁你可以轉整低LV裝
5-6種仲易升啦
你開多幾隻人種
日日整裝  3-4星賣5金10金  一陣就比人掃曬
溥利多銷  整一次閒閒地搵幾百金
雖然賺得少  但一定有市場
我整40組50組裝   一個月平均都搵3千6元寶(1張450點)
1千元同人換2500金  
無錯生存空間係少左  但係唔係就真係生存唔到呢?
再者  自從防裝易出高星後  
整一次裝  好多時都出到1隻6星野
1件6星裝 我相信你賤放100金都有人要掛?
但你只係付出左時間 同打造圖去整  成本係極低
生活人係指自己種野 採礦吧?

基層玩家:
基層玩家既定義係咩先?
唔買點?  3石人?
我覺得 基層玩家可能會因為見人狂抽轉蛋而覺得心理唔平衡
但如果遊戲經常有新副本新野玩更新  我相信 佢地又未必會離開天龍

轉蛋無人迫你抽  你可以無視佢
依家最大既問題係
大部分玩家睇唔到天龍仲有咩前景同希望
連續周周出轉蛋轉輪  但又無明確既副本/新野更新
令到玩家覺得  天龍係唔係就係咁一直落去
咁我洗錢上石為左咩? 又無新野玩?
正正係依個原因先令玩家覺得比心淡同郁悶
每一次大更新都有玩家回流
點解?  因為其實好多人都好期望天龍有大更新
因為無新野玩而離開   因為有新野玩番番黎
點解咁多人轉左玩國服?
因為國服多野玩嘛

所以我覺得導致港服天龍沒落既 最主要  因素係副本/遊戲新功能更新問題
轉蛋問題都只係其次
你睇國服 一禁入去  5絕阿  咩咩幻境阿  未玩睇佢介紹已經好興奮啦
但港服呢  每周二更新  咩咩轉蛋上架  咩咩轉輪上架
玩家心淡既係  點解佢每次都係轉蛋 而唔係副本更新
無新野玩  又加上狂出轉蛋  所以咪走人囉
但狂出轉蛋  如果每半年有大更新一次  KEEP住長期有新野玩
玩家又未必會咁快走人WO
上曬石  玩新副本又唔洗錢既 點解我唔玩?

以上小弟愚見 多多指教
如果支持正方既朋友 有唔認同既地方 歡迎指出並作出反駁

小小武當

回復 17# 光云
我回覆個陣都話
你地講既轉蛋所引致出黎既後果
的而且確係令到天龍沒落既其中一個原因

但依家依個POST係討論緊  
轉蛋系統是天龍沒落的'''最主要'''因素
我唔並認為  轉蛋係天龍最主要沒落既因素

1.之前整隻34石人既錢而家整到5石人,令到玩家心淡
無錯  你指出依個情況  係令到好多玩家心淡  繼而離開天龍  大量玩家走係令到天龍沒落
但我指出  假若GM重新開始積極番更新  半年出一次副本  追番國服既進度  你有一隻34石人係道
你會唔會用隻34石AC繼續玩下新副本先?  定都係心淡照走 有新野都唔玩?
相信你都會繼續玩啦 岩唔岩先?
無錯  出轉蛋的確係令物價下降  用較平的錢可以打造一隻角色
令到之前用較多錢打造既玩家會心有不甘
但唔通佢肯有大更新  有新野玩都唔玩?
所以我指出  令天龍沒落既最主要因素   係佢長期唔更新(副本/功能等)
轉蛋所引致出黎既後果只係其次

2.唔係個個ser有405060組人士, gameone瘋狂出345678銀布,蛋裝,令到生活玩家無心用材料整裝,令玩家流失
無錯  你講得好岩  唔係個個SER都有405060組人士 依個係我忽略左
但做得生活人既人相信由一開始都係預左自己自力更生  唔會買點
做得生活人好多都係享受自己種田等等既樂趣
用70分鐘種一SET種   再自己整裝  整到岩用既裝自己用/放
依D就係生活人
講真  一隻GAME既資源係有限
其實依家少左人玩  係有限既資源下 競爭者少左
仍然做緊生活人既玩家未必真係咁無生存空間
10種 龍血  的確係仲有人收  
而且生活人包括埋跑商人士掛?
其實依家出左咁多蛋
令到4抗等等石都係200-300金一粒
從另一方面林  唔係令佢地更易上到石嗎?
你講到話轉蛋出678星裝 布銀等等
無錯  係令到D裝既價有所下跌
但有一點
令裝係永遠都有人收  永遠都唔夠嫁
你出到一隻7星深藍齊野90組裝
閒閒地2千元UP  
我相信做生活人
日日自己種田 1-2個月無理由出唔到一件7星裝掛
已經係好保守估計
我自己整 平均整2-3次都出一隻似樣D既7星裝
做生活人付出既係時間  最多你話要成本係監符同打造圖
而且就算佢係因為心淡而放棄整裝
但如果天龍經常有更新活動  唔代表佢唔會玩
歸根到底  
都係因為天龍10世唔更新  令到玩家舊既野玩到悶而離開

講真   好多玩家都係抱怨點解天龍無更新新野玩
佢地覺得氣忿既係 GM只係識出轉蛋呃錢
一句講曬  大部分玩家之所以離開天龍
係睇唔到天龍有咩前景值得佢地期待

重申一次   依家係討論緊
轉蛋系統是天龍沒落的'''最主要'''因素
你講既野都係令天龍沒落既原因
但真係最主要咩?

我問你一個問題
假設轉蛋個個星期照出
但黎緊1年-2年內
GM講到明一定會最少更新番幾個副本
你會唔會繼續等同玩落去?

PS:純粹理性討論 無惡意

tommy369124

我總結下我地反方既原因先,

天龍沒落=無人玩

無人玩=玩家流失+無玩家加入

玩家流失原因:
個GAME熱潮1過D人就走,+上吾更新,D人爆曬頂+好悶玩曬D副本無新野玩,令玩家流失. 吾糸轉蛋

無玩家加入原因:
1.無新人+入糸因為開新AC又追吾到D經,而家天龍吾係有錢就勁,要時間令經,放錢落去不如收AC. 吾糸轉蛋
2.回流玩家對於真單是十分心淡,因為你點都吾會追到,所以令回流玩家望而卻步.

另如有人+入
如何收AC都係1走1入,OR1個人收多個AC,仲小左人玩-.-....吾會多人玩左反而可能小左人玩

所以原因1.糸GAME齡過左2.吾更新3.真單4.以經驗為重
無1個糸轉蛋,就算有都吾糸主要原因,其他原因+埋都大過你個轉蛋影響
只可以講糸其他原因而轉蛋吾糸主要原因

小小武當

回復 22# 光云
第1.
我想問3銀布咩價? 100元1粒?
3銀出幾多星? 係唔係一定出78星?
一粒3銀既價夠你買材料整到7隻裝
4567銀布又咩價?
4銀當你200元? 5銀300元? 6銀400元? 7銀500元?
你自己計下幾多金  如果用金可以整到幾多件裝
依家出到34567銀布
已經唔係好似以前咁  一定會出高星令野   好多時用56銀布整裝  係出5星6星 仲要垃圾
7星8星真係好難出  出到都未必係令野
但你收一粒7銀 可能夠你買材料整5-6set裝  1set7隻 都30幾40隻
但你一粒7銀出1件裝 概率你都識計掛?
唔係個個都會學你話一定會收銀布整
好多人寧願用材料整  整多幾次 博佢出高星
我自己一次用過20粒5銀整裝
出過一隻8星  但係垃圾


第2,
一隻online game
副本就係一個比玩依隻game既人互相認識對方既地方
你知唔知有幾多人  識既第一個朋友係因為一齊刷3環?
係副本入面  玩家之間互相互動/合作/聊天  令到玩家之間可以有機會認識對方
刷副本唔吹水  咁同玩自己玩單機有咩分別?
好似刷3環咁
第一環要走橋 隊長會話123走 456留
依d係都係一種互動
好似刷燕咁
逍遙放陷  武當比指示  放/接/停如封
依d係都係一種聊天
好似刷大飄咁
引手要引住隻王  峨嵋要加引手血
依d都係一種合作
正正係因為有副本既存在
令到好多唔識既人可以有機會認識對方
大家一齊刷野 +fd 做朋友  吹水
副本就係一種緊扣住玩家之間關係既橋樑
絕對唔係你話為左執袋
好多未出既副本
對於玩家之間既合作性 互動性係更加高  仲有12人既副本  

第3,
對於一個完全唔買點既生活人
玩天龍一定係有自己既底線
唔會話 上完全4 就上全5
好多生活人
佢都係要求自己10血
夠毒抗 夠冰抗刷野就夠
你話  俾你全4又點? 其他人全5 你都無心機玩啦係咪呀?
你依個林法並唔係從生活人既角度去林
你會入點個d就梗係覺得唔甘心啦
我有入點 你有入點
點解我以前用1千蚊上全4  你依家用500蚊上全4
但生活人 唔入點既玩家
對於依個情況  佢地又唔會咁大反應
我識幾個生活人
佢地都係話 佢地咪用錢上石囉
我種到田 賣到既 慢慢上都夠玩啦
依d先係生活人既心境/心態

第4,
你有無代入過生活人既林法?
真係做生活人個d
有幾多真係渴望食真丹?  或者無左真丹唔得?
你講既野
都係從一個會入點既玩家角度出法
好多真係做生活人個d
用一句說話形容
就係類似 閒雲野鶴  自得其樂咁
佢地好少會理你所指個d野
都係日日種田個d
我識幾個真係做生活人既玩家
佢地真係咁林 唔係我老吹
你想知我game比名你都得

最後請回應番我上一個帖所指既”玩家對元寶既需求大換金比率不斷上升令生活玩家難以生存”
對於你依個睇法 我只可以講
天龍入面都係好似一個小型既經濟社會咁
物價有上升下跌都係一個正常既現象
好似現實咁
好好多租約完左既商鋪
人地業主都要加租啦
佢地都會話  係阿 生意難做 唯有賺少d啦
你又唔林下  當年防裝出高星個陣
10種炒到咩價? 個陣生活人都發到豬頭咁
每樣野都係有周期  依樣係無可避面
無話生存唔到  但一定比之前辛苦囉
以前一個月搵既 可能依家要2個月搵囉

以上既回答同題目係無關
我廢事你話我回避你問題 所以照回
多多指教

小小武當

回復 28# 呀楊
我個句野係回應番  玩家對元寶既需求大換金比率不斷上升令生活玩家難以生存
我指話  現實社會都存在需求與供給依個問題  
咁天龍世界既經濟就好似係現實社會既縮少版咁
我只係針對  金換元  依一點黎講   
我無否認  好多野已經失衡
我都有指出  依家做生活人係比之前更艱難

但其實有一點 唔知你同唔同意
唔好講天龍
依個世界咩都會變
時代係會進步
我好耐之前都舉過一個例子
新季買杉 一開個陣1千蚊
咁你中意 你買左
過左1個月  佢會-價 或姐有折
500蚊!!   咁你係咪覺得好唔抵?
點解我唔等多1個月平一半先買?
但你唔好唔記得  你比人地着件杉早1個月
你比人地早左享受左依樣野 所以比多左錢
依d係要計嫁喎
當年  34石人已經可以講係一方霸主   5石人直頭係大神 火谷睇埸 威威威咁
好多無石既人見到34石人都會話 嘩 好勁阿  刷副本好大力
你比人早上石 早享受到風光 享受到人地羨慕  依d都要計


我當年都係係元寶店合4藍寶 2100元 上石==
我絕對有權講  我都覺得好唔抵 好唔甘心
但我中意天龍  所以我去適應佢既轉變

每個人既觀點同角度都唔同
其實林深一層 你覺得好岩  我都係係道強制遷就gameone
但我中意天龍 所以我肯因應佢既情況去調節我自己既心態
好多野無錯與對  生活夠辛苦
又要番學 又要搵食  但人都係要生存

我講既野岩唔岩聽都好  只係理性討論  並無惡意

小小武當

回復 31# 呀楊
我都明依種無奈
我80組個陣  我收5屬攻都係6千元
依家2千元   相差可能都係1年左右   1粒=3粒  
我有陣時林番起都覺得無奈   
升左98 所以我依家就算玩  我既底線都係 換左90組裝  上埋粒4孔
唔會話因為佢石平就轉高一級既石

另外關於你話識朋友既問題

舉個例子講
假設你好中意打藍球  你想識一D都係中意打藍球既朋友  
你都會去球埸  唔係去圖書館啦 岩唔岩先   
因為去球埸更加容易識到大家都中意打藍球既朋友   意趣相投嘛
入GAME吹水打下副本都係更加容易識到大家到鍾愛天龍既朋友姐