<神兵4>第17期 (凶兵之最冥凶)

xmen

今期又有幾位新人物，新兵器出場。睇到頭暈暈，真係需要d時間去消化一下呀﹗

首先係吹左幾期既凶兵至尊「冥凶」終於出場，仲係幾變態o個隻，用久石老婆做劍骨鑄劍，睇過大家就知架喇﹗而除左久石老婆之外，穹白口中亦提到佢旗下既「三大元帥」，睇黎龍少嫌d人物仲未夠多，故仔仲未夠亂，再要加d新人物唷﹗眨下眼剩返一日，神聖軍就會殺到去日月宮喇﹗又睇下到時寫成點啦﹗

以為百渡同歸元劍客會黎場大戰，點知只係蜻蜓點水，俾神兵會既「南海」出黎做架樑，仲召出佢既兵器「分天」要同百渡鬥下咁話。

最後一part講阿天o係葉青屋企發生既事，葉青原來都有一把「神兵」可以克敵，拎出黎制服阿天同心藍，而一直保護葉青一家既百渡弟子「妙法」亦有出場。糾纏之際神兵會既人又殺到黎攪到阿天要急急著草，心藍臨走前感應倒葉青屋企有d野，原來係佢阿媽既鬼魂….

依然鼓勵龍少趁早收返d伏線，咪攪到而家越出越多人，越出越多兵器咁，睇到有d亂喇﹗另外仲要係咁玩鬼魂，迅雷､歸元之外，今期連葉太都出埋，越黎越玄奇喇﹗

雖然畫功仲keep倒，不過面相開始走走地，有d表情仲幾奇怪。(見p30阿天救葉青一格既面相)神兵會究竟係乜傢伙？點解佢地咁神通廣大知道宇外流化既事？(見之前金髮女同心藍既對話)大主教唔通係宇外未出場既神使？久石唔見左個老婆400年都唔著緊，唔去搵佢既？心藍之前既設定唔係用水咩？點解攪攪下變晒靈力高手呢？

一陣都係開個topic將d疑問同伏線置頂，提醒下有留意呢個board既讀者同龍少既人先﹗^_^

[ 本帖最後由 xmen 於 7-6-2008 15:30 編輯 ]

靛．羽．風．蓮

今期隔空御兵的業途靈(啊~不是,是南海先生才對),還真有氣勢呢!

anson45hg

我覺得穹白有三大元帥都唔奇....

冇理由咁大個盟得隻蝙蝠,陰陽人同埋隻內鬼樹妖吧?!

所以都未算好亂姐,同埋依家個故事係香港同宇外流化擺埋一齊
人物多都唔算出奇丫~

神武光輝

[[bao_42]]劇情算好

veryjoego

一部漫畫人物多才算正常和有觀看性，但是人物突然一次過出得太多了，給人應接不暇，而且迷團真的是越來越多了...小弟我看的時候真的是覺得蠻亂的，希望快些解開部分疑團。[[bao_50]]
話說小弟看了今期覺得葉青好像成為位搞笑的角色。[[bao_35]]

oohk123

我好想知道紀辰天幾時先恢復返前世記憶????

潛水專家

都唔係好多人姐，起碼講得出邊一堆有咩人，唔亂。反而我覺少人就真，成個宇外流化，比我感覺好細，來來去去果幾個人，地方幾大又唔清晰，(老老實實宇外流化係咪好似香港咁上下大咋??d人行兩步就到晒兩邊陣營)，仲講埋邊個邊個最勁，無晒想像空間。香港果邊宜家有神兵會即刻豐富左，如果多多幾路人馬仲好睇，當然故事要講得通啦。

xmen

原帖由 潛水專家 於 10-6-2008 16:25 發表
都唔係好多人姐，起碼講得出邊一堆有咩人，唔亂。反而我覺少人就真，成個宇外流化，比我感覺好細，來來去去果幾個人，地方幾大又唔清晰，(老老實實宇外流化係咪好似香港咁上下大咋??d人行兩步就到晒兩邊陣營)，仲講埋 ...

其實我都唔反對出多D人，只係2,3期已經出左差唔多10個新人物，真係要慢慢消化唷﹗
神兵會一堆唔同國藉既人以滅魔為名走埋一齊都幾奇怪，唔知個大主教係乜水，又點解係都要追住阿天唔放呢？
睇個樣第一､二代都好似因為殺過人而被追殺，但係葉迅雷唔似壞人WOR~~阿天更加仲係傻仔一名，而且阿天係會輪迥既，咪要一直殺落去囉？

cwcw88

----------------------??更多成人小?---------------------

星辰?，
我?上了老婆的妹妹，
官路?流，
神墓，
小兵?奇