|
|
發表於 30-3-2008 19:40:37
|
顯示全部樓層
我是轉的
自mhp2g維基
==========================
無聊打個單挑浮波龍既攻略:
初時個人認為打浮波, 用弩係最好既. 最少唔悶.
lance/gunalnce 呢d 長d 既武器可能都ok
太刀/大劍 就只有上劈或篤果下可以.
點知經過實驟証明, 用弩射晒d 彈, 到夠鐘都射佢唔死.........
可能我無射滅龍彈. 場內既 buffer zone 係有滅龍料掘既.
最後測試, 係用超絕最經鬆.
基本上係要強走 5-6支, 大鬼人1 個, 磨刀石.
單打既, 全程強走鬼人mode, 一有機就亂舞,
第2格跌一次, 第4格跌第三次, 6格就收皮了.
連賣料一次11-13萬, 搵錢好幫手.
4人同行更加只係2格埋單.
另外, 要了解係台上既走動方法.
打浮波係響一個兩層既塔上, 打佢時係上層一個c 型既台上,
一般就咁行同碌, 係唔會跌落下層既. 故此用近身武器可以放心貼晒邊打.
但一跑就會衝跳落下層, 呢樣野一定要知同熟, 係逃命既要訣!!
浮波龍攻擊模式如下:
1. 單手劈落
2. 左右手交叉劈落
3. 放圍身熱氣
4. 放爆炸雷光蟲
5. 無敵大風車
6. 巨型吸塵機
除左6 係中者必殺之外,
基本上劍手可無視一切攻擊, 因為扣都係扣 1/4左右, 好少事.
但弩手就要好小心, lv 7 霸甲射手, 中一下 1或 2 就扣左3/5左右. 中 5就秒殺.
支給拎兩個對巨龍爆, 直跑上台.
出台前先用大鬼人加攻. 出台升到上來食強走.
出台等佢升上來, 佢既攻擊係一定先面向攻擊對像先會出.
記得唔好心急, 等佢轉定面向你先, 你就可以開始向左/右行.
如果佢出1 就碌一下, 佢出二就碌兩下.
如果技巧再好d既, 就係佢第一下係左手就向右碌, 第二下向反方向碌.
咁仲有機偷打正面幾下.
佢攻擊完一次, 就可係你既攻擊時間,
每次既攻擊節奏係: 佢打一野, 你碌開, 偷打近台既鬚, 佢轉面向你, 佢打一野, 你碌開, 偷打近台既鬚, 佢轉面向你......
攻擊1, 2 係同一類攻擊, 容易先讀.
攻擊4, 5 係另一類.
攻擊6 就必先一孖鬚插前
攻擊3 基本上係針對近身武器, 用弩可以無視.
如果出現攻擊4, 即係開口放爆炸大雷光蟲,
講你都唔信, 如果單打覺得d 虫麻煩,
只要你跳落台, 再上番來,
就會蟲蟲一掃光, d 蟲蟲就唔見晒............ -.-!!!!
你唔怕蟲既又可以亂舞佢既隔甩底.
唔需要行得太埋個口, 佢個口唔多中刀既. 好奇怪.
如果佢出6, 即係吸塵機, 基本上好易先讀
唔需要驚. 又係果句: walk!! don't run!!
佢會是但向左吸/向右吸, 得一條友就當然向你果邊啦~
你只要一邊不斷向單一方向行, 一邊收刀. 去到最後有兩個情況
一. 你未跳落街佢已經熄左吸塵機.
二. 你走投無路, 呢下就要早少少襟制助跑跳落街.
熟左, 基本上無可能死係呢下手上.
就算佢第一下出一對前鬚唔好彩困住你, 你就要知機走人.
跳落街之後, 要經過一區buffer zone, 可以補給.
總之一落樓再入zone 前就磨下刀
最後, 係最煩既大風車, 呢下就好睇先讀同timing.
呢下同 3 既攻擊前奏差唔多. 所以好易讀錯以為安全
佢一伸抓出招時, 就收刀, mou 低. 又搞掂.
呢個亦係最好既補給時間, 可以當佢開始升高時磨刀. 大把時間.
如果佢真係開晒抓出大風車又收唔切刀,
仲有一個選擇, 就係不停翻滾, 有時可以滾過晒.
又或者只中一下, 都唔會死. 只係重傷.
只要避過左個critical level, 佢就會升番高,
到時又可以落buffer zone 補野. 總之留得青山在.
最佳攻擊時間首選肉臂橫陳, 唔駛講, 可以亂舞3次半至4次.
其次攻擊 6 一孖鬚插前時, 可以係面珠舞兩set,
如果佢係第二set 時口部有所動作, 即係 "開機吸塵, 收刀走人~"
如果第二set 時無反應, 可以繼續放心怒劈. |
評分
-
查看全部評分
|
變色卡
