*~成功/失敗~表白?

隨身聽

有人表白成功....
有人表白失敗....

成功後在一齊,
失敗後:還是朋友嗎。

我係戀愛經歷睇左好多post
"表白衰左,好唔開心"-------不要傷心
我試過以2個會員的身份發一些問題,2個post都大致相同,只係對景不同,但各人的回應竟是天淵之別!
其實表白真的是1/1的辨法嗎?
我通常想放膽表白的時候都會問一問各同胞,每次問完,個個就是說:
表白啦,表左都有50%得,唔表就0%,男仔放膽d!
但真的表白後失敗了,會員就說:
你理都唔理就表白梗係衰啦!

因為可能別人認為你衰左都唔關我事嫁啦!
但別人失敗了,你又認真起黎,再說一句,愛唔一定要擁有!

不如大家發表下:
1. 要表白的原因
2. 要表白的場合,時間
3. 什麼時候不應表白,什麼時候要快馬加鞭

我念同志們表白前望一望e個post,都可以了解自己的情況加以施展招數!

Jasonchun

要表白的原因....梗係因為想同佢一齊啦..咁失敗左 原來佢鍾意第個..咁咪祝福佢地lo  
咁當然要大膽..放膽d啦  女仔唔鍾意男仔咁細膽ma       幾時表白好...咁梗係做朋友先 跟
住慢慢熟落 先進一步行動...咁都要睇情況嫁ma   唔通識左幾日..你就行埋去講鍾意你咩   不應表白 當然係人地有仔哥時..哈哈:lol   什麼時候要快馬加鞭..好難講bo

泰

表白唔係一個問題
但係表白左可能朋友都冇得做...
就算做到朋友, 見到都唔想講野喇...

hopeipei

1.)要表白的原因
答: 讓對方知道自己的感覺
一日不開口 , 暗戀者就越忐忑不安 , 自自然湧出決心來.  當然要視暗戀者的性格而定.

2.)要表白的場合,時間
答: 天時地埋人和 , 事在人為 , 一切取決於表白者的意向

3.)什麼時候不應表白,什麼時候要快馬加鞭
答: 暗戀者在暗 , 往往於未知之數時只得逐步試探 , 逐步進攻.
若發然對方似乎表現受落 , 大有機會的話 , 當然要快馬加鞭.

相反 , 若一開波 , 便發覺對方調頭走 , 便可收兵打退堂鼓 , 既能不影響彼此的朋友關係 ,
更能給自己一道漂亮的下台階.  來日方長 , 先收兵回氣 , 靜待他日時機成熟緣份的到臨 ,
或許更好的安排就在前面哩.

tonylai

其實表白就好似倒賭博一樣...一定要有心理準備要輸~~

7ond

我好認同樓主講ge野.
其實表唔表白好. 我覺得外人真係幫唔到幾多. 因為有好多因素.
我自己覺得.
真係好愛好愛好愛一個人ge話. 係會乜都唔理. 剩係諗住佢. 去表白.
呢個係我ge感覺. 我係咁.
不過人地成日話驚表白衰左會有後遺症. 呢個我又認同 -.-"
點解要表白呢.
因為愛佢. 因為一種很奇妙的感覺. 很想和她一起. 很想有進一步的關係.
就是因為愛嘛. 很難具體的說.
要表白的場合時間.
唔知. 不過. 親口講!
幾時表幾時唔表.
1. 明知人地唔鍾意你. 一 D 好感都冇. 唔表.
2. 人地拍緊拖. 唔表. (除非你知人地其實真正鍾意ge係你)
係咁多 -.-
其實表完白衰左. 會冇朋友做.
係好睇個女仔ge姐. 都未必會.
不過如果不嬲都同你少講野ge就...真係冇野講都似 ==

其實感情呢d野. 邊有竅門. 邊有一條特定ge rule比你跟丫.
愛情真是難搞的東東. (茶

ps. 女看的話把女看成男把她看成他 囧

[ 本帖最後由 7ond 於 1-1-2008 17:22 編輯 ]

哈林=]

表白睇氣氛既...同埋係自己好有自信既時候\
表白係邊到表都一樣..有心就得

[H]龍魂燄煞

1. 要表白的原因
喜歡對方~
2. 要表白的場合,時間
有feel就來~
3. 什麼時候不應表白,什麼時候要快馬加鞭
時幾到就表白
時幾不對就不說

ζ×小海〃°

1. 要表白的原因
鐘2佢
2. 要表白的場合,時間
得你同佢
3. 什麼時候不應表白,什麼時候要快馬加鞭
心情好

隨身聽

好多人都話要表白是因為愛她,可能你地靚仔靚女,受歡迎,示了愛都沒什麼問題!
可是表白的真正意義係邊度呢? (盲目追求?)