原帖由 denny20011325 於 10-6-2008 01:49 發表 
我番工都成日受氣嫁la 我唔見左幾千蚊 我仲頂住過你~
你唔見幾千蚊都唔係番工既事-_-"
唉-.-"今日又黎=____=
有個呀伯拎500蚊黎交錢
我問佢交幾錢啦 佢話『張單寫幾錢咪幾錢囉』
(張單咁嘟多個銀碼,鬼知邊個!?)
咁我睇呀睇,搵到個90蚊 就問佢『係唔係交90蚊?』
佢話『交晒佢就得啦』(交晒咩?交晒500?)
咁交錢呢d野,交錯無得退架嘛
我就再問『係唔係交90蚊?』
佢話『交晒佢呀!!!』(洗唔洗咁恨惡!?)
我只好順佢意咁樣『係係係...即係90蚊啦 講明先,交錯左無得退』
呀姐見個呀伯咁惡,點緊貨都行左埋黎
同個呀伯解釋『我地巡例上都要問一問你地交幾錢 一陣交錯就唔好啦』
個呀伯態度180度轉變『我咪話交90蚊囉』(當我腦殘+性別歧視?)
後尾個呀伯走左,呀姐同我講『洗唔洗咁惡呀?』
『下次問d客唔應就當默認 交錯左都唔關我地事 最多咪睇閉路電視囉,佢默認左既』
其實交幾多錢,係客人既責任,唔係我地既責任 我地只不過係幫你入
算...幫你搵埋交幾錢 問你確認一下都唔順氣?
(定係想唔答,交錯左有得賴人?)
你黎買野都無權搵我黎出氣 更何況你唔係黎幫襯 只係黎入錢!?
唉....日日都谷住條氣遲早爆炸 |
發表於 10-6-2008 01:49:48