|
|
因為我地大多數玩文藝復興,所以想講一D關於文藝既野比D新仔知
首先講兵種相克
火槍步兵>火槍騎兵>甲騎刀兵>全部炮>步兵(基本上係咁,細節唔多講)
另外有一樣野要提既就係每個兵種都係可以升級,最好就升左射程先,其餘就自己選,因為射程係EE入面係好重要
我地舊人黎講用兵都係以炮,騎兵為主
而大多數人配兵都係火槍騎兵+大蛇炮
火槍騎兵作用係保護大蛇炮,而大蛇炮就係主攻,所以控兵要控得好
而巨投/大炮都要好好利用,因為屈射程同打建築物快(就算唔多都打得快)
只要火槍騎兵保護到D炮就會易打好多(攻同守都係)
仲有一樣野都好重要下,有D人經常忽略左
就係英雄,唔好以為英雄冇用,比人打幾下就死
其實英雄係用黎帶兵,只要部隊入面有英雄係度,部隊實力都會上升
所以攻守必備既係--英雄+火槍騎兵+大蛇炮+巨投/大炮,而進攻/防守就要靠自己練好D
新人有個奇怪現象,就係送兵,如果一出就死晒,就唔好再出住,如果唔係只會浪費兵力
控制力可以set隊(點set詳情問神之子-.-)
記住幾個要點. 1.配兵 2.控制力 3.兵種相克 4.射程 5.千萬唔好送兵,唔夠打就退後小小先
第二講經濟
講之前要教埋爆經必備既野,就係城鎮中心,我地稱為tc
tc同一開始個首府一樣,都係起村民,tc重要係因為,一個首府出村係冇可能的,因為太慢
tc就係用5個村入一個拓墾場,就做到一個tc
而一個礦只可以放6村,同埋一開始附近必定有一果一金一鐵一石,同2群動物
一開始木肉比較重要,一定要做好經濟先!!
想經濟好,文明黎講奧地利係經濟王國(我地大部份都用奧地利)
一開始20村分配好重要
以比較穩陣既打法就係神之子發明既希羅法(希羅法點用問神之子/poon啦-.-)
新仔黎講我建議一開始用8村起田,5村去採果隔離入一個tc,5村去金礦隔離入一個tc,2村出去起城牆保護自己
因為你一開始已經有一塊田所以唔洗擔心唔夠肉,
之後首府+金礦隔離的tc出村打獵 , 採果隔離個tc就出村採果(出夠6個就開始拎木)
當ko左一半動物既時候,可以用多一個tc出村拎木
動物ko晒就幫手拎木同埋起田,一夠木就起田(係哩個時候最好開始拎埋金鐵),當然3個tc要不停出村
咁做你就發覺木肉已經唔成問題,之後分配村去拎金/鐵/石,最好就起多d tc出村(村民唔怕多)
但緊記千萬唔好用閒村大法,因為新人黎講都係儲埋一批村先分配工作咁做會大大減低經濟速度
每一個出村既tc都可以指派出村位置,如果你指派位set係木度佢一出黎就自己去拎木
記住幾個要點1.木肉一開始係好重要2.要不停出村3.開始時唔好有閒村 4.指派位置
5.城牆保護自己防人快攻
第三講搶中
你地成日都聽到我地講搶中係最重要
因為一開始你屋企附近既資源(金鐵)其實唔多
大部份都係出面,所以搶到中位就拎到大部份金鐵
所以我覺得得中位得天下
搶中,陣地好重要,如果得兵,冇陣地就會變得好弱..
陣地即係起多d兵營,醫院,tc等等,當自己屋企咁就得
第四講對手
對住唔同既對手都要有唔同既打法
有D一開始必定快攻,有D一開始必定搶中
熟識對手打法都係一個要點,
比個例子
shun既話佢大多數玩快攻(哩個係人都知-.-)
你就諗下點防快攻,可以起城牆,巨投守
可以搶中先,可以同佢鬥快,等等好多方法
臨場發揮,戰術,決斷力,都好重要,如果下下都慢人一步就死啦
ps.方法係自己,我比既建議唔係一定要死學,一套做法冇可能用一世,最重要識變通,可以學唔同人既方法,
得閒玩多D咩人都變高手~
如果有咩想問可以問神之子/shun/poon-.- |
|
發表於 18-8-2008 08:28:42
變色卡
