<神兵4>第16期 (正道邪魔消魂變)

xmen

又悶又亂左幾期，今期打鬥終於回復水準喇﹗一氣呵成緊張刺激，百渡和尚放棄成佛後o個份霸氣(見P15~16，獅子老虎咁用先岩架嘛﹗)，堅持只係同迅雷講原因既歇斯底里，今期畫面表達都唔錯。


另外神兵會黑鬼既表現亦見驚喜，特別係把消魂變到巨爪既型態，同埋最後召喚「歸元劍客」(又黎替身使者？)都幾緊張，睇下百渡大戰歸元劍客龍少又會畫成點啦﹗


阿天一眾逃走o個幕亦見心思，善用左心藍同葉青既能力。小弟特別欣賞24頁旁白解釋老翁未能馬上使用越空跨行既原因，(旁白應該咁樣用，而唔係解釋畫面都表達晒既事呢~)今期真係睇到好流暢，抵讚呢﹗

好喇﹗過左3個月既試閱期，係時候做返個小小既回顧唷﹗
<神兵4>既最大特色係現實同玄奇味並重，最初集中神聖同穹白既恩怨，以及主角流落人間既遭遇。至近期文敵既加盟，加入神兵會，阿天前世今生既故事等。此舉無疑豐富左故事結構，但係突然加插既一堆情節，感覺凌亂，同黃易最初既故事顯得格格不入。而最可惜既係冇左開始時香港既親切感，識飛識分身既人物亦都大過超現實。
雖然神兵4現時有唔少缺點，不過佢依然係行內數一數二既作品，小弟相信只要龍少文敵慢慢收返d伏線，神兵4依然可以成為一本經典港漫既﹗

暫時諗倒既問題…..

• 神聖可以主宰宇外流化既生命，點解唔整死穹白就算呢？
• 葉青同穹白既關係係咩？點解之前穹白見倒葉青會變臉呢？
• 穹白複製人既技能
• 阿天心藍驚雄既3角感情線
• 沙曼洛之前點解要去香港呢？
• 葉青之前跟沙曼洛單case係為咩？
• 坤劫損日二位一體既原因
• 宇外流化400年黎發生咩事？
• 點解要等400年先去香港搵阿天？
• 神兵會既人點解而家先去搵阿天？等左十幾年wor~
• 阿天點解會出現o係農田度？
  

希望龍少會留意倒呢d問題，幫小弟解決疑問啦﹗

~{戴浩光}~

唔知各位覺唔覺得龍少而家&#21874;作品打得好似冇以前咁勁?[[yoyo_150]]

靛．羽．風．蓮

下期封面看來是紀農夫與他的前三世，不知日後主角會否再來個未來世？

[ 本帖最後由 靛．羽．風．蓮 於 1-6-2008 01:08 編輯 ]

nakuzsbb

今期好似睇緊火影咁 -- 多重影分身術

神武光輝

[[bao_33]] 今期正啊！冇冷場㊣