<神兵4> 第23期 絕對地獄

xmen

睇神聖無敵人間呢part真係睇到悶悶地，拎咁多頁黎講阿天內心同黑死鬥爭一幕亦有拖戲之嫌。神聖既設定太無敵，而家根本冇人夠佢打，咁仲點講落去呢？全書講神聖為左要返宇外流化，所以捉左阿天，用佢體內既晶元培養多一粒石出黎。最後迅雷唔升仙，落左黎打算同神聖抽。

一直覺得出阿天前世既靈魂係敗筆，本來可以講阿天由無名小卒慢慢進步，一有前世今生，烘住佢要功力大進之餘，仲要破壞左之前「奇石開竅主，進步一日千里」既設定，而家咩招都係前世學埋既，冇晒追睇阿天成長既感覺。好喇，到迅雷而家離體喇~(我仲攪唔明點解佢會上左阿天身，又唔見其他前世會咁？) 咁樣本來話佢有返前世記憶就會有前世武功既設定又破壞左..唉~~真係越睇越亂。由最初期期等佢出，到而家睇完一次覺得悶....真係唔知點講好。d畫仲係keep住既，但係個故事太亂，令到小弟無所適從，知道好多朋友頂唔順cut書喇~~我唔想做cut書o個個呀~~~唔該寫返順個故事啦~~~﹗

靛．羽．風．蓮

怎麼看都覺得迅雷較有主角樣，紀農夫既然魔化了，乾脆就改當奸角算啦！

oohk123

樓主好岩啊!!!而家我越睇越亂!!!!仲有阿天好似冇咩出位咁!!!

好多期都係睇阿天俾人玩!!!阿天好被動!!!

幾時先可以睇阿天主動啊!!!

仲有心藍唔係有神道魔訣咩!!點解佢唔俾神聖又唔俾阿天???

佢到底想點????

[ 本帖最後由 oohk123 於 20-7-2008 10:44 編輯 ]

anson45hg

同樓主意見一致

我也有點想CUT書...

神武光輝

都重係幾好睇[[bao_42]]起碼唔會悶啦！