...........極度冇自信的我.........

無名方士

你要知道.唔係個個人都敢係街上或學校果到插袋.咁樣可以訓教樓主o既膽量同埋嘗試增加佢既信心

Hinton

原帖由 無名方士 於 23-3-2008 02:20 發表
你要知道.唔係個個人都敢係街上或學校果到插袋.咁樣可以訓教樓主o既膽量同埋嘗試增加佢既信心

我覺得你諗嘢太奇怪啦= =
插袋呢啲嘢好主觀嫁啫...唔通行街嗰陣插袋會畀人打?所以唔夠膽插?

點解可以訓練個人嘅膽量呢?

我個人認為,增加自信心係靠自己去見識多啲,同人相處耐咗,自然理解到人與人嘅相處之道,
咁反而自信會多咗,因為知道人哋點睇自己

而同插袋冇咩關係囉...- -

[ 本帖最後由 Hinton 於 23-3-2008 15:11 編輯 ]

破風箭

樓主令唔令仔先..
你令仔又想勇d我建議你去玩one night stand
(啦啦啦,我照字面譯架喳,我真係真係叫你係企一夜架喳[[bao_43]] )

BeSt`Ocean

多d清理口腔囉, 李施德林唔錯架

W~fred

我記得我由細細個開始都好似冇主動去識過一個朋友  一直以黎 身邊既朋友都好似係主動過黎識自己 ...
我成日都覺得冇咩必要去主動識人 但係,..我又好羨慕個d 有好多朋友既人
我想問你地主動去識一個朋友既心態係點? 係出於咩?
仲有  一開始我覺得好尷尬 開場白應該講咩?

Hinton

原帖由 W~fred 於 2-4-2008 18:55 發表
我記得我由細細個開始都好似冇主動去識過一個朋友  一直以黎 身邊既朋友都好似係主動過黎識自己 ...
我成日都覺得冇咩必要去主動識人 但係,..我又好羨慕個d 有好多朋友既人
我想問你地主動去識一個朋友既心態係點? ...

以我個人而言,我識朋友之前會睇吓人哋嘅眼神,
如果對方對我冇咩敵意的話,而且自己認為對方識得過
就會同佢傾謁...不過要靠fd搭fd咁識先得,唔係茂茂然同個人講嘢會怪咗少少

而我識朋友嘅心態就係,擴闊自己視野......
因為唔同嘅朋友有唔同嘅經驗、待人處事嘅態度
如果見到佢有可取之處嘅,我就學
見到佢有啲令人難受嘅地方,我就話佢知,佢邊啲地方令人唔滿意囉

我就認為樓主你應該主動啲識朋友

唔好理其他因素,

一個真正嘅朋友,應該可以包容你嘅缺點嫁嘛

冇人係完美嫁喎...更何況,你而家係識朋友,唔係識女仔*喎

如果你有時覺得embarrassed嫁話,咪問返自己,你識對方嘅出發點係識朋友,定係識女仔*囉

假若對方唔想同你做朋友,你可以識第二個、第三個嫁啫,呢個世界咁大

唔好因為自己嘅被動性格,而令自己封閉喺一個細小嘅世界度嘛

如果樓主仲係冇勇氣去做第一步,去主動講嘢的話,

咁你就假設一件好著緊嘅事物,如果唔做的話,就會失去/發生囉

我成日都咁做

例如我做一啲事會驚,甚至冇勇氣去做,我就會諗自己鍾意嘅人,如果唔做呢件事,我就會見唔到佢,

又或者同佢冇可能...咁我做嗰件事嘅勇氣就會大好多

to sum up,以上方法有冇用,都係睇樓主你個心

如果你個心本來已經想識朋友的話,身邊嘅人就算一句encouraging嘅說話都冇講過,樓主你都會去識
如果你個心根本唔想識朋友,身邊嘅人就算講千萬次勸勉你嘅說話,你都唔會去識

所以點樣決定你嘅人生,視乎你個心點諗

既然你個心係想去識朋友的話,就去識啦

*:女仔係指女朋友,唔係女性朋友

[ 本帖最後由 Hinton 於 6-4-2008 12:53 編輯 ]