|
|
發表於 29-10-2008 13:19:38
|
顯示全部樓層
我認為你問問題既用語同態度都不合宜
第一,你個標題已經主觀地講,呢d野係虛假既
跟住你問人地信唔信,你覺唔覺得有違常理,同埋不公平呢?
第二,你話女仔偏偏相信呢d虛假既甜言蜜語
不單止係主觀,而且仲有抵毀女性既成份
第三,你話天長地久,一生一世係虛假的,你憑乜野去肯定呢?
如果世界上有任何一個人做得到,咁仲係唔係虛假呢?
第四,你哩個問題,係指人係生命週期入面邊個時期開始呢?
BB同小孩可能連「天長地久」,「一生一世」意思係乜都唔知
但係佢地既對一個人既感情係唔係「天長地久」,「一生一世」,我地可以肯定咁話佢虛假嗎?
如果你話一男一女拍拖之後,先開始計,佢地又真係做到「天長地久」,「一生一世」,咁又係唔係虛假呢?
你或者會唔相信,但係引用第三點,你又憑乜野去肯定佢地做唔到呢?
所以,你既問題真係存在左一定既問題
所以你問既時候,應該係
「你們相信天長地久,一生一世等等的說話嗎?」
而唔係好主觀咁樣話
「虛假的」
紏正完你條問題既問題,就答你既問題
我信,從凡人角度出發
一.無野係無可能
二.情係建基於信,有信有愛,由此感到盼望,信都無,仲講咩愛呢?
從基督教角度出發
愛是恆久忍耐，又有恩慈﹔愛是不嫉妒﹔
愛是不自誇，不張狂，不做害羞的事，不求自己的益處，
不輕易發怒，不計算人的惡，不喜歡不義，只喜歡真理﹔
凡事包容，凡事相信，凡事盼望，凡事忍耐。
愛是永不止息﹗ 聖經(林前13：4-8)
上面既章節已經好明顯咁講出愛既本質,當一個人既愛唔係因為激情,唔係因為一時衝動
一生一世,有何問題?
[ 本帖最後由 A_Terrestrial 於 29-10-2008 13:27 編輯 ] |
|
