我可能陰謀左少少....妳ex話妳講佢壞話係因為...我唔識講orz
有fd出賣而出賣左你之後佢有jack so既-_-"
算啦講番正題....
妳打得咁長妳一定係好思念佢...
但換個角度, 其實係妳仲沉醉以前佢對妳好既過去入面...
我唔知妳地平時相處係點, 亦唔知佢做過咩令妳感動,
只係我覺得:
佢會因為妳同玩b會呷醋我覺得好正常, 因為比著我都會;
而妳因為佢而少搵b, 但唔會聽晒佢講唔同b講野 我都好明白;
妳會因為佢成日搵妳朋友玩妳會唔開心好.正.常,
如果係我我都會同我男朋友講冇安全感....
不過我要既唔會係佢一d咁既承諾, 因為即使有女朋友都應該要有朋友.
可能妳唔覺係承諾, 但妳唔要佢呃妳, 某程度上已經係承諾(我覺得)
所以, 既然妳要求既野係佢地唔講野, 佢又要求妳同b唔講野,
而你地both做唔到時大家都唔happy時,
你地有冇設想一下 互相體諒 互相妥協一下呢?!
講到呢度我有個問題, 點解佢對女朋友好就會比人話老婆奴?!
定係妳係人前對佢唔係太好?@@" eg咩都要求佢幫妳/妳唔拒絕佢事事幫妳!?
好,講番先...
我認為, 感情唔係單純既習慣、唔係單純既感覺,
而係對伴侶既信任、堅信日後會有將來,
係需要兩個人同時都好重視好珍惜對方之餘,
亦唔會因為自己個人喜好而去控制對方行動, 比對方自由-->呢個源自信任,
有問題係應該有技巧~避重就輕~開心見誠地講,
兩個人有咩唔可以同對方講, 而對方又點會唔明白妳?
4個月, 我知道唔係一段長既時間,
佢一早知妳成績麻麻, 而佢開出復合既條件係妳考第一,
我見唔到佢有幾珍惜, 有幾體諒妳囉...
妳問心, 如果一齊番佢對妳既態度仍然係咁,
我唔知妳點諗, 但我一定火都黎埋= ="
F3都唔係細...真係要為自己諗諗,
你地係最後一年香港會考既考生,
成績唔好除左中英數之外冇得你地重考架啦,
讀好d書先啦好唔好?
如果識善用時間, 讀書同拍拖冇話兩方面有衝突既..
更何況拍拖/男朋友唔係自己既一切,
人最應該要有既係自我,
我唔會勸妳放棄佢, 因為我知呢d野外人講d咩當事人都好難入耳,
我只係希望妳為佢好, 為自己好都應該讀好書先,
妳大可以繼續等, 亦大可以撇撇脫脫放下佢,
我只希望妳唔會為自己所做既決定而後悔。 |
發表於 7-5-2008 22:36:39